English - European Union - Energy - Environment -

DIRETTIVA (UE) 2024/1275 TAL-PARLAMENT EWROPEW U TAL-KUNSILL tal-24 ta’ April 2024 dwar ir-rendiment tal-bini fl-użu tal-enerġija (riformulazzjoni) (Test b’rilevanza għaż-ŻEE)

DIRETTIVA (UE) 2024/1275 TAL-PARLAMENT EWROPEW U TAL-KUNSILL

tal-24 ta’ April 2024

dwar ir-rendiment tal-bini fl-użu tal-enerġija

(riformulazzjoni)

(Test b’rilevanza għaż-ŻEE)

1. Ħarsa ġenerali

Artikolu 1 Suġġett

Artikolu 2 Definizzjonijiet

Artikolu 2

Definizzjonijiet

Għall-finijiet ta’ din id-Direttiva japplikaw id-definizzjonijiet li ġejjin:

(1)

“bini” tfisser kostruzzjoni msaqqfa u bil-ħitan, li fiha tintuża l-enerġija biex tikkondizzjona l-ambjent intern;

(2)

“bini b’emissjonijiet żero” tfisser bini b’rendiment għoli ħafna fl-użu tal-enerġija, kif determinat f’konformità mal-Anness I, li jeħtieġ żero jew ammont baxx ħafna ta’ enerġija, jipproduċi żero emissjonijiet ta’ karbonju fuq il-post minn fjuwils fossili u jipproduċi żero jew ammont baxx ħafna ta’ emissjonijiet ta’ gassijiet serra operazzjonali, skont ir-l-Artikolu 11;

(3)

“bini b’użu ta’ kważi żero enerġija” tfisser bini b’rendiment tajjeb ħafna fl-użu tal-enerġija kif determinat skont l-Anness I, li ma jkunx agħar mil-livell kostottimali tal-2023 rrappurtat mill-Istati Membri skont l-Artikolu 6(2) u fejn il-kważi żero enerġija jew l-ammont baxx ħafna ta’ enerġija meħtieġa jkunu koperti ħafna minnhom minn sorsi ta’ enerġija rinovabbli, inkluż minn sorsi ta’ enerġija rinnovabbli ġġenerata fuq il-post jew enerġija minn sorsi rinnovabbli prodotta fil-qrib;

(4)

“standards minimi tar-rendiment fl-użu tal-enerġija” tfisser regoli li jirrikjedu li l-bini eżistenti jkun jissodisfa rekwiżit ta’ rendiment fl-użu tal-enerġija bħala parti minn pjan ta’ rinnovazzjoni wiesa’ għal stokk ta’ bini jew f’xi punt ta’ skattar fis-suq bħal bejgħ, kiri, donazzjoni jew bidla fl-iskop fil-katast jew ir-reġistru tal-artijiet, f’perjodu ta’ żmien jew sa data speċifika, u b’hekk tiskatta r-rinnovazzjoni tal-bini eżistenti;

(5)

“korpi pubbliċi” tfisser korpi pubbliċi kif definiti fl-Artikolu 2, il-punt (12), tad-Direttiva (UE) 2023/1791;”

(6)

“sistema teknika użata fil-bini” tfisser tagħmir tekniku ta’ binja jew ta’ unità ta’ bini għat-tisħin tal-ispazju, għat-tkessiħ tal-ispazju, għall-ventilazzjoni, għall-ilma sħun domestiku, għad-dawl integrat, għall-awtomatizzazzjoni u l-kontroll tal-bini, għall-ġenerazzjoni tal-enerġija rinnovabbli u l-ħżin tal-enerġija fuq il-post, jew għal taħlita tagħhom, inkluż dawk is-sistemi li jużaw enerġija minn sorsi rinnovabbli,;

(7)

“sistema tal-awtomatizzazzjoni u l-kontroll tal-bini” tfisser sistema li tinkludi l-prodotti, is-software u s-servizzi ta’ inġinerija kollha li jistgħu jappoġġaw it-tħaddim effiċjenti fl-użu tal-enerġija, ekonomiku u sikur tas-sistemi tekniċi tal-bini permezz ta’ kontrolli awtomatiċi u permezz tal-iffaċilitar tal-ġestjoni manwali ta’ dawk is-sistemi tekniċi użati fil-bini;

(8)

“rendiment tal-bini fl-użu tal-enerġija ta’ binja” tfisser l-ammont ta’ enerġija kkalkolata jew immetrata meħtieġa biex tilħaq id-domanda tal-enerġija assoċjata mal-użu tipiku tal-binja, li jista’ jinkludi l-enerġija użata għat-tisħin, għat-tkessih, għall-ventilazzjoni, għall-misħun u għat-tidwil domestiku;

(9)

“enerġija primarja” tfisser enerġija minn sorsi rinnovabbli jew mhux rinnovabbli li ma għaddiet mill-ebda proċess ta’ konverżjoni jew trasformazzjoni;

(10)

“immetrat(a)” tfisser kejl permezz ta’ apparat rilevanti, bħal miter tal-enerġija, miter tal-potenza, apparat li jimmetra u jimmonitorja l-potenza, jew miter tal-elettriku;

(11)

“fattur tal-enerġija primarja mhux rinnovabbli” tfisser indikatur li jiġi kkalkulat billi l-enerġija primarja minn sorsi mhux rinnovabbli għal vettur tal-enerġija partikolari, inkluż l-enerġija fornuta u l-ispejjeż ġenerali tal-enerġija kkalkulati għat-twassil lejn il-punti tal-użu, tiġi diviża bl-enerġija fornuta;

(12)

“fattur tal-enerġija primarja rinnovabbli” tfisser indikatur li jiġi kkalkulat billi l-enerġija primarja minn sorsi rinnovabbli minn sors tal-enerġija fuq il-post, fil-qrib jew imbiegħed li tiġi kkonsenjata permezz ta’ vettur tal-enerġija partikolari, inkluż l-enerġija fornuta u l-ispejjeż ġenerali tal-enerġija kkalkulati għat-twassil lejn il-punti tal-użu, tiġi diviża bl-enerġija fornuta;

(13)

“fattur totali tal-enerġija primarja” tfisser it-total tal-fatturi tal-enerġija primarja rinnovabbli u mhux rinnovabbli għal vettur tal-enerġija partikolari;

(14)

“enerġija minn sorsi rinnovabbli” tfisser enerġija minn sorsi rinnovabbli, jiġifieri l-enerġija minn sorsi rinnovabbli mhux fossili, b’ mod partikolari enerġija mir-riħ, mix-xemx (solari termali u solari fotovoltajka), u enerġija ġeotermika, enerġija osmotika, enerġija tal-ambjent, enerġija tal-marea, tal-mewġ u enerġija oċeanika oħra, idroenerġija, bijomassa, gass mil-landfills, gass minn impjanti għat-trattament tad-dranaġġ, u bijogass;

(15)

“involukru tal-bini” tfisser l-elementi integrati tal-bini li jifirdu l-intern tiegħu mill-ambjent estern;

(16)

“unità ta’ bini” tfisser taqsima, sular jew appartament f’bini li hi ddisinjata jew mibdula biex tkun tista’ tintuża separatament;

(17)

“element tal-bini” tfisser sistema teknika użata fil-bini jew element tal-involukru tal-bini;

(18)

“bini residenzjali jew unità residenzjali f’bini” tfisser kamra jew sett ta’ kmamar f’bini permanenti jew f’parti strutturalment separata ta’ bini li hija ddisinjata għall-abitazzjoni minn unità domestika privata waħda matul is-sena kollha;

(19)

“passaport tar-rinnovazzjoni” tfisser pjan direzzjonali mfassal apposta għar-rinnovazzjoni profonda ta’ binja speċifika f’numru massimu ta’ stadji li se jtejjeb b’mod sinifikanti r-rendiment fl-użu tal-enerġija tagħha;

(20)

“rinnovazzjoni profonda” tfisser rinnovazzjoni konformi mal-prinċipju “l-Effiċjenza Enerġetika tiġi l-Ewwel” u li tiffoka fuq elementi essenzjali tal-bini, u li tittrasforma binja jew unità ta’ bini:

(a)

qabel l-1 ta’ Jannar 2030, f’bini b’użu ta’ kważi żero enerġija;

(b)

mill-1 ta’ Jannar 2030, f’bini b’emissjonijiet żero;

(21)

“rinnovazzjoni profonda fi stadji” tfisser rinnovazzjoni profonda mwettqa f’numru massimu ta’ stadji, stabbiliti f’passaport tar-rinnovazzjoni;

(22)

“rinnovazzjoni maġġuri” tfisser rinnovazzjoni ta’ binja meta:

(a)

il-kost totali għar-rinovazzjoni marbuta mal-involukru tal-bini jew is-sistemi tekniċi użati fil-bini tkun ogħla minn 25 % tal-valur tal-bini, eskluż il-valur tal-art li fuqha qiegħed il-bini; jew

(b)

aktar minn 25 % tal-erja tal-uċuħ tal-involukru tal-bini tkun rinovata.

L-Istati Membri jistgħu jagħżlu li japplikaw il-punt (a) jew (b);

(23)

“emissjonijiet operattivi tal-gassijiet serra” tfisser l-emissjonijiet tal-gassijiet serra assoċjati mal-konsum tal-enerġija tas-sistemi tekniċi tal-bini matul l-użu u t-tħaddim tal-bini;

(24)

“emissjonijiet ta’ gassijiet serra tul iċ-ċiklu tal-ħajja kollu” tfisser emissjonijiet ta’ gassijiet serra li jsiru tul iċ-ċiklu sħiħ tal-ħajja tal-bini, inkluż il-produzzjoni u t-trasport ta’ prodotti tal-kostruzzjoni, l-attivitajiet fis-sit ta’ kostruzzjoni, l-użu tal-enerġija fil-bini u s-sostituzzjoni ta’ prodotti tal-kostruzzjoni, kif ukoll id-demolizzjoni, it-trasport u l-ġestjoni ta’ materjali ta’ skart u l-użu mill-ġdid, ir-riċiklaġġ u r-rimi aħħari tagħhom;

(25)

“potenzjal ta’ tisħin globali tul iċ-ċiklu tal-ħajja” jew (“GWP tul taċ-ċiklu tal-ħajja”) tfisser indikatur li jikkwantifika l-kontribuzzjonijiet potenzjali ta’ tisħin globali ta’ bini tul iċ-ċiklu tal-ħajja kollu tiegħu;

(26)

“inċentivi opposti” tfisser inċentivi maqsuma kif definiti fl-Artikolu 2, il-punt (54), tad-Direttiva (UE) 2023/1791;

(27)

“faqar enerġetiku” tfisser faqar enerġetiku kif definit fl-Artikolu 2, il-punt (52), tad-Direttiva (UE) 2023/1791;

(28)

“unitajiet domestiċi vulnerabbli” tfisser unitajiet domestiċi f’faqar enerġetiku jew unitajiet domestiċi, inklużi unitajiet domestiċi b’introjtu medju baxx, li huma partikolarment esposti għal kostijiet għoljin tal-enerġija u li ma għandhomx il-mezzi biex jirrinnovaw il-bini li jokkupaw;

(29)

“standard Ewropew” tfisser standard adottat mill-Kumitat Ewropew dwar l-Istandardizzazzjoni, il-Kumitat Ewropew dwar l-Istandardizzazzjoni Elettroteknika jew l-Istitut Ewropew dwar l-Istandards tat-Telekomunikazzjoni, u magħmul disponibbli għall-użu pubbliku;

(30)

“ċertifikat dwar ir-rendiment fl-użu tal-enerġija” tfisser ċertifikat rikonoxxut minn Stat Membru jew minn persuna ġuridika magħżula minnu, li jindika r-rendiment ta’ bini jew ta’ unità ta’ bini fl-użu tal-enerġija, kkalkolata f’konformità mal-metodoloġija adottata skont l-Artikolu 4;

(31)

“koġenerazzjoni” tfisser il-ġenerazzjoni simultanja fi proċess wieħed ta’ enerġija termika u enerġija elettrika jew mekkanika;

(32)

“livell kostottimali” tfisser il-livell tar-rendiment fl-użu tal-enerġija li jwassal għall-anqas spiża tul iċ-ċiklu skont kif stmat tal-ħajja ekonomika tal-bini, fejn:

(a)

l-anqas spejjeż jiġu ddeterminati billi jittieħed kont:

(i)

tal-kategorija u l-użu tal-bini kkonċernat:

(ii)

tal-kostijiet relatati mal-investiment fuq l-enerġija abbażi tat-tbassir uffiċjali;

(iii)

tal-kostijiet tal-manutenzjoni u tal-operat, inklużi l-kostijiet u l-iffrankar enerġetiku b’kunsdierazzjoni tal-kost tal-kwoti tal-emissjonijiet tal-gassijiet serra;

(iv)

tal-esternalitajiet ambjentali u tas-saħħa tal-użu tal-enerġija;

(v)

tal-qligħ mill-enerġija prodotta fuq il-post, fejn applikabbli;

(vi)

tal-kostijiet tal-ġestjoni tal-iskart, fejn applikabbli; u

(b)

iċ-ċiklu skont kif stmat tal-ħajja ekonomika għandu jiġi ddeterminat minn kull Stat Membru u jirreferi għall-bqija taċ-ċiklu skont kif stmat tal-ħajja ekonomika ta’ bini fejn ir-rekwiżiti tar-rendiment fl-użu tal-enerġija jkunu stabbiliti għall-bini kollu, jew għaċ-ċiklu skont kif stmat tal-ħajja ekonomika mistenni ta’ element tal-bini fejn ir-rekwiżiti tar-rendiment fl-użu tal-enerġija huma stabbiliti għall-elementi tal-bini.

Il-livell kostottimali għandu jkun fil-firxa ta’ livelli li joħorġu mir-rendiment meta l-analiżi tal-kostbenefiċċju kkalkolat matul iċ-ċiklu skont kif stmat tal-ħajja ekonomika jirriżulta pożittiv;

(33)

“punt tal-irriċarġjar” tfisser punt tal-irriċarġjar kif definit fl-Artikolu 2, il-punt (48), tar-Regolament (UE) 2023/1804 tal-Parlament Ewropew u tal-Kunsill ( 1 );

(34)

“kablaġġ mgħoddi minn qabel” tfisser il-miżuri kollha li huma meħtieġa biex jippermettu l-installazzjoni ta’ punti tal-irriċarġjar, inkluż it-trażmissjoni tad-data, il-kejbils, ir-rotot tal-kablaġġ u, fejn meħtieġ, il-miters tal-elettriku;

(35)

“parkeġġ imsaqqaf” tfisser kostruzzjoni msaqqfa, b’mill-inqas tliet spazji għall-parkeġġ tal-karozzi, li ma tużax l-enerġija biex tikkundizzjona l-ambjent ta’ ġewwa;

(36)

“sistema iżolata mikro” tfisser kwalunkwe sistema b’konsum ta’ anqas minn 500 GWh fis-sena 2022, fejn ma jkun hemm l-ebda konnessjoni ma’ sistemi oħra;

(37)

“irriċarġjar intelliġenti” tfisser irriċarġjar intelliġenti kif definit fl-Artikolu 2, it-tieni paragrafu, il-punt (14 m) tad-Direttiva (UE) 2018/2001 tal-Parlament Ewropew u tal-Kunsill ( 2 );

(38)

“irriċarġjar bidirezzjonali” tfisser irriċarġjar bidirezzjonali kif definit fl-Artikolu 2, il-punt (11), tar-Regolament (UE) 2023/1804;

(39)

“standards tal-portafoll ipotekarju” tfisser mekkaniżmi li jinċentivaw lis-selliefa ipotekarji biex jistabbilixxu perkors biex iżidu r-rendiment medjan fl-użu tal-enerġija tal-portafoll ta’ bini kopert mill-ipoteki tagħhom lejn l-2030 u l-2050, u biex jinkoraġġixxu lill-klijenti potenzjali biex itejbu r-rendiment fl-użu tal-enerġija tal-proprjetà tagħhom f’konformità mal-ambizzjoni ta’ dekarbonizzazzjoni tal-Unjoni u l-miri tal-enerġija rilevanti fil-qasam tal-konsum tal-enerġija fil-bini, abbażi tal-kriterji biex jiġu ddeterminati l-attivitajiet ekonomiċi ambjentalment sostenibbli stabbiliti fl-Artikolu 3 tar-Regolament (UE) 2020/852;

(40)

“skema finanzjarja ħallas waqt li tiffranka” tfisser skema ta’ self iddedikata esklużivament għat-titjib tar-rendiment fl-użu tal-enerġija fejn tiġi stabbilita korrelazzjoni fit-tfassil tal-iskema bejn ir-ripagamenti fuq is-self u l-iffrankar tal-enerġija miksub, filwaqt li jitqiesu wkoll fatturi ekonomiċi oħra, bħall-indiċjar tal-kost tal-enerġija, ir-rati tal-imgħax, iż-żieda fil-valur tal-assi u r-rifinanzjament tas-self;

(41)

“reġistru diġitali tal-bini” tfisser repożitorju komuni għad-data rilevanti kollha dwar il-bini, inkluża data relatata mar-rendiment fl-użu tal-enerġija bħaċ-ċertifikati tar-rendiment fl-użu tal-enerġija, il-passaporti ta’ rinnovazzjoni u l-indikaturi tal-potenzjal ta’ intelliġenza, kif ukoll data relatata mal-GWPċ-tul iċ-ċiklu tal-ħajja, li jiffaċilita t-teħid ta’ deċiżjonijiet infurmati u l-kondiviżjoni tal-informazzjoni fis-settur tal-kostruzzjoni, u fost is-sidien u l-okkupanti tal-bini, l-istituzzjonijiet finanzjarji u l-korpi pubbliċi;

(42)

“sistema ta’ arja kkondizzjonata” tfisser numru ta’ komponenti magħqudin li jkunu meħtieġa biex tkun ipprovduta forma ta’ trattament tal-arja interna, li permezz tagħhom it-temperatura hija kkontrollata jew tista’ titbaxxa;

(43)

“sistema tat-tisħin” tfisser taħlita tal-komponenti meħtieġa biex tkun ipprovduta forma ta’ trattament tal-arja interna, li permezz tagħha tiżdied it-temperatura;

(44)

“sistema ta’ ventilazzjoni” tfisser is-sistema teknika tal-bini li tipprovdi arja ta’ barra li xi spazju permezz ta’ modi naturali jew mekkaniċi;

(45)

“ġeneratur tas-sħana” tfisser il-parti ta’ sistema tat-tisħin li tiġġenera sħana utli għall-użi identifikati fl-Anness I, bl-użu ta’ wieħed jew aktar mill-proċessi li ġejjin:

(a)

il-kombustjoni ta’ fjuwils, pereżempju, f’bojler;

(b)

l-effett Joule, li jseħħ fl-elementi tat-tisħin ta’ sistema tat-tisħin b’reżistenza elettrika;

(c)

il-ġbir ta’ sħana mill-arja ambjentali, mill-arja tal-egżost tal-ventilazzjoni, jew mill-ilma jew minn sors ta’ sħana ta’ taħt l-art bl-użu ta’ pompa tas-sħana;

(46)

“ġeneratur tat-tkessiħ” tfisser parti minn sistema tal-arja kundizzjonata li tiġġenera tkessiħ utli għall-użi identifikati fl-Anness I;

(47)

“kuntratt għar-rendiment tal-enerġija” tfisser kuntratt għar-rendiment tal-enerġija kif definit fl-Artikolu 2, il-punt (33) tad-Direttiva (UE) 2023/1791;

(48)

“bojler” tfisser il-qafas tal-bojler ikkumbinat mal-unità tal-ħruq li ġew iddisinjati biex flimkien jittrażmettu s-sħana li tinħoloq bil-ħruq u tiġi trażmessa fil-fluwidi;

(49)

