TEIDEAL VII LEASUITHE AR THREORACHA 2002/47/CE, 2004/25/CE, 2007/36/CE, 2014/59/AE, (AE) 2017/1132, AGUS AR RIALACHÁIN (AE) Uimh. 1094/2010, (AE) Uimh. 648/2012, (AE) Uimh. 806/2014 AGUS (AE) 2017/1129

‘4.   Áiritheoidh na Ballstáit nach mbeidh feidhm ag an Treoir seo i gcás ina gcuirfear i bhfeidhm uirlisí, cumhachtaí agus sásraí réitigh dá bhforáiltear i dTeideal IV de Threoir 2014/59/AE ó Pharlaimint na hEorpa agus ón gComhairle (*7), i dTeideal V de Rialachán (AE) 2021/23 ó Pharlaimint na hEorpa agus ón gComhairle (*8) nó i dTeideal III de Threoir (AE) 2025/1 ó Pharlaimint na hEorpa agus ón gComhairle (*9).

‘6.   Ní chuirfidh an tAirteagal seo cosc ar an mBord, ar an gComhairle, ar an gCoimisiún, ar BCE, ar na húdaráis réitigh náisiúnta ná ar na húdaráis inniúla náisiúnta, lena n-áirítear a bhfostaithe agus a saineolaithe, faisnéis a roinnt lena chéile agus le haireachtaí inniúla, bainc cheannais, scéimeanna ráthaíochta taiscí, scéimeanna cúitimh d’infheisteoirí, údaráis atá freagrach as gnáthimeachtaí dócmhainneachta, údaráis réitigh árachais, údaráis mhaoirseachta árachais, údaráis réitigh agus údaráis inniúla ó Bhallstáit neamh-rannpháirteacha, ÚBE, nó, faoi réir Airteagal 33 den Rialachán seo, údaráis tríú tír a dhéanann feidhmeanna atá coibhéiseach le feidhmeanna údaráis réitigh, nó, faoi réir diancheanglais rúndachta, le ceannaitheoir ionchasach chun gníomhaíocht réitigh a phleanáil nó a dhéanamh.’.