Raon feidhme

I gcomhréir le hAirteagal 18(2), pointe (j) nó Airteagal 62(2)(h) de MiCA, i gcás iarratas ar údarú mar eisitheoir ARTanna nó mar CASP, baineann measúnú ar na faighteoirí beartaithe le dea-cháil leordhóthanach na scairshealbhóirí nó na gcomhaltaí, bíodh siad díreach nó indíreach, a bhfuil sealúchais cháilitheacha acu.

I gcomhréir le hAirteagail 42(1) agus 84(1) de MiCA, i gcás eisitheora ART nó CASP arna údarú faoi Airteagail 21 nó 63 den Rialachán sin, baineann an measúnú ar na faighteoirí beartaithe le hoiriúnacht, bunaithe ar na cúig chritéar measúnaithe a leagtar amach iontu, na scairshealbhóirí nó na gcomhaltaí, bíodh siad díreach nó indíreach, a bhfuil sealúchais cháilitheacha acu.

Níl feidhm ag na treoirlínte seo maidir le heisitheoirí ARTanna nó le CASPanna arna n-údarú mar institiúidí creidmheasa faoi Threoir 2013/36/AE. Thairis sin, ní bheidh CASPanna ar eintitis airgeadais iad a liostaítear in Airteagal 60 agus a sholáthraíonn seirbhísí criptea-shócmhainní mar chuid dá n-údarú i gcomhréir le míreanna (2) go (6) d’Airteagal 60 de MiCA faoi réir Airteagail 63 agus 84 ach beidh siad fós faoi réir fhorálacha Airteagal 68(2).