Linji Gwida tal-EBA dwar l-ispeċifikazzjoni ta’ miżuri biex jitnaqqsu jew jitneħħew l-impedimenti għar-riżolvibbiltà u ċ-ċirkostanzi li fihom kull miżura tista’ tiġi applikata

Dan id-dokument fih linji gwida maħruġa skont l-Artikolu 16 tar-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (‘ir-Regolament tal-EBA’). Skont l-Artikolu 16(3) tar-Regolament tal-EBA, l-awtoritajiet kompetenti u l-istituzzjonijiet finanzjarji għandhom jagħmlu kull sforz biex jikkonformaw mal-linji gwida.

Il-linji gwida jistabbilixxu l-opinjoni tal-EBA dwar il-prattiki superviżorji xierqa fis-Sistema Ewropea tas-Superviżuri Finanzjarji jew dwar kif il-liġi tal-Unjoni għandha tiġi applikata f’qasam partikolari. L-EBA għalhekk tistenna li l-awtoritajiet kompetenti u l-istituzzjonijiet finanzjarji kollha li lejhom huma indirizzati l-linji gwida jikkonformaw mal-linji gwida. L-awtoritajiet kompetenti li għalihom japplikaw il-linji gwida għandhom jikkonformaw billi jinkorporawhom fil-prattiki superviżorji tagħhom kif xieraq (eż. billi jemendaw il-qafas legali tagħhom jew il-proċessi superviżorji tagħhom), inkluż fejn il-linji gwida huma indirizzati primarjament lejn l-istituzzjonijiet.

Skont l-Artikolu 16(3) tar-Regolament tal-EBA, l-awtoritajiet kompetenti għandhom jinnotifikaw lill-EBA jekk jikkonformawx jew jekk ikunux biħsiebhom jikkonformaw ma’ dawn il-linji gwida, jew inkella jagħtu r-raġunijiet għan-nuqqas ta’ konformità, sas-20.02.2015. Fin-nuqqas ta’ kwalunkwe notifika sa din l-iskadenza, l-awtoritajiet kompetenti jitqiesu mill-EBA li mhumiex konformi. In-notifiki għandhom jintbagħtu billi tiġi sottomessa l-formola pprovduta fit-Taqsima 5 lil compliance@eba.europa.eu bir-referenza ‘EBA/GL/2014/11’. In-notifiki għandhom jiġu sottomessi minn persuni b’awtorità xierqa li jirrapportaw il-konformità f’isem l-awtoritajiet kompetenti tagħhom.

In-notifiki se jiġu ppubblikati fuq il-websajt tal-EBA, f’konformità mal-Artikolu 16(3).

Titolu I - Suġġett, ambitu u definizzjonijiet

Titolu II - Speċifikazzjonijiet li japplikaw għall-miżuri kollha

Titolu III- Dettalji u ċirkostanzi rigward miżuri speċifiċi

Dawn il-Linji Gwida japplikaw mill-1 ta’ April 2015.

Il-Linji Gwida għandhom jiġu riveduti sat-30 ta’ Ġunju 2016.