“saħħa effettiva” tfisser l-ogħla saħħa kalorifika, espress f’ kW speċifikata u ggarantita mill-manifattur bħala dik li toħroġ waqt tħaddim kontinwu b’konformita’ mal-effiċjenza utilizzabbli indikata mill-manifattur;

(50)

“tisħin distrettwali” jew “tkessiħ distrettwali” tfisser id-distribuzzjoni ta’ enerġija termika f’forma ta’ fwar, ilma sħun jew likwidi mkessħin, minn sors ta’ produzzjoni ċentrali jew diċentralizzat permezz ta’ network lill-bini jew siti multipli, għall-użu ta’ tisħin jew tkessiħ ta’ spazju jew proċess;

(51)

“erja utli tal-art” tfisser l-erja tal-art ta’ bini meħtieġa bħala parametru biex jiġu kkwantifikati l-kundizzjonijiet speċifiċi tal-użu li huma espressi għal kull unità tal-erja tal-art u għall-applikazzjoni tas-simplifikazzjonijiet u r-regoli tat-tqassim f’żoni jew tar-riallokazzjoni;

(52)

“erja tal-art ta’ referenza” tfisser l-erja tal-art użata bħala daqs ta’ referenza għall-valutazzjoni tar-rendiment fl-użu tal-enerġija ta’ bini, ikkalkulata bħala s-somma tal-erjas utli tal-art tal-ispazji fl-involukru tal-bini speċifikat għall-valutazzjoni tar-rendiment fl-użu tal-enerġija;

(53)

“konfini tal-valutazzjoni” tfisser il-konfini fejn titkejjel jew tiġi kkalkulata l-enerġija kkonsenjata u esportata;

(54)

“fuq il-post” tfisser f’bini partikolari jew fuqu jew fuq l-art li fuqha jinsab dak il-bini;

(55)

“enerġija minn sorsi rinnovabbli prodotta fil-qrib” tfisser enerġija minn sorsi rinnovabbli prodotta f’perimetru fil-livell lokali jew distrettwali tal-bini partikolari, li tissodisfa l-kundizzjonijiet kollha li ġejjin:

(a)

tista’ titqassam u tintuża biss f’dak il-perimetru fil-livell lokali u distrettwali permezz ta’ netwerk ta’ distribuzzjoni ddedikat;

(b)

tippermetti l-kalkolu ta’ fattur speċifiku tal-enerġija primarja validu biss għall-enerġija minn sorsi rinnovabbli prodotta f’dak il-perimetru fil-livell lokali jew distrettwali; u

(c)

tista’ tintuża fuq il-post permezz ta’ konnessjoni ddedikata mas-sors tal-produzzjoni tal-enerġija, fejn dik il-konnessjoni ddedikata tirrikjedi tagħmir speċifiku għall-provvista sikura u l-metraġġ tal-enerġija għall-użu proprju tal-bini;

(56)

“servizzi relatati mar-rendiment tal-bini fl-użu tal-enerġija” jew “servizzi EPB” tfisser is-servizzi, bħat-tisħin, it-tkessiħ, il-ventilazzjoni, l-ilma sħun domestiku u d-dawl u oħrajn li għalihom l-użu tal-enerġija jitqies fil-kalkolu tar-rendiment tal-bini fl-użu tal-enerġija;

(57)

“ħtiġijiet tal-enerġija” tfisser l-enerġija li trid titwassal lil, jew tiġi estratta minn, spazju kkundizzjonat biex jinżammu l-kundizzjonijiet tal-ispazju maħsuba matul perjodu ta’ żmien partikolari mingħajr ma jitqiesu l-ineffiċjenzi ta’ kwalunkwe sistema teknika użata fil-bini;

(58)

“użu tal-enerġija” jew “konsum tal-enerġija” tfisser input tal-enerġija għal sistema teknika użata fil-bini li tipprovdi servizz EPBP maħsub biex jissodisfa ħtieġa ta’ enerġija;

(59)

“użu proprju” tfisser l-użu ta’ enerġija minn sorsi rinnovabbli prodotta fuq il-post jew enerġija minn sorsi rinnovabbli prodotta fil-qrib minn sistemi tekniċi fuq il-post għal servizzi EPB;

(60)

“użi oħra fuq il-post” tfisser użi fuq il-post għajr servizzi EPB, inkluż tagħmir, tagħbijiet mixxellanji u anċillari, jew punti tal-irriċarġjar tal-elettromobbiltà;

(61)

“intervall tal-kalkolu” tfisser l-intervall ta’ ħin diskret użat għall-kalkolu tar-rendiment fl-użu tal-enerġija;

(62)

“enerġija fornuta” tfisser enerġija, espressa għal kull vettur tal-enerġija, fornuta lis-sistemi tekniċi tal-bini permezz tal-konfini tal-valutazzjoni, biex tissodisfa l-użi meqjusa jew biex tipproduċi l-enerġija esportata;

(63)

“enerġija esportata” tfisser il-proporzjon tal-enerġija rinnovabbli, espress għal kull vettur tal-enerġija u għal kull fattur tal-enerġija primarja, li jiġi esportat lejn il-grilja tal-enerġija minflok ma jintuża fuq il-post għall-użu proprju jew għal użi oħra fuq il-post.

(64)

“spazju għall-parkeġġ tar-roti” tfisser spazju deżinjat għall-parkeġġ ta’ mill-inqas rota waħda;

(65)

“parkeġġ fiżikament maġenb bini” tfisser parkeġġ tal-karozzi li huwa maħsub għar-residenti, għall-viżitaturi, jew għall-ħaddiema ta’ binja u li jinsab fiż-żona tal-proprjetà tal-bini jew jinsab fil-viċinanza diretta tal-bini;

(66)

“kwalità ambjentali interna” tfisser ir-riżultat ta’ valutazzjoni tal-kundizzjonijiet ġewwa bini li jinfluwenzaw is-saħħa u l-benesseri tal-okkupanti tiegħu, bbażata fuq parametri bħal dawk relatati mat-temperatura, l-umdità, ir-rata ta’ ventilazzjoni u l-preżenza ta’ kontaminanti,.

Artikolu 3 Pjan nazzjonali ta’ rinnovazzjoni tal-bini

Artikolu 4 Adozzjoni ta’ metodoloġija għall-kalkolu tar-rendiment ta’ bini fl-użu tal-enerġija

Artikolu 4

Adozzjoni ta’ metodoloġija għall-kalkolu tar-rendiment ta’ bini fl-użu tal-enerġija

L-Istati Membri għandhom japplikaw metodoloġija għall-kalkolu tar-rendiment ta’ bini fl-użu tal-enerġija skont il-qafas ġenerali komuni speċifikat fl-Anness I. Dik il-metodoloġija għandha tiġi adottata fuq livell nazzjonali jew reġjonali.

Il-Kummissjoni għandha toħroġ gwida għall-kalkolu tar-rendiment ta’ elementi tal-bini trasparenti fl-użu tal-enerġija li jiffurmaw parti mill-involukru tal-bini u l-kunsiderazzjoni tal-enerġija ambjentali.

Artikolu 5 Iffissar tar-rekwiżiti minimi tar-rendiment fl-użu tal-enerġija

Artikolu 6 Il-kalkolu tal-livelli kostottimali tar-rekwiżiti minimi għar-rendiment fl-użu tal-enerġija

Artikolu 7 Bini ġdid

Artikolu 8 Bini eżistenti

Artikolu 9 Standards minimi tar-rendiment fl-użu tal-enerġija għal bini mhux residenzjali u trajettorji għal rinnovazzjoni progressiva tal-istokk tal-bini residenzjali

Artikolu 10 Enerġija solari fil-bini

Artikolu 11 Bini b’emissjonijiet żero

Artikolu 12 Passaport ta’ rinnovazzjoni

Artikolu 13 Sistemi tekniċi użati fil-bini

Artikolu 14 Infrastruttura għal mobilità sostenibbli

Artikolu 15 Stat ta’ tħejjija tal-bini għat-teknoloġiji intelliġenti

Artikolu 16 Skambju ta’ data

Artikolu 17 Inċentivi finanzjarji, ħiliet u ostakli għas-suq

Artikolu 18 Punti uniċi ta’ servizz għar-rendiment tal-bini fl-użu tal-enerġija

Artikolu 19 Ċertifikati tar-rendiment fl-użu tal-enerġija

Artikolu 20 Il-ħruġ taċ-ċertifikati tar-rendiment fl-użu tal-enerġija

Artikolu 21 Il-wiri ta’ ċertifikati dwar ir-rendiment fl-użu tal-enerġija

Artikolu 22 Bażijiet tad-data għar-rendiment tal-bini fl-użu tal-enerġija

Artikolu 23 Spezzjonijiet

Artikolu 24 Rapporti dwar l-ispezzjoni tas-sistemi tat-tisħin, tas-sistemi tal-ventilazzjoni u tas-sistemi tal-arja kundizzjonata

Artikolu 25 Esperti indipendenti

Artikolu 26 Ċertifikazzjoni ta’ professjonisti tal-bini

Artikolu 27 Sistemi ta’ kontroll indipendenti

Artikolu 28 Rieżami

Artikolu 28

Rieżami

Il-Kummissjoni, assistita mill- -Kumitat imsemmi fl- Artikolu 33, għandha teżamina din id-Direttiva sal-31 ta’ Diċembru 2028 fid-dawl tal-esperjenza miksuba u l-progress magħmul matul l-applikazzjoni tagħha, u, jekk ikun neċessarju, tagħmel proposti.

Bħala parti minn dak ir-rieżami, il-Kummissjoni għandha tivvaluta jekk l-applikazzjoni ta’ din id-Direttiva flimkien ma strumenti leġiżlattivi oħra li jindirizzaw ir-rendiment fl-użu tal-enerġija u l-emissjonijiet tal-gassijiet serra mill-bini, partikolarment permezz tal-ipprezzar tal-karbonju, iwasslu għal biżżejjed progress lejn il-ksib ta’ stokk tal-bini b’emissjonijiet żero, kompletament dekarbonizzat sal-2050, jew jekk jeħtieġx li jiġu introdotti aktar miżuri vinkolanti fil-livell tal-Unjoni, partikolarment standards mandatorji minimi għar-rendiment fl-użu tal-enerġija għall-istokk kollu tal-bini, inkluż sabiex jiġi żgurat li l-valuri għall-2030 u l-2035 stabbiliti fl-Artikolu 9(2) ikunu jistgħu jintlaħqu. Il-Kummissjoni għandha tivvaluta wkoll il-pjanijiet direzzjonali nazzjonali u b’mod partikolari l-valuri limitu ppjanati għall-GWP taċ-ċiklu tal-ħajja ta’ bini ġdid skont l-Artikolu 7(4) u għandha tikkunsidra jekk humiex meħtieġa miżuri addizzjonali li jippromwovu ambjent mibni sostenibbli. Il-Kummissjoni għandha teżamina wkoll b’liema mod l-Istati Membri jistgħu japplikaw approċċi integrati ta’ distrettwalità jew ta’ viċinaza fil-politika tal-Unjoni dwar il-bini u l-effiċjenza fl-użu tal-enerġija, filwaqt li jiżguraw li kull bini jissodisfa r-rekwiżiti minimi ta’ rendiment fl-użu tal-enerġija, pereżempju permezz ta’ pjanijiet integrati ta’ rinnovazzjoni uskemi ta’ rinnovazzjoni ġenerali li japplikaw għal numru ta’ bini f’kuntest ta’ żona minflok għal bini uniku. Il-Kummissjoni għandha tivvaluta wkoll jekk indikaturi alternattivi, bħall-użu finali tal-enerġija u l-ħtiġijiet tal-enerġija jkunux aktar adatti għall-finijiet tal-Anness I.

Artikolu 29 Informazzjoni

Artikolu 30 Konsultazzjoni

Artikolu 30

Konsultazzjoni

Biex tiġi ffaċilitata l-implimentazzjoni effettiva ta’ din id-Direttiva, l-Istati Membri għandhom jikkonsultaw lill-partijiet interessati involuti, inklużi l-awtoritajiet lokali u reġjonali, f’konformità mal-liġi nazzjonali applikabbli u skont kif ikun rilevanti. Tali konsultazzjoni hija ta’ importanza partikolari għall-applikazzjoni tal-Artikolu 29.

Artikolu 31 Adattament tal-Anness I għall-progress tekniku

Artikolu 31

Adattament tal-Anness I għall-progress tekniku

Il-Kummissjoni għandha tadotta atti delegati skont l-Artikolu 32 biex temenda din id-Direttiva dwar l-adattament tal-punti 4 u 5 tal-Anness I għall-progress tekniku.

Artikolu 32 Eżerċizzju tad-delega

Artikolu 33 Proċedura ta’ kumitat

Artikolu 34 Penali

Artikolu 34

Penali

L-Istati Membri għandhom jistabbilixxu r-regoli dwar il-penali applikabbli għall-ksur tad-dispożizzjonijiet nazzjonali adottati skont din id-Direttiva u għandhom jieħdu l-miżuri meħtieġa kollha biex jiżguraw li dawn jiġu implimentati. Il-penali previsti jrid ikunu effikaċi, proporzjonati u dissważivi. L-Istati Membri għandhom, mingħajr dewmien, jinnotifikaw lill-Kummissjoni b’dawk ir-regoli u b’dawk il-miżuri u għandhom jinnotifikawha, mingħajr dewmien, bi kwalunkwe emenda sussegwenti li taffettwahom..

Artikolu 35 Traspożizzjoni

Artikolu 36 Revoka

Artikolu 36

Revoka

Id-Direttiva 2010/31/UE, kif emendata mill-atti elenkati fil-Parti A tal-Anness IX„ hija revokata b’effett mit-30 ta’ Mejju 2026, bla ħsara għall-obbligi tal-Istati Membri fir-rigward tal-limiti ta’ żmien għat-traspożizzjoni fil-liġi nazzjonali u d-dati tal-applikazzjoni tad- Direttivi stabbiliti fil-Parti B fl-Anness IX,.

Referenzi għad-Direttiva revokata għandhom jinftiehmu bħala referenzi għal din id-Direttiva u għandhom jinqraw skont it-tabella ta’ korrelazzjoni fl-Anness X.

Artikolu 37 Dħul fis-seħħ u applikazzjoni

Artikolu 37

Dħul fis-seħħ u applikazzjoni

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

L-Artikoli 30, 31, 33 u 34 għandhom japplikaw mit-30 ta’ Mejju 2026.

Artikolu 38 Destinatarji

Artikolu 38

Destinatarji

Din id-Direttiva hija indirizzata lill-Istati Membri.

ANNESS I Qafas ġenerali komuni għall-kalkolu tar-rendiment tal-bini fl-użu tal-enerġija

ANNESS I

Qafas ġenerali komuni għall-kalkolu tar-rendiment tal-bini fl-użu tal-enerġija

(imsemmi fl-Artikolu 4)

1. Ir-rendiment tal-bini fl-użu tal-enerġija għandu jiġi ddeterminat abbażi tal-użu kkalkulat jew immetrat tal-enerġija u jirrifletti l-użu tipiku ta’ enerġija għat-tisħin tal-ispazju, għat-tkessiħ tal-ispazju, għall-misħun domestiku, għall-ventilazzjoni, għat-tidwil integrat u għal sistemi tekniċi oħra użati fil-bini. L-Istati Membri għandhom jiżguraw li l-użu tipiku tal-enerġija jkun rappreżentattiv tal-kundizzjonijiet operattivi attwali għal kull tipoloġija rilevanti u jirrifletti l-imġiba tipika tal-utenti. Fejn possibbli, l-użu tipiku tal-enerġija u l-imġiba tipika tal-utenti għandhom ikunu bbażati fuq l-istatistika nazzjonali disponibbli, il-kodiċijiet tal-bini u d-data mmetrata.

Meta l-użu tal-enerġija mmetrat ikun il-bażi għall-kalkolu tar-rendiment tal-bini fl-użu tal-enerġija, il-metodoloġija tal-kalkolu għandha tkun kapaċi tidentifika l-influwenza tal-imġiba tal-okkupanti u tal-klima lokali, li ma għandhiex tiġi riflessa fir-riżultat tal-kalkolu. L-użu tal-enerġija mmetrat għall-finijiet tal-kalkolu tar-rendiment tal-bini fl-użu tal-enerġija għandu jeħtieġ qari ta’ mill-inqas kull xahar u għandu jiddistingwi bejn il-vetturi tal-enerġija.

L-Istati Membri jistgħu jużaw il-konsum tal-enerġija mmetrata bil-miter f’kundizzjonijiet operattivi tipiċi biex jivverifikaw il-korrettezza tal-użu tal-enerġija kkalkulat u jippermettu t-tqabbil bejn ir-rendiment ikkalkulat u dak reali. Il-konsum tal-enerġija mmetrata għall-finijiet ta’ verifika u tqabbil jista’ jkun ibbażat fuq qari ta’ kull xahar.

Ir-rendiment fl-użu tal-enerġija ta’ bini għandu jkun espress b’indikatur numeriku tal-użu tal-enerġija primarja għal kull unità ta’ erja tal-art ta’ referenza kull sena, f’kWh/(m2.y) għall-fini kemm taċ-ċertifikazzjoni tar-rendiment fl-użu tal-enerġija kif ukoll tal-konformità mar-rekwiżiti minimi ta’ rendiment fl-użu tal-enerġija. Il-metodoloġija applikata għad-determinazzjoni tar-rendiment fl-użu tal-enerġija ta’ bini għandha tkun trasparenti u miftuħa għall-innovazzjoni.

L-Istati Membri għandhom jiddeskrivu l-metodoloġija tal-kalkolu nazzjonali tagħhom abbażi tal-Anness A tal-istandards Ewropej ewlenin dwar ir-rendiment tal-bini fl-użu tal-enerġija, jiġifieri EN ISO 52000-1, EN ISO 52003-1, EN ISO 52010-1, EN ISO 52016-1, EN ISO 52018-1, EN ISO 52120-1, EN 16798-1 u EN 17423 jew dokumenti li joħodlu postu. Din id-dispożizzjoni ma għandhiex tikkostitwixxi kodifika legali ta’ dawk l-istandards.

L-Istati Membri għandhom jieħdu l-miżuri meħtieġa biex jiżguraw li, fejn il-bini jiġi fornut minn sistemi tat-tisħin jew tat-tkessiħ distrettwali, il-benefiċċji ta’ tali provvista jiġu rikonoxxuti u kkunsidrati fil-metodoloġija tal-kalkolu b’mod partikolari s-sehem tal-enerġija rinnovabbli permezz ta’ fatturi tal-enerġija primarja ċċertifikati jew rikonoxxuti individwalment.

2. Il-ħtiġijiet tal-enerġija u tal-użu tal-enerġija għat-tisħin tal-ispazju, għat-tkessiħ tal-ispazju, għall-misħun domestiku, għall-ventilazzjoni, għat-tidwil integrat u għal sistemi tekniċi oħra tal-bini għandhom jiġu kkalkulati bl-użu ta’ intervalli ta’ kalkolu tal-ħin kull xahar, fis-siegħa jew inqas minn siegħa sabiex jiġu kkunsidrati l-kundizzjonijiet differenti li jaffettwaw b’mod sinifikanti t-tħaddim u r-rendiment tas-sistema u l-kundizzjonijiet ta’ ġewwa, u biex ikunu ottimizzati l-livelli tas-saħħa, tal-kwalità tal-arja interna, inkluż livelli ta’ kumdità, definiti mill-Istati Membri fil-livell nazzjonali jew dak reġjonali.

Fejn regolamenti speċifiċi għall-prodott għal prodotti relatati mal-enerġija adottati skont id-Direttiva 2009/125/KE jkunu jinkludu rekwiżiti speċifiċi ta’ informazzjoni dwar il-prodott għall-fini tal-kalkolu tar-rendiment fl-użu tal-enerġija u l-GWP tul iċ-ċiklu tal-ħajja skont din id-Direttiva, il-metodi ta’ kalkolu nazzjonali ma għandhomx jirrikjedu informazzjoni addizzjonali.

