Seolaithe

Dírítear na treoirlínte seo ar:

• (i) údaráis inniúla mar a shainmhínítear iad i ngníomhartha reachtacha dá dtagraítear in Airteagal 4, pointe (2)(i) de Rialachán (AE) Uimh. 1093/2010;
• (ii) údaráis inniúla mar a shainmhínítear iad in Airteagal 4, pointe (2)(vi) de Rialachán (AE) Uimh. 1093/2010 maidir le Treoir (AE) 2015/2366 agus Treoir 2009/110/CE;
• (iii) institiúidí airgeadais atá faoi réir rialála agus maoirseachta de bhun Threoir 2013/36/AE, Threoir (AE) 2015/2366 agus Threoir 2009/110/CE.

Údaráis inniúla atá freagrach as measúnú a dhéanamh ar bheartais, nósanna imeachta agus rialuithe inmheánacha arna nglacadh ag institiúidí airgeadais chun cur chun feidhme bhearta sriantacha an Aontais agus bhearta sriantacha náisiúnta a áirithiú, de réir an chreata dhlíthiúil intíre, féadfaidh siad tagairt a dhéanamh do na treoirlínte sin agus measúnú á dhéanamh acu ar bheartais, nósanna imeachta agus rialuithe inmheánacha den sórt sin.