Airteagal 72 Malartú faisnéise

1.   Faoi réir Airteagal 66, déanfaidh na húdaráis réitigh agus na húdaráis mhaoirseachta an fhaisnéis uile atá ábhartha d’fheidhmiú chúraimí na n-údarás eile faoin Treoir seo a sholáthar dá chéile, arna iarraidh sin dóibh.

2.   Comhordóidh an t-údarás réitigh ar ghrúpleibhéal sreabhadh na faisnéise ábhartha uile idir na húdaráis réitigh. Go háirithe, soláthróidh an t-údarás réitigh ar ghrúpleibhéal an fhaisnéis ábhartha uile do na húdaráis réitigh i mBallstáit eile go tráthúil chun feidhmiú na gcúraimí dá dtagraítear in Airteagal 70(1), an dara fomhír, pointí (b) go (h), a éascú.

3.   Ní tharchuirfidh údarás réitigh faisnéis arna soláthar ag údarás maoirseachta nó údarás réitigh tríú tír ach amháin má thoiligh an t-údarás maoirseachta nó an t-údarás réitigh tríú tír sin le tarchur den sórt sin.