6.5 Faireachán, athbhreithniú agus nuashonrú a dhéanamh ar na pleananna

Ba cheart d’institiúidí faireachán a dhéanamh ar chur chun feidhme a bpleananna trí úsáid a bhaint as próisis agus méadrachtaí faireacháin i gcomhréir le Roinn 5.7 agus Roinn 6.3.4. Ba cheart d’institiúidí réamh-mheastacháin a dhéanamh go rialta chun measúnú a dhéanamh ar a gcumas a spriocanna a bhaint amach.

Ba cheart go gcuirfí ar chumas an chomhlachta bainistíochta leis an gcreat faireacháin rianú comhuaineach a dhéanamh ar an gcaoi a bhforbraíonn méadrachtaí faireacháin riosca ESG agus ar an dul chun cinn a dhéantar i dtreo garspriocanna an phlean, le réasúnaíocht shoiléir agus mhionsonraithe taobh thiar de spriocanna nó de chuspóirí nár baineadh amach, agus meastóireachtaí ar an tionchar féideartha ar chineálacha éagsúla rioscaí airgeadais do thréimhsí ama éagsúla.

Ba cheart d’institiúidí a straitéis ghnó a thabhairt cothrom le dáta go rialta, agus gach uair a dhéanann siad a straitéis ghnó a nuashonrú i gcomhréir le hAirteagal 76(1) de Threoir 2013/36/AE, a bpleananna a athbhreithniú agus, i gcás inar gá, a thabhairt cothrom le dáta, agus faisnéis nuashonraithe á cur san áireamh amhail measúnuithe ábharthachta nua ar rioscaí ESG, forbairtí ar a bpunanna agus ar ghníomhaíochtaí a gcontrapháirtithe, cásanna nua atá ar fáil, tagarmharcanna nó conairí earnála, agus tionchair an rialacháin atá ann faoi láthair nó atá ar na bacáin.