Airteagal 75a Cumhachtaí maoirseachta agus forfheidhmiúcháin na hOifige um Intleacht Shaorga

I gcás ina bhfuil cúis ag údarás faireachais margaidh amhras a bheith air nach bhfuil an Rialachán seo á chomhlíonadh ag soláthraí nó úsáideoir gairmiúil chóras intleachta shaorga dá dtagraítear in Airteagal 75(1), féadfaidh sé iarraidh a sheoladh chuig an Oifig um Intleacht Shaorga measúnú a dhéanamh ar an ábhar.

Agus faisnéis á hiarraidh aici, luafaidh an Oifig um Intleacht Shaorga bunús dlí agus cuspóir na hiarrata, sonróidh sí an fhaisnéis a cheanglaítear, agus socróidh sí an tréimhse ina bhfuil an fhaisnéis le soláthar. I gcás iarraidh shimplí, léireoidh an Oifig um Intleacht Shaorga freisin, cé nach bhfuil aon oibleagáid ann an fhaisnéis a iarrtar a sholáthar, i gcás freagra deonach, nach mór an fhaisnéis a bheith ceart agus gan a bheith míthreorach, agus léireoidh sí na fíneálacha a d’fhéadfadh a bheith ann dá bhforáiltear in Airteagal 99(5) as faisnéis mhícheart nó mhíthreorach a sholáthar. I gcás ina ndéantar an iarraidh trí chinneadh, léireoidh an Oifig um Intleacht Shaorga freisin na fíneálacha dá bhforáiltear in Airteagal 99(5) as faisnéis mhícheart, neamhiomlán nó mhíthreorach a sholáthar agus léireoidh sí an ceart go ndéanfadh Cúirt Bhreithiúnais an Aontais Eorpaigh athbhreithniú ar an gcinneadh. Seolfaidh an Oifig um Intleacht Shaorga cóip den iarraidh chuig údarás faireachas margaidh an Bhallstáit ina bhfuil an t-oibreoir nó a ionadaí dlíthiúil lonnaithe ar a chríoch.

Le linn na cigireachta sin, tabharfar de chumhacht d’oifigigh na hOifige um Intleacht Shaorga an méid seo a leanas a dhéanamh:

I gcás ina gcinnfidh an Oifig um Intleacht Shaorga go gcuireann duine nádúrtha nó dlítheanach i gcoinne cigireachta nó go gcuireann sé bac uirthi, tabharfaidh údarás inniúil náisiúnta an Bhallstáit lena mbaineann an cúnamh is gá dó agus, i gcás inarb iomchuí, iarrfaidh sé cúnamh na bpóilíní nó cúnamh údaráis choibhéisigh forfheidhmiúcháin, chun a chur ar a cumas a cigireacht ar an láthair a dhéanamh.

I gcás ina mbeidh údarú ag teastáil ó údarás breithiúnach i gcomhréir leis an dlí náisiúnta le haghaidh cigireachta ar an láthair ar áitreabh gnó, ar thalamh nó ar mhaoin, déanfaidh an Oifig um Intleacht Shaorga iarratas ar an údarú sin. Féadfaidh an Oifig um Intleacht Shaorga iarratas a dhéanamh ar an údarú sin freisin mar bheart réamhchúraim. I gcás ina ndéanfar iarratas ar údarú den sórt sin, fíoróidh an t-údarás breithiúnach náisiúnta go pras nach bhfuil na bearta comhéigneacha atá beartaithe treallach ná iomarcach, ag féachaint d’ábhar an imscrúdaithe nó na cigireachta agus do na doiciméid arna soláthar ag an Oifig um Intleacht Shaorga in éineacht leis an gcinneadh. Le linn dó fíorú a dhéanamh i dtaobh chomhréireacht na mbeart comhéigneach, féadfaidh an t-údarás breithiúnach náisiúnta a iarraidh ar an Oifig um Intleacht Shaorga mínithe mionsonraithe a thabhairt, go háirithe maidir leis na forais atá ag an Oifig um Intleacht Shaorga chun drochamhras a bheith uirthi go ndearnadh sárú ar an Rialachán seo agus maidir le tromchúis an tsáraithe a bhfuil drochamhras ann ina leith agus, i gcás inarb ábhartha, maidir le cineál na rannpháirtíochta ar thaobh an duine atá faoi réir na mbeart comhéigneach. Ní dhéanfaidh an t-údarás breithiúnach náisiúnta aithbhreithniú ar an ngá atá leis an gcigireacht ná ní fhéadfaidh sé faisnéis atá i gcáschomhad na hOifige um Intleacht Shaorga a éileamh. I gcomhréir leis na Conarthaí, is í Cúirt Bhreithiúnais an Aontais Eorpaigh amháin a fhéadfaidh athbhreithniú a dhéanamh ar dhlíthiúlacht chinneadh na hOifige um Intleacht Shaorga.