Airteagal 75a 2.

I gcás ina bhfuil forais réasúnacha ag an Oifig um Intleacht Shaorga amhras a bheith uirthi nach bhfuil an Rialachán seo á chomhlíonadh ag soláthraí nó úsáideoir gairmiúil chóras intleachta saorga dá dtagraítear in Airteagal 75(1) den Rialachán seo, féadfaidh sí cinneadh a ghlacadh tús a chur le himscrúdú ar an neamhchomhlíonadh sin i gcomhréir le hAirteagal 14(4), pointe (f) de Rialachán (AE) 2019/1020. Ar thús a chur leis an imscrúdú sin, tabharfaidh an Oifig um Intleacht Shaorga fógra d’oibreoir an chórais intleachta saorga lena mbaineann. Féadfaidh an Oifig um Intleacht Shaorga na cumhachtaí dá dtagraítear i mír 1 den Airteagal seo a fheidhmiú ar a tionscnamh féin nó tar éis gearán a fuarthas de bhun Airteagal 85 den Rialachán seo, fiú sula gcuirfidh sí tús le himscrúdú de bhun Airteagal 14(4), pointe (f) de Rialachán (AE) 2019/1020.