Il-kalkolu tal-enerġija primarja għandu jkun ibbażat fuq fatturi aġġornati regolarment u li jħarsu ’l quddiem tal-enerġija primarja, (li jiddistingwi bejn mhux rinnovabbli, rinnovabbli u totali) jew fatturi ta’ ponderazzjoni għal kull vettur tal-enerġija, li għandhom jiġu rikonoxxuti mill-awtoritajiet nazzjonali u jqis it-taħlita enerġetika mistennija abbażi tal-pjan nazzjonali għall-enerġija u l-klima tagħhom. Dawk il-fatturi tal-enerġija primarja jew fatturi ta’ ponderazzjoni jistgħu jkunu bbażati fuq informazzjoni nazzjonali, reġjonali jew lokali. Il-fatturi tal-enerġija primarja jew fatturi ta’ ponderazzjoni jistgħu jiġu stabbliti fuq bażi annwali, staġonali, ta’ kull xahar, ta’ kuljum jew fis-siegħa jew fuq informazzjoni aktar speċifika li titqiegħed għad-dispożizzjoni għal sistemi distrettwali individwali.

Il-fatturi tal-enerġija primarja jew il-fatturi ta’ ponderazzjoni għandhom jiġu definiti mill-Istati Membri. L-għażliet magħmula u s-sorsi tad-data għandhom jiġu rrapportati skont EN 17423 jew kwalunkwe dokument ta’ li jeħodlu postu. L-Istati Membri jistgħu jagħżlu fattur medju tal-enerġija primarja tal-Unjoni għall-elettriku stabbilit skont id-Direttiva (UE) 2023/1791 minflok fattur tal-enerġija primarja li jirrifletti t-taħlita tal-elettriku fil-pajjiż.

3. Bil-għan li jiġi espress r-rendiment fl-użu tal-enerġija tal-bini, l-Istati Membri għandhom jiddefinixxu indikaturi numeriċi addizzjonali tal-użu ta’ enerġija primarja totali, mhux rinnovabbli u rinnovabbli, u emissjonijiet ta’ gass serra operattivi prodotti fi kgCO2eq/(m2.y).

4. Il-metodoloġija għandha tiġi stabbilita filwaqt li mill-anqas jitqiesu l-aspetti li ġejjin:

(a)

il-karatteristiċi termali attwali li ġejjin tal-bini inkluż it-taqsimiet interni tiegħu:

(i)

kapaċità termali;

(ii)

insulazzjoni;

(iii)

tisħin passiv;

(iv)

elementi tat-tkessiħ;

(v)

pontijiet termali;

(b)

installazzjonijiet tat-tisħin u provvista tal-ilma sħun domestiku, inkluż il-karatteristiċi ta’ insulazzjoni tagħhom;

(c)

il-kapaċità ta’ ġenerazzjoni ta’ enerġija rinnovabbli u ta’ ħżin ta’ enerġija installati fuq il-post;

(d)

installazzjonijiet tal-arja kundizzjonata;

(e)

ventilazzjoni naturali u mekkanika li tista’ tinkludi ssikkar tal-arja, u l-irkupru tas-sħana;

(f)

installazzjonijiet ta’ tidwil fissi (l-aktar fis-settur mhux residenzjali);

(g)

id-disinn, pożizzjonament u orjentazzjoni tal-bini, inkluż il-klima ta’ barra;

(h)

sistemi solari passivi u protezzjoni solari;

(i)

kundizzjonijiet klimatiċi interni, inkluż il-klima interna ddisinjata;

(j)

tagħbijiet interni;

(k)

sistemi tal-awtomatizzazzjoni u l-kontroll tal-bini u l-kapaċitajiet tagħhom li jimmonitorjaw, jikkontrollaw u jottimizzaw ir-rendiment fl-użu tal-enerġija.

5. Għandha titqies l-influwenza pożittiva tal-aspetti li ġejjin:

(a)

kundizzjonijiet ta’ esponiment solari lokali, sistemi solari attivi u sistemi oħra ta’ tisħin u elettriku bbażati fuq enerġija minn sorsi rinnovabbli;

(b)

elettriku ġġenerat mill-koġenerazzjoni;

(c)

sistemi tat-tisħin u tat-tkessiħ distrettwali jew ta’ blokka;

(d)

tidwil naturali.

(e)

sistemi ta’ ħżin ta’ elettriku;

(f)

sistemi ta’ enerġija termali.

6. Għall-finijiet tal-kalkolu tar-rendiment tal-bini fl-użu tal-enerġija, il-bini għandu jiġi kklassifikat kif xieraq fil-kategoriji li ġejjin:

(a)

djar ta’ diversi tipi għal familja waħda;

(b)

blokki ta’ appartamenti;

(c)

uffiċċji;

(d)

bini tal-edukazzjoni;

(e)

sptarijiet;

(f)

lukandi u ristoranti;

(g)

faċilitajiet sportivi;

(h)

bini għal servizzi bl-ingrossa u bl-imnut;

(i)

tipi oħra ta’ binjiet li jużaw l-enerġija.

ANNESS II Mudell għall-pjanijiet nazzjonali ta’ rinnovazzjoni tal-bini

ANNESS II

Mudell għall-pjanijiet nazzjonali ta’ rinnovazzjoni tal-bini

(imsemmi fl-Artikolu 3)

Din id-Direttiva L-Artikolu 3	Indikaturi obbligatorji	Indikaturi fakultattivi
(a) Ħarsa ġenerali lejn l-istokk tal-bini nazzjonali	L-għadd ta’ binjiet u l-erja totali tal-art (m2): — għal kull tip ta’ binja (inkluż bini pubbliku u akkomodazzjoni soċjali) — għal kull klassi tar-rendiment tal-enerġija — bini b’użu ta’ kważi żero enerġija — bini bl-agħar rendiment (inkluż definizzjoni) — it-43 % tal-bini residenzjali bl-agħar rendiment — stima tas-sehem tal-bini eżentat skont l-Artikolu 9(6) il-punt (b)	L-għadd ta’ binjiet u l-erja totali tal-art (m2): — għal kull età tal-bini — għal kull daqs ta’ bini — għal kull żona klimatika — twaqqigħ (l-għadd u l-erja totali tal-art (m2))
	Għadd ta’ ċertifikati dwar ir-rendiment fl-użu tal-enerġija: — għal kull tip ta’ bini (inkluż bini pubbliku) — għal kull klassi tar-rendiment tal-enerġija	Għadd ta’ ċertifikati dwar ir-rendiment fl-użu tal-enerġija: — għal kull perjodu ta’ kostruzzjoni
	Rati ta’ rinnovazzjoni annwali: l-għadd u l-erja totali tal-art (m2) — għal kull tip ta’ bini — għal livelli ta’ bini b’użu ta’ kważi żero enerġija u/jew b’emissjonijiet żero — għal kull fond tar-rinnovazzjoni (rinnovazzjoni medja ponderata) — bini pubbliku
	Il-konsum tal-enerġija annwali primarja u finali (ktoe): — għal kull tip ta’ bini — għal kull użu finali Iffrankar enerġetiku (ktoe): — bini residenzjali — bini mhux residenzjali — bini pubbliku Medja tal-użu tal-enerġija primarja f’kWh/(m2.y) għal bini residendzjali Sehem tal-enerġija rinnovabbli fis-settur tal-bini (MW installati jew GWh iġġenerati): — għal użi differenti.	Tnaqqis fl-kostijiet tal-enerġija (EUR) għal kull unità domestika (medja) L-użu tal-enerġija primarja ta’ bini li jikkorrispondi għall-ogħla 15 % (livell limitu ta’ kontribuzzjoni sostanzjali) u l-ogħla 30 % (ma ssir l-ebda ħsara sinifikanti) tal-istokk tal-bini nazzjonali, skont ir-Regolament Delegat (UE) 2021/2139 Sehem tas-sistema tat-tisħin fis-settur tal-bini għal kull tip ta’ bojler/sistema tat-tisħin Is-sehem tal-enerġija rinnovabbli fis-settur tal-bini (MW installati jew GWh iġġenerati): — fuq il-post — mhux fuq il-post
	Emissjonijiet annwali operattivi ta’ gassijiet serra (kgCO2eq/(m2.y): — għal kull tip ta’ bini Tnaqqis annwali operattiv tal-emissjonijiet ta’ gassijiet serra (kgCO2eq/(m2.y): — għal kull tip ta’ bini	GWP tul iċ-ċiklu tal-ħajja (kgCO2eq/m2.y) f’bini ġdid: — għal kull tip ta’ bini
	Ostakli u fallimenti tas-suq (deskrizzjoni): — inċentivi maqsuma — il-kapaċità tas-settur tal-kostruzzjoni u tal-enerġija Evalwazzjoni tal-kapaċitajiet fis-setturi tal-kostruzzjoni, tal-effiċjenza enerġetika u tal-enerġija rinnovabbli	Ostakli u fallimenti tas-suq (deskrizzjoni): — amministrattivi — finanzjarji — tekniċi — għarfien — oħrajn Għadd ta’: — Kumpaniji tas-servizzi tal-enerġija — kumpaniji tal-kostruzzjoni — periti u inġiniera — ħaddiema tas-sengħa — punti uniċi ta’ servizz — SMEs fis-settur tal-kostruzzjoni/rinnovazzjoni — komunitajiet tal-enerġija rinnovabbli u inizjattivi ta’ rinnovazzjoni mmexxija miċ-ċittadini Projezzjonijiet tal-forza tax-xogħol tal-kostruzzjoni: — periti/inġiniera/ħaddiema tas-sengħa rtirati — periti/inġiniera/ħaddiema tas-sengħa li deħlin fis-suq — iż-żgħażagħ fis-settur — in-nisa fis-settur Ħarsa ġenerali u tbassir tal-evoluzzjoni tal-prezzijiet tal-materjali tal-kostruzzjoni u l-iżviluppi tas-suq nazzjonali
	Il-faqar enerġetiku (definizzjoni): — % ta’ nies milquta mill-faqar enerġetiku — proporzjon tal-introjtu disponibbli tal-unitajiet domestiċi użat fuq l-enerġija — popolazzjoni li tgħix f’kundizzjonijiet ta’ abitazzjoni inadegwati (eż. saqaf inixxi) jew b’kundizzjonijiet inadegwati ta’ kumdità termali
	Fatturi ta’ enerġija primarja: — għal kull vettur tal-enerġija — fattur tal-enerġija primarja mhux rinnovabbli — fattur tal-enerġija primarja rinnovabbli — fattur totali tal-enerġija primarja
	Definizzjoni ta’ bini b’użu ta’ kważi żero enerġija għal bini ġdid u eżistenti	Ħarsa ġenerali lejn il-qafas legali u amministrattiv
	Rekwiżiti minimi tar-rendiment fl-użu tal-enerġija kostottimali għal bini ġdid u eżistenti
(b) Pjan direzzjonali għall-2030, għall-2040 u għall-2050	Miri għar-rati ta’ rinnovazzjoni annwali: l-għadd u l-erja totali tal-art (m2): — għal kull tip ta’ bini — bini bl-agħar rendiment — it-43 % tal-bini residenzjali bl-agħar rendiment Informazzjoni skont l-Artikolu 9(1): — kriterji għall-eżenzjoni ta’ bini mhux residenzjali individwali — stima tas-sehem ta’ bini mhux residenzjali eżentat — stima ta’ titjib ekwivalenti fir-rendiment fl-użu tal-enerġija minħabba bini mhux residenzjali eżentat	Miri għas-sehem mistenni (%) ta’ bini rinnovat: — għal kull tip ta’ bini — għal kull profondità ta’ rinnovazzjoni
	Miri għall-konsum annwali mistenni tal-enerġija primarja u finali (ktoe): — għal kull tip ta’ bini — għal kull użu finali L-iffrankar enerġetiku mistenni: — għal kull tip ta’ bini Miri għaż-żieda fis-sehem tal-enerġija rinnovabbli f’konformità mal-Artikolu 15a tad-Direttiva (UE) 2018/2001 Miri numeriċi għall-użu tal-enerġija solari fil-bini	Sehem ta’ enerġija minn sorsi rinnovabbli fis-settur tal-bini (MW installati jew GWh iġġenerati)
	Miri għall-emissjonijiet ta’ gassijiet serra operattivi mistennija (kgCO2eq/(m2.y): — għal kull tip ta’ bini Miri għat-tnaqqis mistenni tal-emissjonijiet ta’ gassijiet serra operattivi (%) — għal kull tip ta’ bini	Maqsuma bejn l-emissjonijiet koperti mill-Kapitolu III [installazzjonijiet stazzjonarji], il-Kapitolu IVa [sistema ta’ skambju ta’ kwoti tal-emissjonijiet għall-bini, it-trasport bit-triq u setturi addizzjonali] tad-Direttiva 2003/87/KE, u stokk ieħor; Miri għal emissjonijiet ta’ gassijiet serra mistennija f’bini ġdid (kgCO2eq/(m2.y) tul iċ-ċiklu kollu tal-ħajja: — għal kull tip ta’ bini
	Benefiċċji usa’ mistennija: — % ta’ tnaqqis ta’ nies affettwati mill-faqar enerġetiku	— Il-ħolqien ta’ impjiegi ġodda — Żieda fil-PDG (sehem u biljuni ta’ euro)
	Il-kontribut tal-Istat Membru għall-miri tal-effiċjenza enerġetika tal-Unjoni skont l-Artikolu 4 tad-Direttiva (UE) 2023/1791 attribwibbli għar-rinnovazzjoni tal-istokk tal-bini tiegħu (sehem u ċifra f’ktoe)
	Kontribut tal-Istat Membru għall-miri tal-enerġija rinnovabbli tal-Unjoni skont id-Direttiva (UE) 2018/2001 attribwibbli għar-rinnovazzjoni tal-istokk tal-bini tiegħu (sehem, MW installati jew GWh iġġenerati)
(c) Ħarsa ġenerali lejn il-politiki u l-miżuri implimentati u ppjanati	Politiki u miżuri fir-rigward tal-elementi li ġejjin: (a) l-identifikazzjoni ta’ approċċi kosteffettivi għar-rinnovazzjoni ta’ tipi ta’ bini u żoni klimatiċi differenti, b’konsiderazzjoni tal-punti ta’ attivazzjoni rilevanti potenzjali fiċ-ċiklu tal-ħajja tal-bini; (b) standards minimi nazzjonali tar-rendiment fl-użu tal-enerġija skont l-Artikolu 9 u politiki u azzjonijiet oħra li jimmiraw lejn is-segmenti bl-agħar rendiment tal-istokk tal-bini nazzjonali, inkluż is-salvagwardji kif imsemmija fl-Artikolu 17(19); (c) il-promozzjoni ta’ rinnovazzjoni profonda tal-bini, inkluż rinnovazzjoni profonda fi stadji; (d) l-għoti tas-setgħa u l-protezzjoni lill-klijenti vulnerabbli u t-tnaqqis tal-faqar enerġetiku, inklużi politiki u miżuri skont l-Artikolu 24 tad-Direttiva (UE) 2023/1791, u l-affordabbiltà tal-akkomodazzjoni; (e) il-ħolqien ta’ punti uniċi ta’ servizz jew mekkaniżmi simili skont l-Artikolu 18 għall-għoti ta’ pariri u assistenza tekniċi, amministrattivi u finanzjarji; (f) id-dekarbonizzazzjoni tat-tisħin u t-tkessiħ, inkluż permezz ta’ networks ta’ tisħin u tkessiħ distrettwali, u l-eliminazzjoni gradwali tal-fjuwils fossili fit-tisħin u t-tkessiħ bil-ħsieb tal-eliminazzjoni gradwali kompleta tal-bojlers tal-fjuwils fossili sal-2040; (g) il-prevenzjoni u t-trattament ta’ kwalità għolja tal-iskart tal-kostruzzjoni u d-demolizzjoni f’konformità mad-Direttiva 2008/98/KE, b’mod partikolari fir-rigward tal-ġerarkija tal-iskart, u l-objettivi tal-ekonomija ċirkolari; (h) il-promozzjoni ta’ sorsi ta’ enerġija rinnovabbli fil-bini f’konformità mal-mira indikattiva għas-sehem ta’ enerġija minn sorsi rinnovabbli fis-settur tal-bini stabbilita fl-Artikolu 15a(1) tad-Direttiva (UE) 2018/2001; (i) l-użu ta’ installazzjonijiet tal-enerġija solari fuq il-bini; (j) it-tnaqqis tal-emissjonijiet ta’ gassijiet serra tul iċ-ċiklu tal-ħajja kollu għall-kostruzzjoni, ir-rinnovazzjoni, it-tħaddim u t-tmiem tal-ħajja tal-bini, u l-użu tal-assorbimenti tal-karbonju; (k) il-promozzjoni ta’ approċċi distrettwali u tal-viċinat u programmi integrati ta’ rinnovazzjoni fil-livell distrettwali, li jistgħu jindirizzaw kwistjonijiet bħall-enerġija, il-mobbiltà, l-infrastruttura ekoloġika, it-trattament tal-iskart u tal-ilma u aspetti oħra tal-ippjanar urban u jistgħu jqisu r-riżorsi lokali u reġjonali, iċ-ċirkolarità u s-suffiċjenza; (l) it-titjib tal-bini li huwa proprjetà ta’ korpi pubbliċi, inklużi politiki u miżuri skont l-Artikoli 5, 6 u 7 tad-Direttiva (UE) 2023/1791 l; (m) il-promozzjoni ta’ teknoloġiji u infrastruttura intelliġenti għall-mobbiltà sostenibbli fil-bini; (n) l-indirizzar tal-ostakli għas-suq u l-fallimenti tas-suq; (o) l-indirizzar tad-diskrepanzi fil-ħiliet u l-promozzjoni tal-edukazzjoni, it-taħriġ immirat, it-titjib tal-ħiliet u t-taħriġ mill-ġdid fis-settur tal-kostruzzjoni u fis-setturi tal-effiċjenza enerġetika u tal-enerġija rinnovabbli (kemm dawk pubbliċi kif ukoll dawk privati), bil-ħsieb li jiġi żgurat li jkun hemm biżżejjed forza tax-xogħol bil-livell xieraq ta’ ħiliet li jikkorrispondu għall-ħtiġijiet fis-settur tal-bini, b’enfasi speċjali fuq il-gruppi sottorappreżentati; (p) kampanji ta’ sensibilizzazzjoni u għodod konsultattivi oħra; u (q) il-promozzjoni ta’ soluzzjonijiet modulari u industrijalizzati għall-kostruzzjoni u r-rinnovazzjoni tal-bini. Għall-politiki u l-miżuri kollha: — l-isem tal-politika jew tal-miżura — deskrizzjoni qasira (kamp ta’ applikazzjoni, objettiv u kundizzjonijiet ta’ operazzjoni preċiżi) — objettiv kwantifikat — tip ta’ politika jew miżura (eż. leġiżlattiva; ekonomika; fiskali; ta’ taħriġ, ta’ sensibilizzazzjoni) — baġit ippjanat u sorsi ta’ finanzjament — entitajiet responsabbli għall-implimentazzjoni tal-politika — impatt mistenni — status ta’ implimentazzjoni — data tad-dħul fis-seħħ — perjodu ta’ implimentazzjoni	Politiki u miżuri fir-rigward tal-elementi li ġejjin: (a) iż-żieda fir-reżiljenza tal-bini għat-tibdil fil-klima; (b) il-promozzjoni tas-suq tas-servizzi tal-enerġija; (c) iż-żieda fis-sikurezza kontra n-nirien; (d) iż-żieda fir-reżiljenza għar-riskji ta’ diżastri, inkluż ir-riskji relatati ma’ attività siżmika intensa; (e) it-tneħħija ta’ sustanzi perikolużi inkluż l-asbestos; (f) l-aċċessibbiltà għall-persuni b’diżabilità; (g) ir-rwol tal-komunitajiet tal-enerġija rinnovabbli u tal-komunitajiet tal-enerġija taċ-ċittadini fl-approċċi distrettwali u tal-viċinat; (h) l-indirizzar ta’ diskrepanzi fil-kapaċitajiet umani; u (i) l-indirizzar tat-titjib tal-kwalità ambjentali interna. Għall-politiki u l-miżuri kollha: — riżorsi u kapaċitajiet amministrattivi — oqsma koperti: — l-agħar rendiment — standards minimi tar-rendiment tal-enerġija — il-faqar enerġetiku, l-akkomodazzjoni soċjali — bini pubbliku — residenzjali (familja waħda, aktar minn familja waħda) — mhux residenzjali — l-industrija — sorsi ta’ enerġija rinnovabbli — eliminazzjoni gradwali tal-fjuwils fossili fit-tisħin u fit-tkessiħ — emissjonijiet ta’ gassijiet serra tul iċ-ċiklu tal-ħajja kollu — l-ekonomija ċirkolari u l-iskart — punti uniċi ta’ servizz — passaporti tar-rinnovazzjoni — teknoloġiji intelliġenti — mobilità sostenibbli fil-bini — approċċi distrettwali u tal-viċinat — ħiliet, taħriġ — kampanji ta’ sensibilizzazzjoni u għodod konsultattivi
(d) Deskrizzjoni tal-ħtiġijiet ta’ investiment, is-sorsi baġitarji u r-riżorsi amministrattivi	— ħtiġijiet ta’ investiment totali għall-2030, l-2040, l-2050 (f’miljuni ta’ EUR) — investimenti pubbliċi (f’miljuni ta’ EUR) — investimenti privati (f’miljuni ta’ EUR) — riżorsi baġitarji
(e) Livelli limitu ta’ bini b’emissjonijiet żero ġodda u rinnovati, imsemmija fl-Artikolu 11	— livelli limitu operazzjonali ta’ emissjonijiet ta’ gassijiet serra ta’ bini ġdid b’emissjonijiet żero; — livelli limitu operazzjonali ta’ emissjonijiet ta’ gassijiet serra ta’ bini rinnovat b’emissjonijiet żero; — livelli limitu annwali tal-użu tal-enerġija primarja ta’ bini ġdid b’emissjonijiet żero; — livelli limitu annwali tal-użu tal-enerġija primarja ta’ bini rinnovat b’emissjonijiet żero
(f) Standards minimi tar-rendiment fl-użu tal-enerġija għal bini mhux residenzjali	— livelli limitu massimi tar-rendiment fl-użu tal-enerġija, skont l-Artikolu 9(1)
(g) Trajettorja nazzjonali għar-rinnovazzjoni progressiva tal-istokk tal-bini residenzjali	— it-trajettorja nazzjonali, għar-rinnovazzjoni progressiva tal-istokk tal-bini residenzjali, inkluż l-istadji importanti għall-2030 u l-2035 għall-użu medju tal-enerġija primarja f’kWh/(m2.y), skont l-Artikolu 9(2)

