4.7 Formáid agus cothabháil an phlean téarnaimh

Ba cheart d’eisitheoirí a bplean téarnaimh a dhréachtú i dteanga shoiléir, shothuigthe. Ba cheart an plean téarnaimh a bheith iomlán, féinmhínitheach, cruinn agus ba cheart an fhaisnéis uile a liostaítear sna treoirlínte seo ar a laghad a bheith ann.

Ba cheart d’eisitheoirí a áireamh ina bplean téarnaimh go ndéanfar an fhaisnéis a chuirtear ar fáil ann a thabhairt cothrom le dáta go tréimhsiúil agus ar a laghad gach uair a thiocfaidh athrú ábhartha ar phróifíl ghnó nó airgeadais an eisitheora agus/nó an chomhartha a eisítear. Ba cheart aon athbhreithniú nó nuashonrú ar an bplean a chur in iúl don údarás inniúil gan moill mhíchuí. Ba cheart d’eisitheoirí comharthaí suntasacha a áireamh ina bplean téarnaimh go ndéanfaidh siad an fhaisnéis a sholáthraítear ann a thabhairt cothrom le dáta ar bhonn bliantúil ar a laghad.