5.2.5 Riżorsi tekniċi

F’termini ta’ infrastruttura teknika adegwata, l - istituzzjonijiet ta’ kreditu għandhom jiżguraw li d - data kollha relatata mal - NPIs tinħażen ċentralment f’sistemi tal - IT robusti u siguri u li jkunu kompluti u aġġornati matul il - proċess ta’ ristrutturazzjoni tal - NPE.

Infrastruttura teknika adegwata għandha tippermetti li l - NPE WUs:

• a) Ikollhom aċċess għad - data u d - dokumentazzjoni kollha rilevanti, inklużi:
• i. l - NPE attwali u l - informazzjoni dwar il - mutwatarju bikri tal - arretrati, inklużi n - notifiki awtomatizzati;
• ii. informazzjoni dwar l - iskopertura, il - kollateral u l - garanzija marbuta mal - mutwatarju jew il - klijenti konnessi;
• iii. għodod ta’ monitoraġġ bil - kapaċitajiet tal - IT biex jintraċċaw il - prestazzjoni u l - effettività tat - tolleranza;
• iv. status tal - attivitajiet ta’ ristrutturazzjoni u l - interazzjoni tal - mutwatarju, kif ukoll dettalji dwar il - miżuri ta’ tolleranza miftiehma;
• v. assi preklużi, fejn rilevanti;
• vi. fluss tal - flus intraċċat tas - self u l - kollateral;
• vii. sorsi ta’ informazzjoni sottostanti u dokumentazzjoni sottostanti sħiħa;
• viii. fejn rilevanti, aċċess għar - reġistri ċentrali tal - kreditu, ir - reġistri tal - artijiet u sorsi oħra ta’ data esterna.
• b) Jipproċessaw u jimmonitorjaw b’mod effiċjenti l - attivitajiet ta’ ristrutturazzjoni tal - NPE, inklużi:
• i. flussi tax - xogħol awtomatizzati matul iċ - ċiklu tal - ħajja kollu tal - NPE;
• ii. proċess ta’ monitoraġġ awtomatizzat għall - istatus ta’ self, bl - iżgurar ta’ mmarkar korrett tal - NPEs u FBEs;
• iii. sinjali ta’ twissija inkorporati;
• iv. rapportar kwantitattiv awtomatizzat matul iċ - ċiklu tal - ħajja tal - organizzar tal - NPE bħala bażi għall - analiżi li trid tingħata lill - ġestjoni tal - NPE WU, lill - korp maniġerjali u lil maniġers rilevanti oħrajn, kif ukoll lir - regolatur;
• v. analiżi tal - prestazzjoni tal - attivitajiet ta’ ristrutturazzjoni mill - NPE WUs, subtimijiet u esperti (eż. kura/ rata ta’ suċċess, informazzjoni ta’ qlib, effikaċja tal - għażliet ta’ ristrutturar offruti, rata ta’ ġbir ta’ flus, analiżijiet inizjali tar - rati ta’ kura, wegħdiet miżmuma f’call centre, eċċ.);
• vi. monitoraġġ tal - evoluzzjoni tal - portafolli, is - sottoportafolli, il - koorti u l - mutwatarji individwali.
• c) Jiddefinixxu, janaliżaw u jkejlu l - NPEs u l - mutwatarji relatati:
• i. rikonoxximent tal - NPEs u kejl tal - indebolimenti;
• ii. twettiq ta’ analiżijiet xierqa tal - NPE dwar il - portafoll u jaħżen ir - riżultati għal kull mutwatarju;
• iii. appoġġ tal - valutazzjoni tad - data personali, il - pożizzjoni finanzjarja u l - kapaċità ta’ ripagament tal - mutwatarju, tal - inqas għall - mutwatarji mhux kumplessi;
• iv. twettieq tal - kalkoli ta’ (i) il - valur preżenti nett u (ii) l - impatt fuq il - pożizzjoni tal - kapital tal - istituzzjoni ta’ kreditu għal kull għażla ta’ ristrutturar u/jew kwalunkwe pjan ta’ ristrutturar probabbli skont kwalunkwe leġiżlazzjoni rilevanti (eż. il - liġi dwar il - preklużjoni, il - liġi dwar l - insolvenza) għal kull mutwatarju.

L- adegwatezza tal - infrastruttura teknika, inkluża l - kwalità tad - data, għandha tiġi vvalutata minn funzjoni tal - awditjar indipendenti interna jew esterna fuq bażi regolari.