+Airteagal 13d Gníomhaíocht cheartaitheach
---+Airteagal 13d 1.
---+Airteagal 13d 2.
---+Airteagal 13d 3.
---+Airteagal 13d 4.

Airteagal 13d Gníomhaíocht cheartaitheach

Gníomhaíocht cheartaitheach

1. Forbhreathnú

,
Airteagal 13d 1.

Má chinneann an Coimisiún, ina mheasúnú bliantúil faoi Airteagal 29 de Rialachán (AE) 2018/1999, nach bhfuil dul chun cinn leordhóthanach á dhéanamh ag Ballstát chun a sprioc a shocraítear i gcomhréir le hAirteagal 4(3) den Rialachán seo a bhaint amach, agus an chonair agus an buiséad a shocraítear i gcomhréir le hAirteagal 4(4) den Rialachán seo á gcur san áireamh, chomh maith leis na solúbthachtaí faoin Rialachán seo, déanfaidh an Ballstát sin, laistigh de 3 mhí, plean gníomhaíochta ceartaithí a chur faoi bhráid an Choimisiúin ina n-áireofar an méid seo a leanas:

(a) 

míniúchán mionsonraithe ar na cúiseanna nach bhfuil dul chun cinn leordhóthanach á dhéanamh aige;

(b) 

measúnú ar an gcaoi ar thacaigh cistiú ón Aontas lena iarrachtaí chun a sprioc agus a bhuiséad a chomhlíonadh agus ar an gcaoi a bhfuil sé ar intinn aige an cistiú sin a úsáid chun dul chun cinn a dhéanamh chun iad a chomhlíonadh;

(c) 

gníomhaíochtaí breise, lena gcomhlánaítear plean comhtháite náisiúnta fuinnimh agus aeráide an Bhallstáit sin de bhun Rialachán (AE) 2018/1999 nó lena ndéanfar a chur chun feidhme a threisiú, a chuirfidh sé chun feidhme chun a sprioc a shocraítear i gcomhréir le hAirteagal 4(3) nó a bhuiséad a shocraítear i gcomhréir le hAirteagal 4(4) a chomhlíonadh trí bheartais agus bearta intíre agus trí ghníomhaíocht an Aontais a chur chun feidhme, lena ngabhfaidh measúnú mionsonraithe, a mbeidh sonraí cainníochtúla mar bhonn taca leis, i gcás ina mbeidh siad ar fáil, ar na glanaistrithe gás ceaptha teasa atá beartaithe a thiocfadh as na gníomhaíochtaí sin;

(d) 

clár ama docht chun na gníomhaíochtaí sin a chur chun feidhme, lena mbeifear in ann an dul chun cinn bliantúil ina gcur chun feidhme a mheas.

I gcás inar bhunaigh Ballstát comhlacht comhairleach aeráide náisiúnta, féadfaidh sé comhairle a iarraidh ar an gcomhlacht sin chun na gníomhaíochtaí is gá dá dtagraítear i bpointe (c) a shainaithint.
Airteagal 13d 2.
I gcomhréir lena chlár oibre bliantúil, tabharfaidh an Ghníomhaireacht Eorpach Chomhshaoil cúnamh don Choimisiún san obair a dhéanfaidh sé chun measúnú a dhéanamh ar aon phleananna gníomhaíochta ceartaithí den sórt sin.
Airteagal 13d 3.
Féadfaidh an Coimisiún tuairim a eisiúint maidir le stóinseacht na bpleananna gníomhaíochta ceartaithí a thíolacfar i gcomhréir le mír 1, agus sa chás sin, déanfaidh sé sin laistigh de 4 mhí ón tráth a bhfaighidh sé na pleananna sin. Tabharfaidh an Ballstát lena mbaineann lánaird ar an tuairim ón gCoimisiún agus féadfaidh sé a phlean gníomhaíochta ceartaithí a athbhreithniú dá réir. Mura dtabharfaidh an Ballstát lena mbaineann aghaidh ar an tuairim nó ar chuid shuntasach di, soláthróidh an Ballstát sin réasúnú don Choimisiún.
Airteagal 13d 4.
Déanfaidh gach Ballstát a phlean gníomhaíochta ceartaithí dá dtagraítear i mír 1 agus aon bhonn cirt dá dtagraítear i mír 3 a chur ar fáil go poiblí. An tuairim dá dtagraítear i mír 3, déanfaidh an Coimisiún í a chur ar fáil go poiblí.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin