Airteagal 4 Leibhéal an chomhchuibhithe

Gan dochar d’Airteagal 1(2) agus (3), ní thabharfaidh na Ballstáit isteach, ina ndlí náisiúnta, forálacha laistigh den réimse a chumhdaítear leis an Treoir seo lena leagtar síos oibleagáidí díchill chuí maidir le cearta an duine agus maidir leis an gcomhshaol nach bhfuil i gcomhréir leo siúd a leagtar síos in Airteagail 6, 8 agus 9, in Airteagal 10(1) go (5), in Airteagal 11(1) go (6) agus in Airteagail 14 go 16.

D’ainneoin mhír 1, ní chuirfidh an Treoir seo bac ar na Ballstáit forálacha níos déine a thabhairt isteach, ina ndlí náisiúnta, atá éagsúil leis na forálacha sin a leagtar síos i bhforálacha seachas Airteagail 6, 8 agus 9, Airteagal 10(1) go (5), Airteagal 11(1) go (6) agus Airteagail 14 go 16, nó forálacha atá níos sonraí ó thaobh an chuspóra nó an réimse de a chumhdaítear, lena n-áirítear trí tháirgí, seirbhísí nó cásanna sonracha a rialáil, chun leibhéal cosanta atá éagsúil i ndáil le cearta an duine, cearta fostaíochta agus cearta sóisialta, an comhshaol nó an aeráid a bhaint amach.