Airteagal 35 (b)

(i)

diúltú fochuideachtaí nó brainsí nó oifigí ionadaíocha eintiteas faoi oibleagáid ón tír lena mbaineann a bhunú, nó a chur san áireamh ar shlí eile gur as tríú tír nach bhfuil córais leormhaithe AML/CFT aici an t-eintiteas ábhartha faoi oibleagáid;

(ii)

toirmeasc a chur ar eintitis faoi oibleagáid brainsí nó oifigí ionadaíocha a bhunú sa tríú tír lena mbaineann, nó a chur san áireamh ar shlí eile gur i dtríú tír nach bhfuil córais leormhaithe AML/CFT aici a bheadh an brainse ábhartha nó an oifig ionadaíoch;

(iii)

scrúdú maoirseachta méadaithe nó ceanglais iniúchóireachta sheachtracha mhéadaithe a cheangal do bhrainsí agus d’fhochuideachtaí eintiteas faoi oibleagáid atá lonnaithe sa tríú tír lena mbaineann;

(iv)

ceanglais iniúchóireachta sheachtracha mhéadaithe a cheangal do ghrúpaí airgeadais maidir le haon cheann dá gcuid brainsí nó fochuideachtaí atá lonnaithe sa tríú tír lena mbaineann;

(v)

a cheangal ar institiúidí creidmheasa agus institiúidí airgeadais athbhreithniú agus leasú a dhéanamh ar ghaolmhaireachtaí comhfhreagracha le hinstitiúidí is freagróirí sa tríú tír lena mbaineann, nó más gá sin, iad a fhoirceannadh.