ANNESS III Kalkolu tal-GWP tul iċ-ċiklu tal-ħajja ta’ bini ġdid skont l-Artikolu 7(2)

ANNESS III

Kalkolu tal-GWP tul iċ-ċiklu tal-ħajja ta’ bini ġdid skont l-Artikolu 7(2)

1. QAFAS ĠENERALI

Dan l-anness jistabbilixxi qafas tal-Unjoni għall-kalkolu nazzjonali tal-GWP tul iċ-ċiklu tal-ħajja, b’ħarsa lejn id-divulgazzjoni tar-riżultati fiċ-ċertifikat tar-rendiment fl-użu tal-enerġija tal-bini skont l-Artikolu 7(2). Għall-verifika tal-konformità ma’ valur limitu skont l-Artikolu 7(5), l-Istati Membri jistgħu jiddeċiedu li jħallu barra xi partijiet mill-istadji taċ-ċiklu tal-ħajja u xi partijiet mill-ambitu tal-komponenti tal-bini, pereżempju bl-applikazzjoni ta’ koeffiċjenti ponderati assoċjati mad-data tal-ħruġ tul iċ-ċiklu tal-ħajja tal-bini.

Il-potenzjal ta’ tisħin globali (GWP, global warming potential) tul iċ-ċiklu tal-ħajja ta’ bini ġdid għandu jiġi kkalkolat f’konformità mar-rekwiżiti minimi stabbiliti f’dan l-Anness u skont il-partijiet rilevanti tal-istandard EN 15978 (EN 15978:2011 Sostenibbiltà tax-xogħlijiet ta’ kostruzzjoni. Valutazzjoni tal-prestazzjoni ambjentali tal-bini. Metodu ta’ kalkolu) u filwaqt li jitqies kwalunkwe standard sussegwenti relatat mas-sostenibbiltà ta’ xogħlijiet ta’ kostruzzjoni u l-metodu ta’ kalkolu għall-valutazzjoni tal-prestazzjoni ambjentali tal-bini. Dan ma jikkostitwix kodifikazzjoni legali ta’ dan l-istandard.

Il-GWP tul iċ-ċiklu tal-ħajja divulgat fiċ-ċertifikat tar-rendiment fl-użu tal-enerġija (EPC, energy performance certificate) tal-bini għandu jirrifletti l-istadju kif mibni.

2. PERJODU TA’ STUDJU TA’ REFERENZA

Il-GWP tul iċ-ċiklu tal-ħajja għandu jiġi kkalkolat fuq perjodu ta’ studju ta’ referenza ta’ 50 sena ( 9 ).

3. DATA GĦALL-KALKOLU

Id-data maħruġa f’konformità mar-Regolamenti (UE) Nru 305/2011 ( 10 ) jew (UE) 2024/3110 ( 11 ) tal-Parlament Ewropew u tal-Kunsill, imsejħa bħala “ data disponibbli skont ir-Regolament dwar il-Prodotti għall-Bini” fit-Tabella 1, għandha tintuża meta tkun disponibbli. Jekk tkun kompatibbli mad-“ data disponibbli skont ir-Regolament dwar il-Prodotti għall-Bini”, għandha tintuża wkoll id-data maħruġa f’konformità mar-regolamenti dwar il-prodotti adottati abbażi tad-Direttiva 2009/125/KE, tar-Regolament (UE) 2017/1369, jew tar-Regolament (UE) 2024/1781 tal-Parlament Ewropew u tal-Kunsill ( 12 ), imsejħa “ data disponibbli skont il-leġiżlazzjoni dwar l-ekodisinn u t-tikkettar tal-enerġija” fit-Tabella 1. Jekk tali data ma tkunx disponibbli, jistgħu jintużaw tipi oħra ta’ data msemmija fit-Tabella 1. L-Istati Membri għandhom jiżguraw l-ogħla akkuratezza u affidabbiltà possibbli tar-riżultati tal-kalkolu tal-GWP tul iċ-ċiklu tal-ħajja, u huma mħeġġa jippermettu l-użu ta’ data speċifika għall-proġett jew speċifika għall-prodott li jkollha kwalità ogħla u preċiżjoni ogħla mid-data ġenerika jew mill-valuri prestabbiliti.

Tabella 1

Ħarsa ġenerali lejn id-definizzjonijiet ta’ tip differenti ta’ data dwar il-prodott għall-bini

Tip ta’ data	Definizzjoni u użu
Id-data disponibbli skont ir-Regolament dwar il-Prodotti għall-Bini	Data dwar il-prodotti tal-effetti tat-tibdil fil-klima miksuba mid-dikjarazzjoni tal-prestazzjoni u tal-konformità (DoPC, declaration of performance and conformity) skont ir-Regolament (UE) Nru 305/2011 jew ir-Regolament (UE) 2024/3110, inkluż id-DoPC koperta minn speċifikazzjoni teknika armonizzata u d-DoPC maħruġa f’konformità mad-dokument Ewropew ta’ valutazzjoni rilevanti u mal-valutazzjoni teknika Ewropea.
Data disponibbli skont il-leġiżlazzjoni dwar l-ekodisinn u t-tikkettar tal-enerġija	Data kompatibbli maħruġa f’konformità mar-regolamenti dwar il-prodotti adottati abbażi tad-Direttiva 2009/125/KE, tar-Regolament (UE) 2017/1369 jew tar-Regolament (UE) 2024/1781.
Data speċifika għall-proġett	Data speċifika għall-proġett ikkalkolata f’konformità mal-istandard EN 15804 jew EN 50693 jew standard kompatibbli, għalkemm mhux maħruġa skont ir-Regolament (UE) Nru 305/2011 jew ir-Regolament (UE) 2024/3110 jew ir-regolamenti dwar il-prodotti adottati abbażi tad-Direttiva 2009/125/KE, tar-Regolament (UE) 2017/1369 jew tar-Regolament (UE) 2024/1781. Dik id-data tista’ tintuża biss jekk tkun speċifikament permessa mil-leġiżlazzjoni nazzjonali.
Data speċifika għall-prodott	Data speċifika għall-prodott ikkalkolata f’konformità mal-istandard EN 15804 jew EN 50693 jew standard kompatibbli, għalkemm mhux maħruġa skont ir-Regolament (UE) Nru 305/2011 jew ir-Regolament (UE) 2024/3110 jew ir-regolamenti dwar il-prodotti adottati abbażi tad-Direttiva 2009/125/KE, tar-Regolament (UE) 2017/1369 jew tar-Regolament (UE) 2024/1781. Dik id-data tista’ tintuża biss jekk tkun speċifikament permessa mil-leġiżlazzjoni nazzjonali.
Data medja għal grupp ta’ prodotti f’konformità mal-istandard EN 15804 jew EN 50693	Id-data ambjentali settorjali tirrappreżenta l-medja ta’ diversi prodotti minn kumpanija waħda jew aktar u tiġi pprovduta minn assoċjazzjonijiet industrijali jew minn organizzazzjonijiet ekwivalenti oħra li jkopru l-prodott. Dik id-data tista’ tintuża biss jekk tkun speċifikament permessa mil-leġiżlazzjoni nazzjonali.
Data ġenerika	Data ambjentali ġenerika kkalkolata f’konformità mal-istandard EN 15804 jew EN 50693 jew ma’ standard kompatibbli għal grupp ta’ prodotti għal pajjiż jew reġjun. Dik id-data ma tistax tkun speċifika għal sit jew għal impriża. L-Istati Membri għandhom jistabbilixxu regoli ċari dwar kif dik id-data trid tiġi ġġenerata jew ikkalkolata, abbażi ta’ data simili eżistenti speċifika għall-prodott. Dawk ir-regoli għandhom ikunu bbażati fuq suppożizzjonijiet konservattivi, sabiex ma jiffavorux data ġenerika fuq bażi inġusta fuq data speċifika għall-prodott. L-Istati Membri jistgħu jistabbilixxu data ġenerika għal prodotti għall-bini użati mill-ġdid, filwaqt li jqisu l-benefiċċji ta’ approċċi ċirkolari.
Valuri prestabbiliti	Id-data ambjentali kkalkolata f’konformità mal-istandard EN 15804 jew EN 50693 jew standard kompatibbli tista’ tintuża biex jimtlew il-lakuni fid-data, meta ma jkun hemm disponibbli l-ebda wieħed mit-tipi ta’ data ta’ hawn fuq, jew meta jkun meħtieġ li jiġi ssimplifikat il-kalkolu. Il-valuri prestabbiliti jistgħu jiġu stabbiliti għal ambitu speċifiku ta’ element tal-bini jew ta’ diversi elementi tal-bini, jew għal ambitu ta’ submodulu taċ-ċiklu tal-ħajja jew ta’ modulu taċ-ċiklu tal-ħajja, jew ta’ submoduli multipli taċ-ċiklu tal-ħajja jew ta’ moduli multipli taċ-ċiklu tal-ħajja. L-Istati Membri jistgħu jistabbilixxu valuri prestabbiliti b’suppożizzjonijiet konservattivi li jinkoraġġixxu l-kalkolu b’data speċifika meta disponibbli. L-Istati Membri jistgħu jistabbilixxu sensiela ta’ valuri prestabbiliti li jiżguraw li d-divulgazzjoni tal-GWP tul iċ-ċiklu tal-ħajja ta’ bini ġdid, skont l-Artikolu 7(2), tkun possibbli anke fl-assenza ta’ kwalunkwe data speċifika.

L-Istati Membri għandhom jistabbilixxu regoli ċari, b’approċċ konsistenti u konservattiv, biex jiġu ġġenerati u aġġornati d-data ġenerika u l-valuri prestabbiliti. L-Istati Membri għandhom jiżguraw li d-data meħtieġa, inkluż id-data ġenerika u l-valuri prestabbiliti, ikunu disponibbli għall-pubbliku, u jippermettu l-kalkoli tal-GWP tul iċ-ċiklu tal-ħajja għal bini ġdid sad-dati stabbiliti fl-Artikolu 7(2), inkluż f’każijiet fejn id-data speċifika għall-proġett jew dik speċifika għall-prodott ma tkunx disponibbli.

Għal tipi ta’ data għajr id-data disponibbli skont ir-Regolament dwar il-Prodotti għall-Bini jew skont il-leġiżlazzjoni dwar l-ekodisinn u t-tikkettar tal-enerġija, l-Istati Membri huma mħeġġa jillimitaw il-frammentazzjoni tas-suq permezz tar-rikonoxximent ta’ data affidabbli u kompatibbli disponibbli maħruġa fi kwalunkwe Stat Membru, inkluża data speċifika għall-prodott u data speċifika għall-proġett ikkalkolata f’konformità EN 15804 jew EN 50693 jew standard kompatibbli. Fi kwalunkwe każ, l-Istati Membri għandhom jieħdu l-miżuri meħtieġa biex jiżguraw konsistenza u kompatibbiltà bejn id-data meta jikkombinaw dik id-data minn sorsi differenti u jiżguraw li r-riżultati finali għall-GWP tul iċ-ċiklu tal-ħajja jkunu affidabbli.

4. SPAZJU TA’ ART LI TISTA’ TINTUŻA

Il-GWP tul iċ-ċiklu tal-ħajja għandu jiġi espress f’unitajiet ta’ kg ta’ CO2eq/m2 ta’ spazju ta’ art li tista’ tintuża.

L-Istati Membri għandhom jistabbilixxu kif id-definizzjoni ta’ spazju ta’ art li tista’ tintuża trid tintuża fil-prattika biex jiġi kkalkolat il-GWP tul iċ-ċiklu tal-ħajja ta’ bini ġdid. L-ispazju ta’ art li tista’ tintuża għandu jikkorrispondi mal-ispazju tal-partijiet tal-bini li huma koperti mill-kalkolu tal-GWP tul iċ-ċiklu tal-ħajja u ma għandux jestendi lil hinn mill-involukru tal-bini. L-Istati Membri għandhom jiddeskrivu, fil-livell nazzjonali, l-ispazju ta’ art li tista’ tintuża adottat f’termini ta’ żoni komponenti, kif definit f’konformità mal-Istandards Internazzjonali għall-Kejl tal-Proprjetà (IPMS, International Property Measurement Standards) ( 13 ) jew standard ekwivalenti, li jiżguraw it-trasparenza, il-konsistenza u l-komparabbiltà tal-kejl tal-ispazju ta’ art.

Il-GWP tul iċ-ċiklu tal-ħajja għandu jiġi kkalkolat u ddivulgat fiċ-ċertifikat tar-rendiment fl-użu tal-enerġija tal-bini, f’konformità mal-Artikolu 19 u mal-Anness V, jew tal-unità tal-bini meta jkun applikabbli. Jekk ikun rilevanti, l-Istati Membri jistgħu jistabbilixxu regoli għall-allokazzjoni tal-emissjonijiet tal-komponenti tal-bini kondiviżi minn diversi binjiet. Dawk ir-regoli għandhom jiżguraw li l-kalkolu tal-GWP tul iċ-ċiklu tal-ħajja jkun ġust, trasparenti u konsistenti f’bini u fi proġetti differenti.

5. AMBITU TAL-ISTADJI TAĊ-ĊIKLU TAL-ĦAJJA

Il-GWP tul iċ-ċiklu tal-ħajja għandu jiġi kkalkolat għal kull stadju meħtieġ taċ-ċiklu tal-ħajja, kif stabbilit fit-Tabella 2. L-Istati Membri jistgħu jiddeċiedu li jeskludu mill-kalkolu kwalunkwe stadju fakultattiv taċ-ċiklu tal-ħajja, kif stabbilit fit-Tabella 2.

Għal kull stadju taċ-ċiklu tal-ħajja, meta l-informazzjoni disponibbli fil-livell tal-prodott toffri diversi xenarji, il-kalkolu fil-livell tal-bini għandu jkun rappreżentattiv kemm jista’ jkun tal-proġett ta’ bini jew tal-bini. Meta ma jkunx hemm informazzjoni affidabbli disponibbli, jew ikun hemm kalkolu ssimplifikat rilevanti, l-Istati Membri jistgħu jiddeċiedu li jippermettu li jintuża xenarju prestabbilit għall-kalkolu, abbażi tal-prinċipju tal-agħar xenarju possibbli.

L-Istati Membri jistgħu jadottaw valuri prestabbiliti għal kwalunkwe stadju taċ-ċiklu tal-ħajja jew stadju tas-subċiklu tal-ħajja f’konformità mar-rekwiżiti relatati mad-data għall-kalkolu stabbiliti fit-Taqsima 3 biex jimtlew il-lakuni fid-data jew meta jkun meħtieġ li l-kalkolu jiġi ssimplifikat.

