+Airteagal 87 Faisnéis ón taobh istigh
---+Airteagal 87 1.
---+Airteagal 87 2.
---+Airteagal 87 3.
---+Airteagal 87 4.

Airteagal 87 Faisnéis ón taobh istigh

1. Forbhreathnú

,
Airteagal 87 1.

Chun críocha an Rialacháin seo, beidh faisnéis ón taobh istigh comhdhéanta de na cineálacha faisnéise seo a leanas:

(a) 

faisnéis de chineál beacht, nár poiblíodh, a bhaineann, go díreach nó go hindíreach, le heisitheoir cripteashócmhainní amháin nó níos mó, le tairgeoir amháin nó níos mó nó le duine amháin nó níos mó a bhfuil ligean isteach chun trádála á iarraidh aige nó acu, nó le cripteashócmhainn amháin nó níos mó, agus ar dócha, dá gcuirfí ar fáil go poiblí í, go mbeadh éifeacht shuntasach aici ar phraghsanna na gcripteashócmhainní sin nó ar phraghas cripteashócmhainne gaolmhaire;

(b) 

maidir le daoine a bhfuil cúram orthu maidir le horduithe le haghaidh cripteashócmhainní a fhorghníomhú thar ceann cliant, ciallaíonn sé freisin faisnéis ar de chineál beacht í a chuireann cliant in iúl agus a bhaineann le horduithe an chliaint i gcripteashócmhainní atá ar feitheamh, a bhaineann, go díreach nó go hindíreach, le heisitheoir amháin nó níos mó, le tairgeoir amháin nó níos mó nó le duine amháin nó níos mó a bhfuil ligean isteach chun trádála á iarraidh aige nó acu nó le cripteashócmhainn amháin nó níos mó, agus ar dócha, dá gcuirfí ar fáil go poiblí í, go mbeadh éifeacht shuntasach aici ar phraghsanna na gcripteashócmhainní sin nó ar phraghas cripteashócmhainne gaolmhaire.
Airteagal 87 2.
Chun críocha mhír 1, measfar go mbeidh faisnéis ina faisnéis de chineál beacht má léirítear leis an bhfaisnéis sin gur ann do thacar imthosca nó go bhféadfaí a bheith ag dréim leis, go réasúnach, go dtiocfadh ann don tacar imthosca sin, nó gur ann do theagmhas atá tarlaithe nó go bhféadfaí a bheith ag dréim leis, go réasúnach, go dtarlódh sé, i gcás ina bhfuil an fhaisnéis sin sách sonrach chun go bhféadfaí tátal a bhaint as faoin tionchar a d’fhéadfadh a bheith ag an tacar imthosca sin nó an teagmhas sin ar phraghsanna na gcripteashócmhainní. I ndáil leis sin, i gcás próiseas a bhfuil fad bainte as, ar próiseas é atá beartaithe imthosca áirithe nó teagmhas áirithe a thuismiú nó a bheith ina chúis leis na himthosca sin nó an teagmhas sin amach anseo, ní hamháin gur féidir na himthosca sin nó an teagmhas sin atá le teacht a mheas mar fhaisnéis bheacht, ach is féidir a mheas freisin gur faisnéis bheacht céimeanna idirmheánacha an phróisis sin a bhaineann leis na himthosca sin nó an teagmhas sin atá le teacht a thuismiú nó na céimeanna idirmheánacha arb iad na himthosca sin nó an teagmhas sin atá le teacht is toradh.
Airteagal 87 3.
Maidir le céim idirmheánach i bpróiseas a bhfuil fad bainte as, más rud é go gcomhlíonann sí, inti féin agus aisti féin, na critéir d’fhaisnéis ón taobh istigh dá dtagraítear i mír 2, measfar gur faisnéis ón taobh istigh í.
Airteagal 87 4.
Chun críocha mhír 1, ciallóidh faisnéis ar dócha go mbeadh éifeacht shuntasach aici ar phraghsanna cripteashócmhainní, dá bpoibleofaí í, faisnéis ar dócha do shealbhóir réasúnach cripteashócmhainní í a úsáid mar chuid den bhunús le cinntí infheistíochta an tsealbhóra.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin