Airteagal 55 Oibleagáidí údarás inniúil cinn scríbe san Aontas

I gcás allmhairí isteach san Aontas, ceanglóidh an t-údarás inniúil cinn scríbe san Aontas na bearta is gá agus déanfaidh sé na bearta is gá chun a áirithiú go ndéanfar aon dramhaíl a loingsítear chuig a limistéar dlínse a bhainistiú gan sláinte an duine a chur i mbaol agus ar bhealach atá neamhdhíobhálach don chomhshaol i gcomhréir le hAirteagal 59 den Rialachán seo, agus i gcomhréir le hAirteagal 13 de Threoir 2008/98/CE agus le dlí eile an Aontais maidir le dramhaíl, go háirithe reachtaíocht an Aontais dá dtagraítear in Iarscríbhinn IX, Cuid 1, le linn thréimhse an loingsithe, lena n-áirítear aisghabháil nó diúscairt sa tír cinn scríbe.

Cuirfidh an t-údarás inniúil dá dtagraítear i mír 1 toirmeasc freisin ar allmhairí dramhaíola ó thríú tíortha i gcás ina bhfuil cúis aige lena chreidiúint nach mbainisteofar an dramhaíl i gcomhréir leis na ceanglais a leagtar amach i mír 1.