Tabella 2

L-istadji taċ-ċiklu tal-ħajja li jridu jiġu kkalkolati, skont EN15978:2011 u prEN15978:2025, u filwaqt li jitqies kwalunkwe standard sussegwenti relatat mas-sostenibbiltà tax-xogħlijiet ta’ kostruzzjoni u l-metodu ta’ kalkolu għall-valutazzjoni tal-prestazzjoni ambjentali tal-bini

Stadji taċ-ċiklu tal-ħajja		Meħtieġ/Fakultattiv
EN15978:2011	prEN15978:2025	Meħtieġ/Fakultattiv
A1: Provvista ta’ materja prima	A1: Estrazzjoni u produzzjoni upstream	Meħtieġ
A2: Trasport	A2: Trasport lejn il-fabbrika	Meħtieġ
A3: Manifattura	A3: Manifattura	Meħtieġ
A4: Trasport	A4: Trasport	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit
A5: Proċess ta’ installazzjoni tal-kostruzzjoni	A5: Proċess ta’ installazzjoni tal-kostruzzjoni	Meħtieġ L-Istati Membri jistgħu jagħżlu li jeskludu proċessi relatati mad-demolizzjoni ta’ qabel il-kostruzzjoni u mat-trasport tal-ħaddiema tal-kostruzzjoni lejn is-sit u minnu. Jekk jiġi kkalkolat proċess relatat mad-demolizzjoni ta’ qabel il-kostruzzjoni jew mat-trasport tal-ħaddiema tal-kostruzzjoni lejn is-sit u minnu, ir-riżultati għandhom jiġu rrapportati bħala indikaturi separati
B1: Użu	B1: Użu B1.1: Emissjonijiet minn materjali u minn karbonizzazzjoni B1.2: Emissjonijiet maħruba tar-refriġeranti	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit, inkluż l-impatt assoċjat mal-emissjonijiet maħruba tar-refriġeranti
B2: Manutenzjoni	B2: Manutenzjoni	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit
B3: Tiswija	B3: Tiswija	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit
B4: Sostituzzjoni	B4: Sostituzzjoni tal-komponenti tal-bini	Meħtieġ L-Istati Membri għandhom jistabbilixxu b’mod ċar fil-livell nazzjonali r-regola għall-kwantifikazzjoni tal-għadd ta’ sostituzzjonijiet għall-komponenti jew għall-prodotti li jridu jiġu applikati, pereżempju, l-għadd deċimali medju sempliċi ta’ sostituzzjonijiet, l-għadd sħiħ ta’ sostituzzjonijiet Meta tkun disponibbli, għandha tintuża l-informazzjoni relatata mal-ħajja operazzjonali ta’ referenza li tkun disponibbli f’konformità mar-Regolament (UE) Nru 305/2011 jew mar-Regolament (UE) 2024/3110 jew mar-regolamenti dwar il-prodotti adottati abbażi tad-Direttiva 2009/125/KE, tar-Regolament (UE) 2017/1369 jew tar-Regolament (UE) 2024/1781.
B5: Rinnovazzjoni	B5: Rinnovazzjoni	Fakultattiv
B6: Użu tal-enerġija operazzjonali	B6: Użu tal-enerġija operazzjonali B6.1: Sistemi regolati integrati fil-bini (servizzi) B6.2: Sistemi mhux regolati integrati fil-bini (servizzi) B6.3: Użu ieħor tal-enerġija relatat ma’ attivitajiet tal-utenti tal-bini	Meħtieġ Il-kalkolu għandu jkun konsistenti mal-kalkolu tal-emissjonijiet ta’ gassijiet serra operazzjonali, f’konformità mal-qafas ġenerali komuni stabbilit fl-Anness I. L-Istati Membri jistgħu jillimitaw il-kalkolu biss għal sistemi regolati integrati fil-bini (servizzi) koperti minn din id-Direttiva Jekk l-Istati Membri jiddeċiedu li jippermettu fatturi ta’ emissjoni tal-gassijiet serra (GHG, greenhouse gas) li jħarsu ’l quddiem għall-emissjonijiet operazzjonali, il-fatturi għandhom ikunu ġġustifikati, konsistenti u definiti b’mod ċar għall-perjodu kollu ta’ studju ta’ referenza L-allokazzjoni tal-impatti tal-enerġija esportata għandha titwettaq f’konformità mal-istandard EN 15978. L-impatt tal-enerġija esportata huwa rrapportat fl-istadju taċ-ċiklu tal-ħajja D2
B7: Użu operazzjonali tal-ilma	B7: Użu operazzjonali tal-ilma B7.1: Sistemi essenzjali integrati fil-bini (tojlits, doċċi, kmamar tal-banju, tisħin, tkessiħ, ventilazzjoni, umidifikazzjoni, u irrigazzjoni) B7.2: Sistemi oħra integrati fil-bini (pixxini, sawni, eċċ.) B7.3: Sistemi mhux integrati fil-bini (pereżempju, magni tal-ħasil tal-platti, magni tal-ħasil tal-ħwejjeġ, eċċ.)	Fakultattiv
	B8: Attivitajiet tal-utenti integrati fil-bini, mhux koperti minn B1-B7 B8.1: Trasport ta’ persuni lejn il-bini u minnu B8.2: Iċċarġjar ta’ vetturi elettriċi fis-sit tal-bini B8.3: Oħrajn, bħall-użu ta’ “materjali konsumabbli” bħal karti għall-uffiċċji, jew għamara u tagħmir mhux imwaħħlin mal-bini	Fakultattiv
C1: Dekostruzzjoni	C1: Dekostruzzjoni/Demolizzjoni	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit
C2: Trasport	C2: Trasport lejn l-ipproċessar jew ir-rimi tal-iskart	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit.
C3: Ipproċessar tal-iskart għall-użu mill-ġdid, għar-riċiklaġġ u/jew għall-irkupru	C3: Ipproċessar tal-iskart għall-użu mill-ġdid, għar-riċiklaġġ u/jew għall-irkupru	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit
C4: Rimi	C4: Rimi tal-iskart	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit
D: Benefiċċji u tagħbijiet lil hinn mil-limitu tas-sistema	D1: Użu mill-ġdid, riċiklaġġ u rkupru tal-enerġija li jirriżultaw mill-flussi netti tal-materjali li joħorġu mil-limitu tas-sistema	Meħtieġ L-Istati Membri jistgħu jagħżlu li jillimitaw il-kalkolu għall-informazzjoni disponibbli fil-livell tal-prodott u għad-data ġenerika ekwivalenti jew għall-valur prestabbilit
D: Benefiċċji u tagħbijiet lil hinn mil-limitu tas-sistema	D2: Benefiċċji u tagħbijiet potenzjali minn utilitajiet esportati (pereżempju, enerġija elettrika, enerġija termali, ilma tax-xorb)	Meħtieġ

6. ALLOKAZZJONI TA’ EMISSJONIJIET RELATATI MAL-KONSUM U MAL-ĠENERAZZJONI TAL-ENERĠIJA FUQ IL-POST TA’ BINI

It-Tabella 3 tiddeskrivi t-tliet approċċi possibbli għall-allokazzjoni ta’ emissjonijiet integrati relatati mal-konsum u mal-ġenerazzjoni tal-enerġija fuq il-post ta’ bini. Sabiex jiġu żgurati t-trasparenza, il-konsistenza u l-akkuratezza fil-kalkolu, l-Istati Membri għandhom jagħżlu wieħed mill-approċċi elenkati fit-Tabella 3, jiġifieri l-approċċ A, l-approċċ B1 jew l-approċċ B2. Jekk l-approċċ B1 jew B2 jiġi adottat fil-livell nazzjonali, l-Istati Membri għandhom jagħmlu disponibbli għall-pubbliku r-regoli ta’ allokazzjoni magħżula meħtieġa għall-kalkolu f’konformità mal-kalkolu tal-enerġija u mal-istandards rilevanti.

Għall-fini tal-kalkolu tal-GWP tul iċ-ċiklu tal-ħajja, l-allokazzjoni tal-emissjonijiet operazzjonali relatati mal-konsum u mal-ġenerazzjoni tal-enerġija fuq il-post ta’ bini matul l-istadji kollha taċ-ċiklu tal-ħajja għandha ssir f’konformità mal-għażla tal-allokazzjoni tal-emissjonijiet integrati u f’konformità mal-istandard EN 15978.

Tabella 3

Kalkolu tal-emissjonijiet integrati ta’ produzzjoni ta’ enerġija rinnovabbli fuq il-post

Fattur ta’ influwenza	Approċċ A	Approċċ B1 jew B2
Tip ta’ allokazzjoni ta’ emissjonijiet integrati għall-bini ta’ komponenti tal-ħżin tal-enerġija	Allokazzjoni sħiħa għall-bini
Tip ta’ allokazzjoni ta’ emissjonijiet integrati għall-bini ta’ partijiet oħra tas-sistema	Allokazzjoni sħiħa għall-bini	B1: Allokazzjoni proporzjonali għall-bini abbażi tas-sehem ta’ enerġija maqbuda/ġġenerata użata għall-awtokonsum	B2: Allokazzjoni għall-bini għal komponenti integrati fl-involukru tal-bini u li jiffurmaw il-wiċċ tiegħu, kif ukoll l-allokazzjoni proporzjonali tal-emissjonijiet integrati li jifdal għall-bini abbażi tas-sehem tal-enerġija maqbuda/ġġenerata użata għall-awtokonsum

7. AMBITU TAL-ELEMENTI TAL-BINI U TAT-TAGĦMIR TEKNIKU

Il-kalkolu tal-GWP tul iċ-ċiklu tal-ħajja għandu jinkludi bħala minimu l-elementi tal-bini u t-tagħmir tekniku elenkati fil-Livell 2 taħt il-kategoriji tal-qafas u tal-qalba tat-Tabella 4. L-Istati Membri għandhom jiżguraw kalkolu komprensiv u akkurat tal-GWP tul iċ-ċiklu tal-ħajja, li jiddeskrivi b’mod ċar fil-livell nazzjonali l-elementi tal-bini u t-tagħmir tekniku ta’ bini meħtieġ għall-kalkolu tal-GWP tul iċ-ċiklu tal-ħajja. Għal dan l-għan, l-Istati Membri jistgħu jsegwu l-eżempji murija fil-Livell 3 u fil-Livell 4 tat-Tabella 4 u jipprovdu kwalunkwe devjazzjoni sostanzjali fil-leġiżlazzjoni nazzjonali.

L-elementi tal-bini u t-tagħmir jew is-sistemi tekniċi koperti mill-EPC tal-bini vvalutat għandhom jitqiesu fil-kalkolu jekk l-Istati Membri jqisu li s-sjieda u l-manutenzjoni tagħhom ikunu parzjalment jew esklużivament ir-responsabbiltà tas-sid tal-bini ( 14 ), anke jekk ikunu esterni għall-bini vvalutat u strutturalment indipendenti minnu. Meta l-elementi tal-bini u t-tagħmir tekniku jkunu esterni għall-bini vvalutat u strutturalment indipendenti minnu, l-emissjonijiet assoċjati ta’ dawk l-elementi tal-bini u t-tagħmir tekniku għandhom jitqiesu fl-analiżi tal-karbonju inkorporat u tal-karbonju operazzjonali, iżda l-ispazju ta’ art tagħhom ma għandux jitqies għall-ispazji ta’ art.

L-Istati Membri jistgħu jikkunsidraw li jadottaw data ġenerika jew valuri prestabbiliti għal kwalunkwe wieħed mill-elementi msemmija fil-livelli fit-Tabella 4, f’konformità mar-rekwiżiti relatati mad-data għall-kalkolu stabbiliti fit-Taqsima 3 biex jimtlew il-lakuni fid-data jew meta jkun meħtieġ li jiġi ssimplifikat il-kalkolu.

