6.5 Il- monitoraġġ, ir - rieżami u l - aġġornament tal - pjanijiet

L- istituzzjonijiet għandhom jimmonitorjaw l - implimentazzjoni tal - pjanijiet tagħhom billi jużaw proċessi u metriċi ta’ monitoraġġ f’konformità mat - Taqsima 5.7 u t - Taqsima 6.3.4. L-istituzzjonijiet għandhom iwettqu projezzjonijiet regolari sabiex jivvalutaw il - kapaċità tagħhom li jilħqu l - miri tagħhom.

Il- qafas ta’ monitoraġġ għandu jippermetti lill - korp ta’ ġestjoni jsegwi simultanjament kif il - metriċi ta’ monitoraġġ tar - riskji tal - ESG jevolvu u l - progress miksub lejn l - istadji importanti tal - pjan, b’raġunament ċar u dettaljat wara l - miri jew l - objettivi maqbuża, u evalwazzjonijiet tal - impatt potenzjali fuq tipi differenti ta’ riskji finanzjarji għal perjodi ta’ żmien differenti.

L- istituzzjonijiet għandhom regolarment, u mill - inqas kull darba li jaġġornaw l - istrateġija tan - negozju tagħhom f’konformità mal - Artikolu 76(1) tad - Direttiva 2013/36/UE, jirrieżaminaw u, fejn meħtieġ, jaġġornaw il - pjanijiet tagħhom, filwaqt li jqisu informazzjoni aġġornata bħal valutazzjonijiet ġodda tal - materjalità tar - riskji tal - ESG, żviluppi fil - portafolli u l- attivitajiet tal - kontropartijiet tagħhom, xenarji disponibbli ġodda, parametri referenzjarji jew perkorsi settorjali, u l - impatti tar - regolamentazzjoni attwali jew futura.