Airteagal 73 Réiteach grúpa lena mbaineann foghnóthas de chuid an ghrúpa

1.   Tabharfaidh údarás réitigh fógra faoin bhfaisnéis a liostaítear i mír 2 gan mhoill don údarás réitigh ar ghrúpleibhéal, murab ionann í, don mhaoirseoir grúpa, agus do chomhaltaí an choláiste réitigh lena mbaineann sna cásanna seo a leanas:

2.   Is é seo a leanas an fhaisnéis a bhfuil fógra le tabhairt ina leith de bhun mhír 1:

3.   Ar an bhfógra dá dtagraítear i mír 1 a fháil, déanfaidh an t-údarás réitigh ar ghrúpleibhéal, tar éis dul i gcomhairle le comhaltaí eile an choláiste réitigh lena mbaineann, measúnú ar thionchar dóchúil na ngníomhaíochtaí réitigh nó na mbeart eile a dtugtar fógra fúthu de bhun mhír 2, pointe (c), ar an ngrúpa agus ar ghrúpeintitis i mBallstáit eile, agus ar cibé acu is dócha nó nach dócha, de bharr na ngníomhaíochtaí réitigh nó na mbeart eile, go sásófaí na coinníollacha réitigh dá dtagraítear in Airteagal 19(1) nó in Airteagal 20(3) i ndáil le grúpeintiteas i mBallstát eile.

4.   I gcás ina measann an t-údarás réitigh ar ghrúpleibhéal nach dócha, de dheasca na ngníomhaíochtaí réitigh nó na mbeart eile a dtugtar fógra fúthu de bhun mhír 2, pointe (c), go sásófaí na coinníollacha a leagtar síos in Airteagal 19(1) nó in Airteagal 20(3) i ndáil le grúpeintiteas i mBallstát eile, féadfaidh an t-údarás réitigh atá freagrach as an eintiteas dá dtagraítear in Airteagal 1(1), pointí (a) go (e), na gníomhaíochtaí réitigh nó na bearta eile ar thug sé fógra fúthu a dhéanamh.

5.   I gcás ina measann an t-údarás réitigh ar ghrúpleibhéal gur dócha, de bharr na ngníomhaíochtaí réitigh nó na mbeart eile a dtugtar fógra fúthu de bhun mhír 2, pointe (c), go sásófaí na coinníollacha a leagtar síos in Airteagal 19(1) nó Airteagal 20(3) i ndáil le grúpeintiteas i mBallstát eile, déanfaidh an t-údarás réitigh ar ghrúpleibhéal, tar éis an fógra dá dtagraítear i mír 1 a fháil, grúpscéim réitigh a mholadh laistigh de 5 lá agus cuirfidh sé faoi bhráid an choláiste réitigh í. Féadfar an tréimhse 5 lá a shíneadh le toiliú an údaráis réitigh a thug an fógra.

6.   In éagmais mheasúnú an údaráis réitigh ar ghrúpleibhéal laistigh de 5 lá, nó tréimhse is faide ná sin a comhaontaíodh, tar éis an fógra dá dtagraítear i mír 1 a fháil, féadfaidh an t-údarás réitigh a thug an fógra na gníomhaíochtaí réitigh nó na bearta eile ar thug sé fógra fúthu a dhéanamh.

7.   Déanfaidh an ghrúpscéim réitigh dá dtagraítear i mír 5 an méid seo a leanas:

8.   Faoi réir mhír 9, beidh an ghrúpscéim réitigh i bhfoirm cinneadh comhpháirteach de chuid an údaráis réitigh ar ghrúpleibhéal agus na n-údarás réitigh atá freagrach as na foghnóthais arna gcumhdach leis an ngrúpscéim réitigh.

Féadfaidh EIOPA, arna iarraidh sin d’údarás réitigh, cuidiú leis na húdaráis réitigh cinneadh comhpháirteach a dhéanamh i gcomhréir le hAirteagal 31(2), pointe (c), de Rialachán (AE) Uimh. 1094/2010.

9.   I gcás nach n-aontaíonn údarás réitigh leis an ngrúpscéim réitigh arna moladh ag an údarás réitigh ar ghrúpleibhéal nó i gcás ina measann sé, ar mhaithe le comhleas sealbhóirí polasaí, an fhíorgheilleagair agus na cobhsaíochta airgeadais a chosaint, gur gá dó gníomhaíochtaí réitigh neamhspleácha nó bearta eile seachas na bearta sin arna moladh sa ghrúpscéim réitigh a dhéanamh i ndáil le heintiteas dá dtagraítear in Airteagal 1(1), pointí (a) go (e), déanfaidh an t-údarás sin an méid seo a leanas:

Agus cúiseanna a easaontais á leagan amach aige, déanfaidh an t-údarás réitigh na pleananna réitigh grúpa, an tionchar a d’fhéadfadh a bheith ag na gníomhaíochtaí réitigh nó na bearta réitigh a dhéanfaidh sé ar shealbhóirí polasaí, an fíorgheilleagar agus cobhsaíocht airgeadais sna Ballstáit lena mbaineann, mar aon leis an éifeacht a d'fhéadfadh a bheith ag na gníomhaíochtaí réitigh nó na bearta réitigh sin ar chodanna eile den ghrúpa a chur san áireamh.

10.   Féadfaidh na húdaráis réitigh a aontaíonn leis an ngrúpscéim réitigh arna moladh ag an údarás réitigh ar ghrúpleibhéal teacht ar chinneadh comhpháirteach maidir le grúpscéim réitigh lena gcumhdaítear grúpeintitis i mBallstáit na n-údarás réitigh sin agus ní bheidh na húdaráis réitigh a easaontaíonn rannpháirteach sa chinneadh sin.

11.   Aithneofar na cinntí comhpháirteacha dá dtagraítear i míreanna 8 agus 10 agus na gníomhaíochtaí réitigh nó na bearta réitigh a dhéantar i gcomhréir le mír 9 mar chinntí dochloíte agus cuirfidh na húdaráis réitigh sna Ballstáit lena mbaineann i bhfeidhm iad.

12.   Déanfaidh na húdaráis réitigh na gníomhaíochtaí réitigh agus na bearta réitigh uile dá dtagraítear san Airteagal seo gan mhoill, agus aird chuí á tabhairt acu ar phráinn an cháis.

13.   I gcás nach gcuirtear grúpscéim réitigh chun feidhme, comhoibreoidh na húdaráis réitigh go dlúth le chéile laistigh den choláiste réitigh, agus gníomhaíochtaí réitigh á ndéanamh acu i ndáil le haon ghrúpeintiteas, chun straitéis réitigh chomhordaithe a bhaint amach le haghaidh na ngrúpeintiteas uile a bhfuil ag cliseadh orthu nó ar dócha go gclisfidh orthu.

14.   Cuirfidh na húdaráis réitigh a dhéanann aon ghníomhaíocht réitigh i ndáil le haon ghrúpeintiteas comhaltaí an choláiste réitigh ar an eolas go tráthrialta agus go hiomlán faoi na gníomhaíochtaí nó faoi na bearta sin agus faoin dul chun cinn leanúnach ina leith.