Tabella 4

Ambitu ġerarkiku tal-elementi tal-bini u tat-tagħmir tekniku

Livell 1	Livell 2	Livell 3 (eżempju)	Livell 4 (eżempji)
Qafas	Substruttura	Ippuntaljar u rfid tal-pedamenti	Puntali u kaxxuni permanenti
		Ippuntaljar u rfid tal-pedamenti	Irfid
		Pedamenti	Appoġġi laterali
			Pjattaforma tal-pedament, kappetti tal-puntali, bażijiet ta’ kolonni, pedamenti tal-ħitan; travi ta’ kollegament, travi tal-irbit
			Ħitan u kolonni tas-substruttura
			Ċangaturi u travi tas-sular terran (meta l-bini jinkludi sular ta’ taħt l-art, iċ-ċangaturi tal-qiegħ tas-sular ta’ taħt l-art għandhom jingħaddu mal-Livell 3 rilevanti “Elementi tas-sular ta’ taħt l-art”)
			Bokok tal-liftijiet (ċangaturi u ħitan)
		Elementi tas-sular ta’ taħt l-art	Appoġġi laterali tas-sular ta’ taħt l-art
			Ċangaturi tal-qiegħ tas-sular ta’ taħt l-art u blinding
			Ħitan riffieda
			Ħitan strutturali, puntali u kolonni tas-sular ta’ taħt l-art
			Travi, serratizzuni, puntali u ċangaturi tas-sular ta’ taħt l-art
			Turġien u rampi tas-sular ta’ taħt l-art
			Impermeabilizzazzjoni vertikali u li ma jgħaddix ilma minnha, saff drenanti, drejns u skin wall
			Impermeabilizzazzjoni orizzontali li ma jgħaddix ilma minnha, saff drenanti, drejns u ċangatura tal-kompletament
			Iżolazzjoni tas-sular ta’ taħt l-art
			Bokok tal-lift tas-sular ta’ taħt l-art, bokok tal-fossa, kmiem (sleeves)
		Xogħol kompożitu, xogħol prefabbrikat u affarijiet oħra għal “Substruttura” (1)
	Struttura	Oqfsa u ċangaturi (ċangaturi ’l fuq mill-parti ta’ fuq tas-sular terran)	Ħitan strutturali, puntali u kolonni tas-sular ta’ taħt l-art
			Travi, serratizzuni, puntali u ċangaturi tas-sular ta’ fuq
			Travi, serratizzuni, puntali u ċangaturi tal-bjut
			Taraġ (li jifforma parti mill-istruttura)
			Reżistenza kontra n-nirien għal struttura tal-azzar
		Tankijiet, pixxini u affarijiet oħra	Meta jkunu jinsabu fl-involukru tal-bini biss (inkella inklużi f’xogħlijiet esterni)
		Xogħol kompożitu, xogħol prefabbrikat u affarijiet oħra għal “Struttura” (2)
	Xogħlijiet arkitettoniċi esterni (mhux strutturali)	Faċċata	Ħitan u karatteristiċi esterni mhux strutturali
			Irfinar tal-ħitan esterni minbarra t-tlibbis
			Tlibbis tal-faċċata u ħitan purtiera
			Twieqi esterni
			Bibien esterni
			Faċċati esterni tal-ħwienet
			Xaters tar-romblu u xaters kontra n-nirien
		Bjut	Irfinar tal-bjut
			Tamboċċi
			Impermeabbilizzazzjoni
			Iżolazzjoni
			Tisbiħ tal-bjut ħodor (ibsin u rotob)
		Xogħol kompożitu, xogħol prefabbrikat u affarijiet oħra għal “Xogħlijiet arkitettoniċi esterni (mhux strutturali)” (3)
Qalba	Xogħlijiet arkitettoniċi interni jew taħt il-kisi (mhux strutturali)	Diviżjonijiet interni	Ħitan u diviżorji interni mhux strutturali
			Iżolazzjoni
			Faċċati interni tal-ħwienet
			Kompartimenti tat-tojlits
			Diviżorji mobbli
			Kmamar kesħin
			Bibien interni
			Twieqi interni
			Xaters tar-romblu u xaters kontra n-nirien
			Xogħol ieħor tal-konkos
		Fittings u affarijiet oħra	Balavostri u poġġamani
			Turġien u catwalk li ma jiffurmawx parti mill-istruttura, cat ladders
			Kabinetti inkorporati (4), armarji, ħżin, lockers, postijiet bilqiegħda, xkafef, counters, bankijiet
			Karatteristiċi dekorattivi inkorporati
			Pannelli ta’ aċċess
		Irfinar taħt il-kisi	Irfinar tal-art (intern u estern (jiġifieri, miksi jew f’gallariji))
			Irfinar u kisi tal-ħitan interni
			Irfinar tas-soqfa u soqfa foloz (interni jew esterni)
			Iżolazzjoni
		Xogħol kompożitu, xogħol prefabbrikat u affarijiet oħra għal “Xogħlijiet arkitettoniċi interni jew miksijin (mhux strutturali)” (5)
	Servizzi u tagħmir tal-bini: Sistemi relatati mal-ilma u mal-ilma mormi	Oġġetti sanitarji	Tojlits, ċisterni, trejs tad-doċċi, banjijiet, vitien, kontrolli, bexxiexi tad-doċċi, basin units, sinkijiet, heaters tal-ilma sħun istantanji
		Sistemi tal-ilma kiesaħ	Termostat, miters termali, miter tal-ilma kiesaħ, sett ta’ pompi/booster, miters oħra, pajpijiet, iżolazzjoni tal-pajpijiet, appoġġ/manku, tagħmir għal protezzjoni kontra ġlata u għat-traċċar tas-sħana
		Ħżin tal-ilma kiesaħ	Tank tal-ħżin flimkien ma’ kwalunkwe sistema ta’ trattament u ta’ filtrazzjoni għall-kontroll tal-kwalità tal-ilma
		Ilma tal-wiċċ / ilma tax-xita / ilma maħmuġ tad-drenaġġ	Pajpijiet, iżolazzjoni, appoġġ, tank tal-ħżin tal-ilma tax-xita, attenwazzjoni, żbokki, pompi, pajpijiet tal-ilma tax-xita, pajpijiet tad-drenaġġ, pajpijiet tal-kondensat, iżolazzjoni, appoġġ, ċisterna, nases, pompa, drejn
		Sistemi għal użu mill-ġdid tal-ilma	Tank tal-ħżin tal-ilma domestiku mormi mingħajr drenaġġ/tal-ilma tax-xita, pajpijiet u tagħmir ta’ trattament ġewwa l-linja tal-bini
	Servizzi u tagħmir tal-bini: Sistemi ta’ tisħin	Tagħmir għall-ġenerazzjoni tas-sħana u tal-ilma sħun	Bojler tal-gass/elettriku, pompi tas-sħana tal-arja/ilma/art, kessieħ, ħiter tal-ilma lokali, forn li jaqbad bl-injam, bojler tal-bijomassa, tisħin termali solari u sistemi tal-ilma sħun. Is-sistemi tat-tisħin komunali li jinsabu fi ħdan l-impronta tal-bini huma inklużi f’dan l-ambitu sal-punt tal-miter. Lil hinn mill-miter, dawn is-sistemi jitqiesu bħala parti min-network ta’ distribuzzjoni. Il-bokka u l-manifold għandhom jiġu inklużi anke jekk jaqgħu barra mill-impronta tal-bini. Skambjatur tas-sħana bil-pjanċi li jaqbad ma’ network tat-tisħin distrettwali. Għandu jiġi inkluż ukoll tagħmir għall-ġenerazzjoni tal-ilma sħun (pereżempju, l-kalorifikatur).
		Distribuzzjoni, kontroll, anċillari, emittenti, skambjaturi/unitajiet terminali tas-sħana u tal-ilma sħun	Radjatur elettriku, radjatur bl-ilma, tisħin ta’ taħt l-art, unità ta’ interfaċċa tas-sħana, skambjatur tas-sħana bil-pjanċi, pompi, switchboard mekkaniku, unità tal-pressurizzazzjoni, pot tad-dożaġġ, kontrollur taċ-ċirkwiti friegħi (BC, branch circuit), deumidifikatur, muntaturi kontra l-vibrazzjonijiet, termostat, miters termali, miter tal-ilma sħun, pajpijiet, iżolazzjoni tal-pajpijiet, appoġġ/manku, tagħmir għall-protezzjoni kontra l-ġlata u għat-traċċar tas-sħana
		Tagħmir għall-ħżin tas-sħana	Maħżen tal-ilma sħun, reċipjent buffer, reċipjent ta’ espansjoni
	Servizzi u tagħmir tal-bini: Sistemi ta’ tkessiħ dedikati (jekk sistema tagħmel kemm tisħin kif ukoll tkessiħ, din għandha taqa’ fl-ambitu ta’ “sistemi ta’ tisħin” biss)	Tagħmir għall-ġenerazzjoni tat-tkessiħ	Torri tat-tkessiħ, unitajiet ta’ koljaturi tal-fannijiet, arja kundizzjonata.
		Emittent tat-tkessiħ, skambjaturi/unitajiet terminali, anċillarji u kontroll, distribuzzjoni, ħżin	Maħżen tal-ilma kiesaħ, reċipjent buffer, reċipjent ta’ espansjoni, pompi, switchboard mekkaniku, unità tal-pressurizzazzjoni, pot tad-dożaġġ, kontrollur taċ-ċirkwiti friegħi, kontrollur, deumidifikatur, muntaturi kontra l-vibrazzjonijiet, termostat, miters termali, miter tal-ilma kiesaħ, pajpijiet, iżolazzjoni tal-pajpijiet, appoġġ/manku, tagħmir għall-protezzjoni kontra ġlata u għat-traċċar tas-sħana
	Servizzi u tagħmir tal-bini: Sistemi tal-ventilazzjoni	Moviment tal-arja	Fannijiet, ventilazzjoni mekkanika bl-irkupru tas-sħana, unitajiet tal-immaniġġar tal-arja, fannijiet tas-saqaf, ventilazzjoni tal-kċina, purtieri tal-arja
		Terminali tal-arja	Diffusers, xbieki, sistemi bil-volum tal-arja varjabbli, sistemi bil-volum tal-arja kostanti, persjani
		Pajpijiet u anċillari	Pajpijiet, iżolazzjoni, appoġġ, pajpijiet ikklassifikati għan-nar, appoġġ
		Barrieri tal-kontroll, attenwazzjoni u sikurezza kontra n-nirien relatati mat-tagħmir tal-ventilazzjoni	Stabbilizzatur tal-volum tal-arja varjabbli, stabbilizzatur tal-kontroll tal-volum, barriera tan-nirien, estrazzjoni tad-dħaħen, barriera tad-duħħan ta’ nar motorizzata, pressurizzazzjoni tat-turġien, fannijiet ikklassifikati għan-nar, barrieri li jtaffu l-pressjoni, kontrolli, persjani, estratt tal-gass, attenwazzjoni akustika
	Servizzi u tagħmir tal-bini: Sistemi tat-tidwil	Tidwil intern	Installazzjonijiet tad-dawl intern, żbokk, kaxxa ta’ ġunzjoni, sokit, kontroll tad-dawl, kejbil, swiċċ
		Tidwil estern (immuntat fuq il-bini)	Lampi/arbli/appoġġ, eċċ. li huma mmuntati fuq il-bini. Installazzjonijiet tad-dawl estern, żbokk, kaxxa ta’ ġunzjoni, sokit, kontroll tad-dawl, kejbil, swiċċ
		Tidwil ta’ emerġenza	Dwal ta’ emerġenza, kontrolli, kejbil, swiċċ
		Tidwil ieħor	Tidwil tax-xogħol, tidwil tal-palk/tad-divertiment, tidwil tad-displej tal-ħwienet bl-imnut, tidwil arkitettoniku inkluż l-installazzjonijiet tad-dawl assoċjat, żbokk, kaxxa ta’ ġunzjoni, sokit, kontroll tad-dawl
	Servizzi u tagħmir tal-bini: Servizzi elettriċi għall-enerġija, għall-komunikazzjonijiet, għas-sigurtà, għall-IT u għad-detezzjoni tan-nar	Enerġija elettrika	Tinkludi installazzjonijiet interni u mmuntati fuq il-bini. Kejbil tal-enerġija, konteniment tat-trejs tal-kejbil, panel board/distribuzzjoni, tagħmir ta’ riżerva, żbarra ta’ distribuzzjoni, transformer, sokits/swiċċijiet, kaxxi tal-art, sensuri, vultaġġ għoli, vultaġġ medju, vultaġġ baxx, enerġija baxxa, konteniment
		Vultaġġ Baxx Ħafna (ELV, Extra Low Voltage)/ komunikazzjonijiet/sigurtà	Sistemi ELV. Komunikazzjonijiet u tagħmir awdjoviżiv. Sigurtà: Tagħmir tat-televiżjoni b’ċirkwit magħluq (CCTV, Closed circuit Television), sensuri u allarmi tas-sigurtà.
		IT u data	Tagħmir tal-IT: kwalunkwe ħaġa relatata mad-data, pereżempju, tagħmir tal-Wi-Fi, server, kejbils backbone u strutturati, kompjuters, printers, kabinetti tad-data, patch panels
		Sistema ta’ ġestjoni tal-bini (BMS, Building management system)	BMS/kontrolluri fuq kojls tal-fannijiet, outstation, sistema prinċipali ta’ kontrollur bil-kompjuter (headend), kejbils meħtieġa, valvi ta’ kontroll, sensuri għall-istatistika tat-temperatura
		Ġenerazzjoni ta’ riżerva tal-elettriku	Provvista tal-enerġija mingħajr interruzzjoni (UPS, uninterruptible power supply), ġenerazzjoni ta’ riżerva, provvista tal-batterija, ġeneraturi standby fil-linja tal-bini
		Detezzjoni tan-nar u allarmi	Sistemi tal-allarmi tan-nirien inklużi d-detezzjoni, il-kejbils, il-panel tat-tifi tan-nar u l-unità tas-sejħa finali
	Servizzi u tagħmir tal-bini: Ġenerazzjoni tal-enerġija rinnovabbli fuq il-post	Enerġija rinnovabbli — ġenerazzjoni elettrika fuq il-post u mmuntati fuq il-bini	Pannell fotovoltajku (PV, photovoltaic) solari, invertitur, turbina eolika, bini ta’ turbini tal-ilma mmuntat jew fi ħdan l-impronta tal-bini
		Enerġija rinnovabbli — ħżin fuq il-post	Batterija fi ħdan l-impronta tal-bini
	Servizzi u tagħmir tal-bini: Installazzjonijiet ta’ sistemi tas-sikurezza tal-ħajja, tal-fjuwil u tal-moviment	Sistema ta’ bexxiexa	Pajpijiet, irjus tat-tarf, valvi, tank, pajp flessibbli, pompi
		Sistemi ta’ tifi tan-nar	Torri tal-ivvampjar niexef u mxarrab, idrant, fi ħdan impronta deżinjata tal-bini, kontrolli/sensuri ta’ bokka ta’ ftuħ awtomatiku (AOV, automatic opening vent), sistema ta’ soppressjoni tan-nirien
		Protezzjoni kontra s-sajjetti / sistema ta’ ertjar	Konduttur tas-sajjetti, vireg tal-ert
		Installazzjonijiet tal-fjuwil	Il-provvisti kollha tal-fjuwil minbarra dawk elettriċi, kwalunkwe ħaġa ppompjata jew taħt pressjoni. Tagħmir tal-gass: konnessjoni, miter tal-gass, regolatur tal-pressjoni, pajpijiet, valvi. Tank tal-ħżin tal-fjuwil fuq il-post, imħażen nexfin. Trivelli (Augers).
		Lift, stair lift, pjattaforma elevabbli	Għandhom jiġu inklużi sistemi ta’ lift, ta’ stair lift, u ta’ pjattaforma elevabbli. L-enerġija għal dawk is-sistemi għandha tiġi inkluża fl-installazzjonijiet elettriċi
		Escalators u passaġġi mobbli	Għandhom jiġu inklużi sistemi għal escalators u passaġġi mobbli. L-enerġija għal dawk is-sistemi għandha tiġi inkluża fl-installazzjonijiet elettriċi
	Servizzi u tagħmir tal-bini: Sistemi ta’ rimi tal-iskart	Sistemi speċjalizzati u komunali ta’ rimi tal-iskart	Inċineraturi tal-iskart u kwalunkwe sistema għal flussi ta’ skart u rimi tal-iskart
		Xogħol kompożitu, xogħol prefabbrikat u affarijiet oħra għal “Servizzi u tagħmir tal-bini” (6)
Xogħlijiet esterni (Fakultattivi)	Toroq esterni, mogħdijiet, pavimentar u wċuħ oħra adatti għat-traffiku tal-persuni jew tal-vetturi li jinsabu fiż-żona tal-plott tal-bini	Toroq u mogħdijiet iddisinjati għall-mixi jew għat-traffiku tal-vetturi	Għandha tiġi inkluża t-tħejjija ta’ xogħlijiet subbażi inkluż it-trattament, it-tqegħid, il-livellar, il-klassifikazzjoni u l-ikkumpattar Blinding, konkos in situ inkluż xogħol bil-forma, tisħiħ, konnessjonijiet, membrani tad-drenaġġ/tal-ħaxix ħażin, kurduni tal-bankini, aċċessorji, marki tal-bankina/tat-triq/tal-grawnd applikati fuq il-wiċċ, irfinar maħduma. eż.: — Irfinar tal-makadam jew tal-asfalt miksi — Ġebel, pavimentar, madum, ċagħaq, madum żgħir — Żrar, bċejjeċ tal-ġebel, bċejjeċ tal-injam — Tapit imtaqqab tal-ħaxix — Uċuħ iddisinjati għall-bandli, għall-isport jew għal użi speċjalizzati oħra — Is-sistemi kollha meħtieġa biex jiġġestixxu d-drenaġġ u/jew l-attenwazzjoni tal-ilma tal-wiċċ — Tarġiet, turġien u rampi (inklużi s-substruttura, formazzjoni u rfinar finali) barra mil-linja deżinjata tal-bini
		Mogħdijiet għall-mixi
		Pavimentar u wċuħ rotob iddisinjati għall-mixi
	Fittings u installazzjonijiet esterni għad-delineazzjoni tal-ispazji, tal-konfini u taż-żoni esterni taż-żona tal-plott tal-bini u skop estetiku ta’ quddiem	Reċinti esterni	Għandhom jiġu inklużi reċinti tal-injam, tal-metall, tal-konkos, tal-ġebel, poġġamani, gradi, ħitan, ħitan baxxi li huma esterni u li ma humiex parti mill-involukru termali tal-bini u li huma ġodda Għandhom jiġu inklużi l-barrieri għall-vetturi u għall-persuni bil-mixi li huma meħtieġa jieħdu tagħbija speċifika għal skopijiet ta’ protezzjoni, bi gradi assoċjati Għandhom jiġu inklużi r-rekwiżiti tas-substruttura, il-komponenti, il-pali, fissaġġi, il-ferramenta, kopertini, tagħmir bl-elettriku, kontrolli u rfinar finali Din il-kategorija tinkludi ħitan riffieda li ma humiex parti mill-bini, normalment magħmulin mill-konkos, mill-injam jew mill-ġebel, inkluż ir-rekwiżiti kollha tas-substruttura/tal-ippuntaljar, ert imsaħħaħ, rekwiżiti tad-drenaġġ, membrani, komponenti, fissaġġi, kopertini, ġonot, preservattivi, irfinar finali, gabbjuni
		Poġġamani esterni
		Ħitan esterni
		Installazzjonijiet esterni	Għamara tat-triq tas-sit inkluż gradi (fejn mhux parti minn reċint jew barrieri), turnstiles, bollards fissi/li jistgħu jitkissru/jitneħħew, postijiet bilqiegħda, bankijiet, imwejjed, kontenituri tal-mifrex/frak taż-żrar, displejs tal-posters/tan-noticeboards, stands/xelters tar-roti, sinjali direzzjonali, arbli tal-bnadar, tagħmir tal-isport estern/bandli, pontijiet pedonali żgħar, waqfiet tal-karozzi tal-linja, xelters, kabini tat-telefown, kaxxi postali, skulturi/xogħlijiet esterni tal-arti, elementi ornamentali tal-ilma inkluż kwalunkwe substruttura, tank, komponent, pajp, kontroll u tagħmir meħtieġ
	Servizzi tal-bini esterni Nota ġenerali: din il-kategorija fiha s-servizzi kollha mhux imwaħħla mal-bini jew akkomodati barra mill-impronta tal-bini.	Drenaġġ estern	Ilma maħmuġ/ilma tal-wiċċ/drenaġġ tal-art taħt l-art u ’l fuq mill-art, mill-ewwel tappiera lil hinn mill-ħajt ta’ lqugħ tal-bini, mill-konnessjoni tal-kanal tad-drenaġġ jew minn katusa oħra (pereżempju, faċilità tat-trattament tad-drenaġġ fuq il-post). Għandhom jiġu inklużi wkoll trunċieri, pipelines, fittings, sodod, radam mill-ġdid, bennieni, appoġġi, konnessjonijiet, gullies u spralli (pereżempju, fit-toroq). Stazzjonijiet tal-ippumpjar ippakkjati, irjus ta’ katusi/żbokki tal-partijiet ta’ fuq, kisjiet finali, kanali prefabbrikati, kompartimenti, tappieri, kanali, bjar tal-infiltrar, fosos, unitajiet ta’ interċetturi tal-petrol. Għandhom jiġu inklużi wkoll kwalunkwe alterazzjoni, kwalunkwe xogħol ta’ tiswija, mili jew tindif tas-sistemi eżistenti tad-drenaġġ, tappieri u spralli. Għandhom jiġu inklużi wkoll installazzjonijiet relatati ma’ sistemi sostenibbli ta’ drenaġġ urban (SUDS, sustainable urban drainage systems) (mhux imwaħħla), drenaġġ ta’ likwidi perikolużi bħal sustanzi kimiċi u skart likwidu industrijali
		Servizzi esterni — ilma	Sistemi ta’ provvista tal-ilma bil-pajpijiet li jġibu l-ilma mill-mejns tal-impriża statutorja lejn il-punt tad-dħul fil-bini, inkluż id-distribuzzjoni għal punti ta’ utenti esterni (pereżempju, impjanti u tagħmir esterni u idranti tan-nar). Idrant tan-nar/riċiklaġġ tal-ilma tax-xita/riċiklaġġ tal-ilma domestiku mormi mingħajr drenaġġ barra mil-linja deżinjata tal-bini. Għandhom jiġu inklużi wkoll tankijiet, pajpijiet, traċċar tas-sħana, iżolazzjoni, konnessjonijiet
		Servizzi esterni — elettriku	Distribuzzjoni tal-elettriku b’vultaġġ għoli mill-provvista tal-impriża statutorja lejn stazzjon tat-transformer fuq il-post, distribuzzjoni tal-elettriku b’vultaġġ baxx mit-transformer fuq il-post għall-pannell ewlieni tal-iswitchgear fi ħdan il-bini u l-installazzjonijiet esterni għall-provvista tal-elettriku, inkluż ġeneraturi ta’ emerġenza jew ta’ standby. Għandhom jiġu inklużi wkoll kejbils, wajers, bordijiet, trunking, koperturi tal-aċċess, konnessjonijiet, distribuzzjoni, trunċieri, bokok, substazzjonijiet ippakkjati/transformer, installazzjonijiet tal-UPS
		Servizzi esterni — gass	Sistemi tal-provvista tal-gass naturali bil-pajpijiet li jġibu l-gass mill-mejns tal-impriża statutorja lejn il-miter tal-gass; u t-teħid ta’ gass likwifikat miż-żejt (LPG, liquefied petroleum gas) minn reċipjenti esterni tal-ħżin sal-punt tad-distribuzzjoni, inkluż il-provvista tal-gass mill-mejns u d-distribuzzjoni tal-provvista tal-gass lil punti ta’ utenti esterni (pereżempju, lejn impjanti u tagħmir esterni). Għandhom jiġu inklużi wkoll id-distribuzzjoni, koperturi tal-aċċess, konnessjonijiet, trunċieri, bokok, tankijiet/fliexken tal-ħżin
		Servizzi esterni — telekomunikazzjonijiet u simili	Il-konnessjoni ta’ sistemi tat-telekomunikazzjonijiet, televiżjoni bil-kejbil, Internet u sistemi oħra ta’ komunikazzjoni mill-provvista tal-impriża statutorja jew ta’ fornitur ieħor ta’ servizzi lejn il-punt ewlieni ta’ distribuzzjoni fil-bini. Għandhom jiġu inklużi wkoll kejbils, wajers, bordijiet, trunking, koperturi tal-aċċess, konnessjonijiet, distribuzzjoni, trunċieri, bokok
		Servizzi esterni — ħżin tal-fjuwil	Sistemi esterni ta’ ħżin tal-fjuwil u ta’ distribuzzjoni bil-pajpijiet. Tankijiet tal-ħżin u reċipjenti esterni għall-bini, u sistemi ta’ provvista permezz tal-pajpijiet li jiddistribwixxu ż-żejt, il-petrol jew id-diżil minn tankijiet jew reċipjenti tal-ħżin sal-punt tad-dħul fil-bini jew għal impjanti u tagħmir esterni. Għandhom jiġu inklużi wkoll id-distribuzzjoni, pompi, valvi, iżolazzjoni, koperturi tal-aċċess, konnessjonijiet, tagħmir ta’ monitoraġġ, trunċieri, bokok, tankijiet/fliexken tal-ħżin
		Servizzi esterni — tidwil	Sistemi ta’ tidwil estern ta’ sit/triq inkluż għal żoni pedonali, mogħdijiet, toroq, sinjali mdawla tat-traffiku, tidwil estern. Għandhom jiġu inklużi wkoll kejbils, wajers, bordijiet, trunking, koperturi tal-aċċess, konnessjonijiet, distribuzzjoni, trunċieri, bokok, kontrolli u luminarji/lampi nfushom, inkluż tidwil għal grawnds tal-isports
		Servizzi esterni — sistemi ta’ sigurtà	Sistemi ta’ sigurtà inkluż CCTV, arbli tal-kameras, provvisti tal-enerġija esterni ġenerali għal tagħmir ta’ sigurtà u għal tidwil speċifiku tas-sigurtà
		Xogħol kompożitu, xogħol prefabbrikat u affarijiet oħra għal “servizz ta’ bini estern” (7)
	Bini estern (8)	Bini anċillari żgħir	Bini anċillari żgħir estern separat relatat mas-sistemi tal-bini u l-funzjonament normali tal-aċċess għall-bini u għas-sit, inkluż postijiet tal-bojler, bini ta’ substazzjon, bini għall-ħżin tal-fjuwil, postijiet fejn tpoġġi r-roti, barrakki, unitajiet tal-ħżin u kmamar tal-gwardjani
		Strutturi ta’ parkeġġ indipendenti (9)	Strutturi fuq l-art jew taħt l-art li huma għall-użu esklużiv jew kondiviż mill-okkupanti tal-bini
		Xogħol kompożitu, xogħol prefabbrikat u affarijiet oħra għal “bini estern” (10)
(1) Iżolazzjoni, impermeabbilizzazzjoni, simentazzjoni, konnessjonijiet, fittings jew elementi għad-drenaġġ, elementi għal servizzi li jiddaħħlu jew jiġu applikati flimkien max-xogħlijiet substrutturali iżda li ma humiex diġà magħduda taħt entrati speċifiċi f’din it-Tabella 4 jew xi mkien ieħor. (2) Reżistenza kontra n-nirien, iżolazzjoni, impermeabbilizzazzjoni, simentazzjoni, konnessjonijiet, fittings, rampi, shuttering permanenti, strutturi ta’ mezzanin, l-appoġġi għal postijiet bilqiegħda f’saffi, ir-rotot ta’ manutenzjoni jew elementi oħra li jiddaħħlu jew jiġu applikati flimkien max-xogħlijiet strutturali iżda li ma jitqisux diġà taħt entrati speċifiċi f’din it-Tabella 4 jew xi mkien ieħor. (3) Reżistenza kontra n-nirien, iżolazzjoni, impermeabbilizzazzjoni, simentazzjoni, konnessjonijiet u komponenti tal-irbit mal-istruttura, fittings, rampi, tagħmir li jipprovdi dell, persjani, qattara tal-bejt, protezzjoni kontra l-insetti, assemblaġġi ta’ gradilji, parapetti, poġġamani, ħitan ekoloġiċi, ċmieni jew elementi oħra li jiddaħħlu jew li jiġu applikati flimkien max-xogħlijiet arkitettoniċi esterni iżda li ma jitqisux diġà taħt entrati speċifiċi hawnhekk jew xi mkien ieħor. (4) Inkorporat(a) tirreferi għall-inkorporazzjoni tal-karatteristiċi rilevanti tal-bini matul l-istadju tal-kostruzzjoni u qabel it-trasferiment tal-bini lis-sid. (5) Reżistenza kontra n-nirien, iżolazzjoni, impermeabbilizzazzjoni, simentazzjoni, konnessjonijiet u komponenti tal-irbit mal-istruttura jew rotot ta’ manutenzjoni, framing, issiġillar, adeżivi, floating floors, sprung floors, irfinar, immarkar tal-linji, qtugħ, skirting, fittings, rampi, assemblaġġi tax-xbieki, parapetti, poġġamani, fireplaces jew elementi oħra li jiddaħħlu jew li jiġu applikati flimkien max-xogħlijiet arkitettoniċi interni iżda li diġà ma jitqisux taħt din it-Tabella 4 jew xi mkien ieħor. (6) Kwalunkwe installazzjoni, fitting jew element ieħor li jiddaħħlu jew jiġu applikati flimkien mas-servizzi, mas-sistema u mal-infrastruttura tal-bini iżda li diġà ma jitqisux taħt entrati speċifiċi f’din it-Tabella 4 jew xi mkien ieħor. (7) Kwalunkwe installazzjoni, fitting jew element ieħor assoċjati mal-installazzjoni tal-ilma, tal-gass, tal-elettriku, tat-tisħin, tal-ventilazzjoni, tad-drenaġġ ’il fuq mill-art, tat-telekomunikazzjonijiet u ta’ servizzi oħra, inklużi kanali, kisi protettiv, toqob, trinek, kmiem, koperturi, installazzjoni li twaqqaf in-nirien, tikkettar, u bażijiet, eċċ., li ma humiex inklużi xi mkien ieħor. (8) Tirreferi għal bini li huwa estern għall-bini vvalutat u strutturalment indipendenti minnu, iżda li jinsab fiż-żona ta’ madwar il-bini vvalutat u li jaqdi lill-okkupanti tal-bini vvalutat u/jew lis-sistemi u l-infrastruttura tekniċi tal-bini vvalutat. L-indipendenza strutturali għandha tinftiehem bħala nuqqas ta’ pedamenti kondiviżi u elementi strutturali oħra li jifilħu t-tagħbija. (9) Il-faċilitajiet ta’ parkeġġ li jikkondividu elementi strutturali u li jaqgħu fl-involukru tal-istruttura tal-bini ma għandhomx jitqiesu bħala bini estern iżda minflok għandhom jitqiesu bħala parti mill-bini kollu, u b’hekk fl-analiżi jingħaddu l-karbonju inkorporat assoċjat, il-karbonju operazzjonali u l-ispazju ta’ art tagħhom. Għall-kuntrarju, għal strutturi ta’ parkeġġ indipendenti li jitqiesu bħala bini estern, il-karbonju inkorporat u l-karbonju operazzjonali assoċjati tagħhom jistgħu jitqiesu fl-analiżi, iżda mhux fl-ispazju ta’ art tagħhom. F’każijiet fejn faċilità tal-parkeġġ tkun parti minn struttura kondiviża bejn aktar minn bini wieħed, jew il-kumpless kollu tal-bini għandu jikkostitwixxi valutazzjoni waħda, jew l-impatti tal-karbonju inkorporat u l-ispazju ta’ art tal-faċilità tal-parkeġġ għandhom jiġu allokati abbażi tal-ammonti relattivi tal-ispazji tal-parkeġġ li huma deżinjati għal kull bini. (10) Kwalunkwe installazzjoni, fitting jew element ieħor assoċjati mal-kostruzzjoni ta’ bini estern li ma humiex inklużi xi mkien ieħor.

8. RIŻULTATI TAL-GWP TUL IĊ-ĊIKLU TAL-ĦAJJA

Għall-fini tar-rapportar tar-riżultati fl-EPC tal-bini, il-GWP tul iċ-ċiklu tal-ħajja tal-bini għandu jiġi rrapportat f’format trasparenti, li juri riżultati mqar għal kull stadju taċ-ċiklu tal-ħajja f’konformità mat-Tabella 5.

Tabella 5

Divulgazzjoni tal-GWP tul iċ-ċiklu tal-ħajja fiċ-ċertifikat tar-rendiment fl-użu tal-enerġija (EPC) tal-bini

	Stadju tal-produzzjoni (A1-A3)	Stadju tal-proċess tal-kostruzzjoni (A4-A5)	Stadju tal-użu, tal-manutenzjoni, tas-sostituzzjoni (B1-B4)	Stadju tal-użu tal-enerġija operazzjonali (B6)	Stadju ta’ tmiem il-ħajja tal-prodott (C1-C4)	Użu mill-ġdid, riċiklaġġ, potenzjal ta’ rkupru (D1)	Benefiċċji u tagħbijiet potenzjali minn utilitajiet esportati (pereżempju, enerġija elettrika, enerġija termali, ilma tax-xorb) (D2)
Total tal-GWP (1)
(1) It-total tal-GWP huwa s-somma ta’ GWP fossili, GWP bijoġeniku u GWP tal-użu tal-art u tibdil fl-użu tal-art.

ANNESS IV Qafas ġenerali komuni għall-valutazzjoni tal-istat ta’ tħejjija tal-bini għat-teknologiji intellġenti

ANNESS IV

Qafas ġenerali komuni għall-valutazzjoni tal-istat ta’ tħejjija tal-bini għat-teknologiji intellġenti

1. Il-Kummissjoni għandha tistabbilixxi d-definizzjoni tal-indikatur tal-istat ta’ tħejjija tal-bini għat-teknoloġija intelliġenti u tistabbilixxi metodoloġija li biha għandha tiġi kkalkulata, sabiex tivvaluta l-kapaċità ta’ binja jew ta’ unità tal-bini li tadatta l-operat tagħha għall-ħtiġijiet tal-okkupant u l-grilja u biex itejbu l-effiċjenza enerġetika u r-rendiment ġenerali tagħhom.

L-indikatur tal-istat ta’ tħejjija tal-bini għat-teknoloġija intelliġenti għandu jkopri karatteristiċi biex jitjiebu l-iffrankar enerġetiku, it-tqabbil u l-flessibbiltà, titjib fil-funzjonalitajiet u l-kapaċitajiet li jirriżultaw minn apparat aktar interkonness u intelliġenti.

Il-metodoloġija għandha tqis karatteristiċi bħall-eżistenza possibbli ta’ tewmi diġitali tal-bini.

Il-metodoloġija għandha tqis karatteristiċi bħal miters intelliġenti, awtomatizzazzjoni tal-bini u sistemi ta’ kontroll, apparat awtoregolatorju għar-regolazzjoni tat-temperatura tal-arja ta’ ġewwa, apparati integrati tad-dar, punti tal-irriċarġjar għall-vetturi elettriċi, ħażna tal-enerġija u funzjonalitajiet dettaljati u l-interoperabbiltà ta’ dawk il-karatteristiċi, kif ukoll il-benefiċċji għall-kundizzjoni klimatika ta’ ġewwa, l-effiċjenza enerġetika, il-livelli ta’ rendiment u l-possibbiltà ta’ flessibbiltà.

2. Il-metodoloġija għandha sserraħ fuq il-funzjonalitajiet prinċipali li ġejjin relatati mal-bini u s-sistemi tekniċi tal-bini tiegħu:

(a)

l-abbiltà li jżomm ir-rendiment fl-użu tal-enerġija u l-operat tal-bini permezz tal-adattament tal-konsum tal-enerġija pereżempju permezz tal-użu ta’ enerġija minn sorsi rinnovabbli;

(b)

l-abbiltà li jadatta l-mod tal-operat tiegħu bi tweġiba għall-ħtiġijiet tal-okkupant filwaqt li tingħata attenzjoni dovuta għad-disponibbiltà tal-faċilità tal-użu mill-utent, iż-żamma ta’ kondizzjonijiet klimatiċi ta’ ġewwa tajbin għas-saħħa u l-abbiltà ta’ rappurtar dwar l-użu tal-enerġija;

(c)

il-flessibbiltà tad-domanda għall-enerġija ġenerali tal-bini, inkluża l-abbiltà tiegħu li jippermetti l-parteċipazzjoni b’mod ta’ domanda-risposta attiva u passiva kif ukoll impliċita u espliċita, permezz tal-ħżin tal-enerġija u r-rilaxx mill-ġdid tal-enerġija lura fil-grilja, pereżempju permezz ta’ kapaċitajiet ta’ flessibbiltà u ta’ trasferiment tat-tagħbija; u

(d)

l-abbiltà li jtejjeb l-effiċjenza enerġetika tiegħu u r-rendiment ġenerali permezz tal-użu ta’ teknoloġiji għall-iffrankar enerġetiku.

3. Il-metodoloġija tista’ tqis ukoll:

(a)

l-interoperabbiltà bejn is-sistemi (miters intelliġenti, sistemi ta’ awtomatizzazzjoni u kontroll tal-bini, apparati integrati tad-dar, apparat awtoregolatorju għar-regolar tat-temperatura tal-arja ta’ ġewwa fil-bini u sensuri tal-kwalità tal-arja ta’ ġewwa u ventilazzjonijiet); u

(b)

l-influwenza pożittiva ta’ networks eżistenti tal-komunikazzjoni, b’mod partikolari l-eżistenza ta’ infrastruttura fiżika ta’ veloċità għolja fil-bini, bħat-tikketta volontarja “broadband ready”, u l-eżistenza ta’ punt ta’ aċċess għal bini b’unitajiet ta’ bini residenzjali multipli„ f’konformità mal-Artikolu 8 tad-Direttiva 2014/61/UE tal-Parlament Ewropew u tal-Kunsill ( 15 ).

4. Il-metodoloġija ma għandhiex taffettwa b’mod negattiv l-iskemi ta’ ċertifikazzjoni tar-rendiment fl-użu tal-enerġija nazzjonali eżistenti u għandha tibni fuq inizjattivi relatati fil-livell nazzjonali, filwaqt li tqis il-prinċipju tal-pussess mill-okkupant, il-protezzjoni tad-data, il-privatezza u s-sigurtà, f’konformità mal-liġi rilevanti tal-Unjoni dwar il-protezzjoni tad-data u l-privatezza kif ukoll l-aqwa tekniki disponibbli għaċ-ċibersigurtà.

5. Il-metodoloġija għandha tistabbilixxi l-aktar format adattat tal-parametru indikatur tal-istat ta’ tħejjija għat-teknoloġija intelliġenti u għandha tkun sempliċi, trasparenti u li tinftiehem faċilment għall-konsumaturi, is-sidien, l-investituri, u l-parteċipanti tas-suq tar-rispons għad-domanda.

ANNESS V Mudell għaċ-ċertifikati dwar ir-rendiment fl-użu tal-enerġija

ANNESS V

Mudell għaċ-ċertifikati dwar ir-rendiment fl-użu tal-enerġija

(imsemmi fl-Artikolu 19)

1. Fuq il-paġna ta’ quddiem tiegħu, iċ-ċertifikat tar-rendiment fl-użu tal-enerġija għandu juri mill-inqas l-elementi li ġejjin:

(a)

il-klassi tar-rendiment tal-enerġija;

(b)

l-użu annwali tal-enerġija primarja kkalkulat f’kWh/(m2y);

(c)

l-użu annwali tal-enerġija finali kkalkulat f’kWh/(m2y);

(d)

l-enerġija rinnovabbli prodotta fil-post f’% tal-użu tal-enerġija;

(e)

emissjonijiet ta’ gassijiet serra operattivi (kg CO2/(m2y)), u l-valur tal-GWP taċ-ċiklu tal-ħajja, jekk disponibbli.

Iċ-ċertifikat tar-rendiment fl-użu tal-enerġija għandu juri wkoll l-elementi li ġejjin:

(a)

il-konsum annwali tal-enerġija primarja u finali kkalkulat f’kWh jew MWh;

(b)

il-produzzjoni tal-enerġija rinnovabbli f’kWh jew MWh; il-vettur ewlieni tal-enerġija u t-tip ta’ sors ta’ enerġija rinnovabbli;

(c)

il-ħtiġijiet tal-enerġija kkalkulati f’kWh/(m2.y);

(d)

indikazzjoni ta’ iva/le dwar jekk il-bini għandux il-kapaċità li jirreaġixxi għal sinjali esterni u jaġġusta l-konsum tal-enerġija;

(e)

indikazzjoni ta’ iva/le dwar jekk is-sistema ta’ distribuzzjoni tas-sħana ġol-bini għandhiex il-kapaċità li taħdem f’livelli ta’ temperatura baxxa jew aktar effiċjenti, fejn applikabbli;

(f)

id-dettalji ta’ kuntatt tal-punt uniku rilevanti ta’ servizz għall-parir dwar ir-rinnovazzjoni.

2. Barra minn hekk, iċ-ċertifikat tar-rendiment fl-użu tal-enerġija jista’ jinkludi l-indikaturi li ġejjin:

(a)

l-użu tal-enerġija, it-tagħbija massima, id-daqs tal-ġeneratur jew tas-sistema, il-vettur ewlieni tal-enerġija u t-tip ewlieni ta’ element għal kull wieħed mill-użi: tisħin, tkessiħ, misħun domestiku, ventilazzjoni u tidwil intrinsiku;

(b)

il-klassi tal-emissjonijiet ta’ gassijiet serra (jekk applikabbli);

(c)

informazzjoni dwar l-assorbimenti tal-karbonju assoċjati mal-ħżin temporanju tal-karbonju fil-bini jew fuqu;

(d)

indikazzjoni ta’ iva/le jekk huwiex disponibbli passaport ta’ rinnovazzjoni għall-bini;

(e)

il-valur U medju għall-elementi opaki tal-involukru tal-bini;

(f)

il-valur U medju għall-elementi trasparenti tal-involukru tal-bini;

(g)

it-tip tal-aktar element trasparenti komuni (eż. tieqa bi ħġieġ doppju);

(h)

ir-riżultati tal-analiżi dwar ir-riskju ta’ tisħin żejjed (jekk disponibbli);

(i)

il-preżenza ta’ sensuri fissi li jimmonitorjaw il-kwalità ambjentali interna;

(j)

il-preżenza ta’ kontrolli fissi li jirrispondu għal-livelli tal-kwalità ambjentali interna;

(k)

l-għadd u t-tip ta’ punti tal-irriċarġjar għall-vetturi elettriċi;

(l)

il-preżenza, it-tip u d-daqs tas-sistemi tal-ħżin tal-enerġija;

(m)

it-tul tal-ħajja mistenni li jifdal tas-sistemi tal-apparati tat-tisħin u/jew tal-arja kundizzjonata, fejn applikabbli;

(n)

il-fattibbiltà li s-sistema tat-tisħin tiġi adattata biex topera f’settings tat-temperatura aktar effiċjenti;

(o)

il-fattibbiltà li s-sistema għall-misħun domestiku tiġi adattata biex topera f’settings tat-temperatura aktar effiċjenti;

(p)

il-fattibbiltà tal-adattament tas-sistema tal-arja kundizzjonata biex topera f’settings tat-temperatura aktar effiċjenti;

(q)

il-konsum tal-enerġija mmetrata;

(r)

jekk hemmx konnessjoni ma’ network tat-tisħin u t-tkessiħ distrettwali, u, jekk disponibbli, informazzjoni dwar konnessjoni potenzjali ma’ sistema effiċjenti ta’ tisħin u tkessiħ distrettwali;

(s)

il-fatturi tal-enerġija primarja lokali u l-fatturi tal-emissjonijiet tal-karbonju relatati tan-network ta’ tisħin u tkessiħ distrettwali lokali konness;

(t)

emissjonijiet operattivi ta’ materja partikolata fina (PM 2,5 ).

Iċ-ċertifikat tar-rendiment tal-enerġija jista’ jinkludi r-rabtiet li ġejjin ma’ inizjattivi oħra jekk dawn japplikaw fl-Istat Membru rilevanti:

(a)

indikazzjoni ta’ iva/le jekk saritx valutazzjoni tal-potenzjal ta’ intelliġenza għall-bini;

(b)

fejn disponibbli, il-valur tal-valutazzjoni tal-potenzjal ta’ intelliġenza;

(c)

indikazzjoni ta’ iva/le jekk ir-Reġistru Diġitali dwar il-Bini huwiex disponibbli għall-bini.

Il-persuni b’diżabilità għandu jkollhom aċċess ugwali għall-informazzjoni fiċ-ċertifikati tar-rendiment fl-użu tal-enerġija.

ANNESS VI Sistemi ta’ kontroll indipendenti għaċ-ċertifikati tar-rendiment fl-użu tal-enerġija

ANNESS VI

Sistemi ta’ kontroll indipendenti għaċ-ċertifikati tar-rendiment fl-użu tal-enerġija

1. Definizzjoni ta’ ċertifikat validu tar-rendiment fl-użu tal-enerġija

L-Istati Membri għandhom jipprovdu definizzjoni ċara ta’ x’jitqies li huwa ċertifikat validu tar-rendiment fl-użu tal-enerġija.

Id-definizzjoni ta’ ċertifikat validu tar-rendiment tal-enerġija għandha tiżgura:

(a)

verifika tal-validità tad-data mogħtija (inkluż verifiki fuq il-post) dwar il-bini, użata biex jinħareġ iċ-ċertifikat tar-rendiment fl-użu tal-enerġija u r-riżultati ddikjarati fiċ-ċertifikat;

(b)

il-validità tal-kalkoli;

(c)

devjazzjoni massima għar-rendiment tal-enerġija ta’ bini, preferibbilment espressa mill-indikatur numeriku tal-użu tal-enerġija primarja (kWh/(m2 sena));

(d)

numru minimu ta’ elementi li jvarjaw mill-valuri prestabbiliti jew standard.

L-Istati Membri jistgħu jinkludu elementi addizzjonali fid-definizzjoni ta’ ċertifikat validu tar-rendiment fl-użu tal-enerġija, bħal devjazzjoni massima għal valuri speċifiċi ta’ data tal-input.

2. Il-kwalità tas-sistema ta’ kontroll indipendenti għaċ-ċertifikati tar-rendiment fl-użu tal-enerġija

L-Istati Membri għandhom jipprovdu definizzjoni ċara tal-għanijiet tal-kwalità u l-livell ta’ fiduċja statistika li l-qafas taċ-ċertifikat tar-rendiment fl-użu tal-enerġija jentħtieġ li jilħaq. Is-sistema ta’ kontroll indipendenti għandha tiżgura mill-inqas 90 % taċ-ċertifikati validi tar-rendiment fl-użu tal-enerġija maħruġa b’fiduċja statistika ta’ 95 % għall-perjodu evalwat, li ma għandux jaqbeż sena.

Il-livell ta’ kwalità u l-livell ta’ fiduċja tas-sistema ta’ kontroll indipendenti għaċ-ċertifikati tar-rendiment fl-użu tal-enerġija għandhom jitkejlu bl-użu ta’ kampjunar aleatorju u għandhom iqisu l-elementi kollha pprovduti fid-definizzjoni ta’ ċertifikat validu tar-rendiment fl-użu tal-enerġija. L-Istati Membri għandhom jeħtieġu verifika minn parti terza għall-evalwazzjoni ta’ mill-inqas 25 % tal-kampjun aleatorju meta s-sistemi ta’ kontroll indipendenti jkunu ġew iddelegati lil korpi mhux governattivi.

Il-validità tad-data tal-input għandha tiġi vverifikata b’informazzjoni pprovduta mill-espert indipendenti. Tali informazzjoni tista’ tinkludi ċertifikati tal-prodott, speċifikazzjonijiet jew pjanijiet tal-bini li jinkludu dettalji dwar ir-rendiment tal-elementi differenti inklużi fiċ-ċertifikat tar-rendiment fl-użu tal-enerġija.

Il-validità tad-data tal-input għandha tiġi vverifikata permezz ta’ żjarat fuq il-post, li jistgħu jiwettqu b’mezzi virtwali, fejn adatt, f’mill-inqas 10 % taċ-ċertifikati tar-rendiment fl-użu tal-enerġija li huma parti mill-kampjunar aleatorju użat biex tiġi vvalutata l-kwalità ġenerali tal-iskema.

Minbarra l-kampjunar aleatorju minimu biex jiġi ddeterminat il-livell ġenerali tal-kwalità, l-Istati Membri jistgħu jużaw strateġiji differenti biex jidentifikaw u jimmiraw b’mod speċifiku l-kwalità fqira fiċ-ċertifikati tar-rendiment fl-użu tal-enerġija bil-għan li jtejbu l-kwalità ġenerali tal-iskema. Tali analiżi mmirata ma tistax tintuża bħala l-bażi biex titkejjel il-kwalità ġenerali tal-iskema.

L-Istati Membri għandhom jużaw miżuri preventivi u reattivi biex jiżguraw il-kwalità tal-qafas ġenerali taċ-ċertifikat tar-rendiment fl-użu tal-enerġija. Dawk il-miżuri jistgħu jinkludu taħriġ addizzjonali għal esperti indipendenti, kampjunar immirat, obbligu li jerġgħu jiġu ppreżentati ċertifikati tar-rendiment fl-użu tal-enerġija, multi proporzjonali u projbizzjonijiet temporanji jew permanenti għall-esperti.

Fejn l-informazzjoni tiżdied f’bażi tad-data, l-awtoritajiet nazzjonali għandu jkollhom il-possibbiltà jidentifikaw l-oriġinatur ta’ din iż-żieda, għall-finijiet ta’ monitoraġġ u ta’ verifika.

3. Id-disponibbiltà ta’ ċertifikati dwar ir-rendiment fl-użu tal-enerġija

Is-sistema ta’ kontroll indipendenti għandha tivverifika d-disponibbiltà taċ-ċertifikati tar-rendiment fl-użu tal-enerġija għal xerrejja u inkwilini prospettivi sabiex jiġi żgurat li jkun possibbli li jitqies ir-rendiment tal-bini fl-użu tal-enerġija fid-deċiżjoni tagħhom li jixtru jew jikru.

Is-sistema ta’ kontroll indipendenti għandha tivverifika l-viżibbiltà tal-indikatur tar-rendiment fl-użu tal-enerġija u l-klassi fil-midja tar-reklamar.

4. Trattament ta’ tipoloġiji tal-bini

Is-sistema ta’ kontroll indipendenti għandha tqis tipoloġiji differenti ta’ bini, b’mod partikolari għal dawk it-tipoloġiji tal-bini li huma l-aktar prevalenti fis-suq tal-proprjetà immobbli, bħal residenzi uniċi, uffiċċji jew bejgħ bl-imnut.

5. Divulgazzjoni pubblika

L-Istati Membri għandhom jippubblikaw regolarment, fil-bażi tad-data nazzjonali dwar iċ-ċertifikati tar-rendiment fl-użu tal-enerġija, mill-inqas l-informazzjoni li ġejja dwar is-sistema tal-kwalità:

(a)

id-definizzjoni ta’ ċertifikat validu tar-rendiment fl-użu tal-enerġija;

(b)

l-għanijiet tal-kwalità għall-iskema taċ-ċertifikat tar-rendiment fl-użu tal-enerġija;

(c)

ir-riżultati tal-valutazzjoni tal-kwalità, inkluż l-għadd ta’ ċertifikati evalwati u d-daqs relattiv għall-għadd totali ta’ ċertifikati maħruġa fil-perjodu partikolari (għal kull tipoloġija);

(d)

miżuri ta’ kontinġenza biex tittejjeb il-kwalità ġenerali taċ-ċertifikati tar-rendiment fl-użu tal-enerġija.

ANNESS VII

Qafas ta’ metodoloġija komparattiva biex jiġu identifikati l-livelli kostottimali tar-rekwiżiti għar-rendiment fl-użu tal-enerġija għall-bini u l-elementi tal-bini

Il-qafas ta’ metodoloġija komparattiva għandu jippermetti lill-Istati Membri jiddeterminaw ir-rendiment fl-użu tal-enerġija tal-bini u l-elementi u tal-emissjonijiet tal-bini u l-aspetti ekonomiċi tal-miżuri relatati mar-rendiment fl-użu tal-enerġija u tal-emissjonijiet, u jgħaqqduhom bil-ħsieb li jidentifikaw il-livell kostottimali sabiex jintlaħqu l-għanijiet tat-tnaqqis tal-emissjonijiet u tan-newtralità klimatika għall-2030, kif ukoll stokk tal-bini b’emissjonijiet żero sa mhux aktar tard mill-2050.

Mal-qafas ta’ metodoloġija komparattiva għandhom jinhemżu linji gwida li jiddeskrivu fil-qosor kif jiġi applikat dak il-qafas fil-kalkolu tal-livelli ta’ rendiment kostottimali.

Il-qafas ta’ metodoloġija komparattiva għandu jippermetti li jitqiesu l-mudelli tal-użu, il-kundizzjonijiet klimatiċi ta’ barra u t-tibdil futur tagħhom skont l-aħjar projezzjonijiet klimatiċi disponibbli, inkluż mewġiet ta’ sħana jew ta’ kesħa, il-kostijiet tal-investiment, il-kategorija tal-bini, il-kostijiet għall-manutenzjoni u l-funzjonament (inkluż il-kostijiet u l-iffrankar enerġetiċi), id-dħul mill-enerġija prodotta, fejn applikabbli, l-esternalitajiet ambjentali u tas-saħħa tal-użu tal-enerġija, il-kostijiet tal-ġestjoni tal-iskart, fejn applikabbli, u żviluppi teknoloġiċi. Dan għandu jkun ibbażat fuq standards Ewropej rilevanti relatati ma’ din id-Direttiva.

Il-Kummissjoni għandha wkoll tipprovdi:

—

linji gwida mehmuża mal-qafas ta’ metodoloġija komparattiva; dawk il-linji gwida se jservu biex l-Istati Membri jkunu jistgħu jwettqu l-passi elenkati hawn taħt;

—

informazzjoni dwar l-iżviluppi fit-tul stmati fil-prezzijiet tal-enerġija.

Għall-applikazzjoni tal-qafas ta’ metodoloġija komparattiva mill-Istati Membri, għandhom jiġu stabbiliti kondizzjonijiet ġenerali, espressi permezz ta’ parametri, fil-livell tal-Istati Membri. Il-Kummissjoni għandha toħroġ rakkomandazzjonijiet lill-Istati Membri dwar il-livelli ta’ kostottimalità tagħhom, fejn rilevanti.

Il-qafas ta’ metodoloġija komparattiva għandu jeħtieġ li l-Istati Membri:

—

jiddefinixxu bini ta’ referenza li huma kkaratterizzati minn u rappreżentattivi għall-funzjonalità u l-post ġeografiku tagħhom, inklużi l-kondizzjonijiet klimatiċi interni u esterni. Il-bini ta’ referenza għandu jkopri bini residenzjali u mhux residenzjali, kemm dawk ġodda kif ukoll dawk eżistenti;

—

jiddefinixxu l-miżuri tal-effiċjenza enerġetika li jridu jiġu vvalutati għall-bini ta’ referenza. Dawk jistgħu jkunu miżuri għal bini individwali fl-intier tagħhom, għall-elementi individwali tal-bini jew għal kombinazzjoni ta’ elementi tal-bini;

—

jivvalutaw il-ħtieġa finali u primarja tal-enerġija u l-emissjonijiet li jirriżultaw tal-bini ta’ referenza bil-miżuri definiti tal-effiċjenza enerġetika applikati;

—

jikkalkolaw il-kostijiet (jiġifieri l-valuri net attwali) tal-miżuri ta’ effiċjenza enerġetika (kif imsemmi fit-tieni inċiż) matul iċ-ċiklu skont kif stmat tal-ħajja ekonomika applikati għall-bini ta’ referenza (kif imsemmi fl-ewwel inċiż) bl-applikazzjoni tal-prinċipji tal-qafas metodoloġiku komparattiv.

Permezz tal-kalkolu tal-kostijiet tal-miżuri tal-effiċjenza enerġetika matul iċ-ċiklu skont kif stmat tal-ħajja ekonomika, tiġi kkalkolata l-kosteffettività ta’ livelli differenti ta’ rekwiżiti minimi tar-rendiment fl-użu tal-enerġija mill-Istati Membri. Dak ser jippermetti d-determinazzjoni tal-livelli kostottimali tar-rekwiżiti għar-rendiment fl-użu tal-enerġija.

ANNESS VIII Rekwiżiti għall-passaporti ta’ rinnovazzjoni equirements for renovation passports

ANNESS VIII

Rekwiżiti għall-passaporti ta’ rinnovazzjoni equirements for renovation passports

1. Il-passaport ta’ rinnovazzjoni għandu jinkludi:

(a)

informazzjoni dwar ir-rendiment attwali tal-bini fl-użu tal-enerġija;

(b)

rappreżentazzjoni grafika jew rappreżentazzjonijiet grafiċi tal-pjan direzzjonali u l-passi tiegħu għal rinnovazzjoni profonda fi stadji;

(c)

informazzjoni dwar ir-rekwiżiti nazzjonali rilevanti bħar-rekwiżiti minimi tar-rendiment tal-bini fl-użu tal-enerġija, l-istandards minimi tar-rendiment fl-użu tal-enerġija u r-regoli fl-Istat Membru dwar l-eliminazzjoni gradwali tal-fjuwils fossili użati fil-bini għat-tisħin u t-tkessiħ, inkluż id-dati tal-applikazzjoni;

(d)

spjegazzjoni konċiża dwar is-sekwenzjar ottimali tal-passi;

(e)

informazzjoni dwar kull pass, inkluż:

(i)

l-isem u d-deskrizzjoni tal-miżuri ta’ rinnovazzjoni għall-pass, inkluż l-għażliet rilevanti għat-teknoloġiji, it-tekniki u l-materjali li għandhom jintużaw;

(ii)

l-istima tal-enerġija ffrankata fil-konsum tal-enerġija primarja u finali, f’kWh u f’titjib perċentwali meta mqabbel mal-konsum tal-enerġija qabel il-pass;

(iii)

l-istima tat-tnaqqis fl-emissjonijiet ta’ gassijiet serra operattivi;

(iv)

l-istima tal-iffrankar fuq il-kont tal-enerġija, li jindika b’mod ċar is-suppożizzjonijiet dwar il-kostijiet tal-enerġija użati għall-kalkolu;

(v)

il-klassi stmata tar-rendiment fl-użu tal-enerġija taċ-ċertifikat tar-rendiment fl-użu tal-enerġija li għandha tinkiseb wara t-tlestija tal-pass;

(f)

informazzjoni dwar konnessjoni potenzjali ma’ sistema effiċjenti ta’ tisħin u tkessiħ distrettwali;

(g)

l-istima tas-sehem tal-ġenerazzjoni individwali jew kollettiva u l-awtokonsum tal-enerġija rinnovabbli li jinkiseb wara r-rinnovazzjoni;

(h)

informazzjoni ġenerali dwar l-għażliet disponibbli għat-titjib taċ-ċirkolarità tal-prodotti għall-bini u għat-tnaqqis tal-emissjonijiet ta’ gassijiet serra tul iċ-ċiklu tal-ħajja kollu tagħhom, kif ukoll benefiċċji usa’ relatati mas-saħħa u l-kumdità, il-kwalità ambjentali interna u l-kapaċità ta’ adattament imtejba tal-bini għat-tibdil fil-klima;

(i)

informazzjoni dwar il-finanzjament disponibbli u links għall-paġni web rilevanti li jindikaw is-sorsi ta’ tali finanzjament;

(j)

informazzjoni dwar pariri tekniċi u servizzi ta’ konsulenza, inkluż id-dettalji ta’ kuntatt u links għall-paġni web tal-punti uniċi ta’ servizz.

2. Il-passaport ta’ rinnovazzjoni jista’ jinkludi:

(a)

skeda ta’ żmien indikattiva tal-passi;

(b)

għal kull pass:

(i)

deskrizzjoni dettaljata tat-teknoloġiji, it-tekniki u l-materjali li għandhom jintużaw, il-vantaġġi, l-iżvantaġġi u l-kostijiet tagħhom;

(ii)

kif ir-rendiment tal-bini fl-użu tal-enerġija jitqabbel mar-rekwiżiti minimi tar-rendiment fl-użu tal-enerġija għal bini li jkun qed issirlu rinnovazzjoni maġġuri, ta’ bini b’użu ta’ kważi żero enerġija u ta’ bini b’emissjonijiet żero wara t-tlestija tal-pass u kif ir-rendiment fl-użu tal-enerġija tal-elementi tal-bini sostitwiti jitqabbel mar-rekwiżiti minimi tar-rendiment fl-użu tal-enerġija għal elementi ta’ bini wieħed [fejn dawn jeżistu];

(iii)

l-istima tal-kostijiet għat-twettiq tal-pass;

(iv)

l-istima taż-żmien għall-ħlas lura tal-pass, bi kwalunkwe appoġġ finanzjarju disponibbli jew le;

(v)

l-istima taż-żmien meħtieġ biex jitwettaq il-pass;

(vi)

fejn disponibbli, il-valuri ta’ referenza dwar l-emissjonijiet tal-gassijiet serra tul iċ-ċiklu tal-ħajja għall-materjali u t-tagħmir u link għall-paġna web rilevanti fejn jistgħu jinstabu;

(vii)

l-istima tat-tul ta’ ħajja tal-miżuri u l-istima tal-ispejjeż tagħhom;

(c)

moduli indipendenti dwar:

(i)

is-snajja’ tipiċi meħtieġa jew rakkomandati għat-twettiq ta’ rinnovazzjonijiet tal-enerġija (periti, konsulenti, kuntratturi, fornituri u installaturi, eċċ.) jew links għall-paġni web rilevanti;

(ii)

lista ta’ periti, konsulenti, kuntratturi, fornituri jew installaturi rilevanti fiż-żona, li tista’ tinkludi biss dawk li jissodisfaw ċerti kundizzjonijiet bħal tikketti jew kundizzjonijiet ta’ kwalifika ogħla jew ta’ ċertifikazzjoni korrispondenti, jew link web għall-paġna/i rilevanti;

(iii)

il-kundizzjonijiet tekniċi meħtieġa għal introduzzjoni ottimali tat-tisħin b’temperatura baxxa;

(iv)

kif il-passi ta’ rinnovazzjoni u l-miżuri addizzjonali jistgħu jtejbu l-potenzjal ta’ intelliġenza ta’ binja;

(v)

rekwiżiti tekniċi u ta’ sikurezza għall-materjali u x-xogħlijiet;

(vi)

is-suppożizzjonijiet sottostanti wara l-kalkoli pprovduti jew link għall-paġna web rilevanti fejn jistgħu jinstabu;

(d)

informazzjoni dwar l-aċċess għal verżjoni diġitali tal-passaport ta’ rinnovazzjoni;

(e)

kwalunkwe rinnovazzjoni maġġuri li ssir lill-bini jew lill-unità ta’ bini, kif imsemmi fl-Artikolu 8(1), u kwalunkwe modifika jew sostituzzjoni ta’ element tal-bini li jifforma parti mill-involukru tal-bini u li għandu impatt sinifikanti fuq ir-rendiment tal-involukru tal-bini fl-użu tal-enerġija, kif imsemmi fl-Artikolu 8(2), fejn tali informazzjoni ssir disponibbli lill-espert li jwettaq il-passaport ta’ rinnovazzjoni;

(f)

informazzjoni relatata mas-sikurezza siżmika, fejn tali informazzjoni rilevanti għall-bini tkun disponibbli għall-espert;

(g)

fuq talba tas-sid attwali tal-bini u abbażi ta’ informazzjoni li jagħmel disponibbli, dokument memuż li jkun fih informazzjoni addizzjonali, bħall-adattabbiltà tal-ispazji għall-ħtiġijiet li qed jevolvu u kwalunkwe rinnovazzjoni ppjanata.

3. Rigward l-istatus tal-bini qabel il-passi tar-rinnovazzjoni, il-passaport tar-rinnovazzjoni għandu jqis, sa fejn ikun possibbli, l-informazzjoni li tinsab fiċ-ċertifikat tar-rendiment fl-użu tal-enerġija.

4. Kull metrika użata għall-istima tal-impatt tal-passi għandha tkun ibbażata fuq sett ta’ kundizzjonijiet standard.

ANNESS IX

PARTI A

Direttiva mħassra flimkien ma’ lista bl-emendi suċċessivi tagħha

(imsemmija fl-Artikolu 36)

Id-Direttiva 2010/31/UE tal-Parlament Ewropew u tal-Kunsill

(ĠU L 153, 18.6.2010, p. 13)

Id-Direttiva (UE) 2018/844 tal-Parlament Ewropew u tal-Kunsill

(ĠU L 156, 19.6.2018, p. 75)

Artikolu 1 biss

Ir-Regolament (UE) 2018/1999 tal-Parlament Ewropew u tal-Kunsill

(ĠU L 328, 21.12.2018, p. 1)

Artikolu 53 biss

PARTI B

Limiti ta’ żmien għat-traspożizzjoni fil-liġi nazzjonali u d-dati ta applikazzjoni

(imsemmi fl-Artikolu 36)

Direttiva

Limitu ta’ żmien għat-traspożizzjoni

Data ta’ applikazzjoni

2010/31/UE

fid-9 ta’ Lulju 2012.

sa fejn huma kkonċernati l-Artikoli 2, 3, 9, 11, 12, 13, 17, 18, 20 u 27, id-9 ta’ Jannar 2013;

sa fejn huma kkonċernati l-Artikoli 4 sa 8, 14, 15 u 16, id-9 ta’ Jannar 2013 fir-rigward ta’ bini okkupat mill-awtoritajiet pubbliċi u d-9 ta’ Lulju 2013 fir-rigward ta’ bini ieħor

(UE) 2018/844

L-10 ta’ Marzu 2020

ANNESS X Tabella ta’ korrelazzjoni

ANNESS X

Tabella ta’ korrelazzjoni

Id-Direttiva 2010/31/UE	Din id-Direttiva
Artikolu 1	Artikolu 1
Artikolu 2, punt (1)	Artikolu 2, punt (1)
—	Artikolu 2, punt (2)
Artikolu 2, punt (2)	Artikolu 2, punt (3)
—	Artikolu 2, punti (5) u (6)
Artikolu 2, punti (3), (3a), (4) u (5)	Artikolu 2, punti (7) sa (10)
—	Artikolu 2, punti (12), (13) u (14)
Artikolu 2, punti (6), (7), (8) u (9)	Artikolu 2, punti (15) sa (18)
—	Artikolu 2, punti (19) sa (22)
Artikolu 2, punt (10)	Artikolu 2, punt (23)
—	Artikolu 2, punti (24) sa (29)
Artikolu 2, punti (11), (12), (13) u (14)	Artikolu 2, punti (30) sa (33)
—	Artikolu 2, punti (34), (37) sa (40) u (42)
Artikolu 2, punt (15)	Artikolu 2, punt (42)
Artikolu 2, punti (15), (15a), (15b), (15c), (16) u (17)	Artikolu 2, punti (43), (44), (47) sa (50)
Artikolu 2, punt (18)	—
Artikolu 2, punt (19)	Artikolu 2, punt (51)
—	Artikolu 2, punti (52) sa (64)
Artikolu 2, punt (20)	—
Artikolu 2a	Artikolu 3
Artikolu 3	Artikolu 4
Artikolu 4	Artikolu 5
Artikolu 5	Artikolu 6
Artikoli 6 u 9	Artikolu 7
Artikolu 7	Artikolu 8
—	Artikolu 9
—	Artikolu 12
Artikolu 8(1) u (9)	Artikolu 13
Artikolu 8(2) sa (8)	Artikolu 14
Artikolu 8(10) u (11)	Artikolu 15
—	Artikolu 16
Artikolu 10	Artikolu 17
Artikolu 11	Artikolu 19
Artikolu 12	Artikolu 20
Artikolu 13	Artikolu 21
—	Artikolu 22
Artikoli 14 u 15	Artikolu 23
Artikolu 16	Artikolu 24
Artikolu 17	Artikolu 25
—	Artikolu 26
Artikolu 18	Artikolu 27
Artikolu 19	Artikolu 28
Artikolu 19a	—
Artikolu 20	Artikolu 29
Artikolu 21	Artikolu 30
Artikolu 22	Artikolu 31
Artikolu 23	Artikolu 32
Artikolu 26	Artikolu 33
Artikolu 27	Artikolu 34
Artikolu 28	Artikolu 35
Artikolu 29	Artikolu 36
Artikolu 30	Artikolu 37
Artikolu 31	Artikolu 38
Anness I	Anness I
—	Anness II
—	Anness III
Anness IA	Anness IV
—	Anness V
Anness II	Anness VI
Anness III	Anness VII
Anness IV	Anness IX
Anness V	Anness X

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti
Sors	Rekwiżit

3. Standards relatati

Standards
Sors	Rekwiżit

Builddate: 24.05.2026 00:00:00 -Doknr: CELEX:32024L1275
EULAW -
European Regulation published on http://eur-lex.europa.eu/