Taqsima I. Valutazzjoni tal - “kapaċità ta’ rkupru speċifika għax - xenarju”

Sabiex jivvalutaw il - “kapaċità ta’ rkupru speċifika għax - xenarju” pprovduta mill - istituzzjonijiet taħt kull stress makroekonomiku u finanzjarju serju, l - awtoritajiet kompetenti għandhom jirrevedu l - adegwatezza ġenerali tax - xenarji mressqa mill - istituzzjonijiet f’konformità mal - Artikolu 5(6) u l - Artikolu 7(6) tad - Direttiva 2014/59 kif speċifikat fil - Linji Gwida tal - EBA dwar il - firxa ta’ xenarji li għandhom jintużaw fil - pjanijiet ta’ rkupru⁸ u f’konformità mat - Titolu 4 ta’ dawn il-linji gwida.

⁸ EBA/LG/2014/06 tat - 18 ta’ Lulju 2014.

B’mod partikolari, l - awtoritajiet kompetenti għandhom jivvalutaw jekk ix - xenarji humiex severi biżżejjed fir - rigward tal - kriterji definiti fil - paragrafu 20 . Fil- każ ta' eċċezzjoni skont il - paragrafu 2 1 , l - awtoritajiet kompetenti għandhom jivvalutaw l - ispjegazzjoni dettaljata pprovduta mill - istituzzjonijiet (biex xorta jikkunsidraw xenarju bħal dan sever biżżejjed) u jiddeċiedu jekk is - severità tax - xenarju hijiex suffiċjenti meta wieħed iqis, fost l - oħrajn, il - profil tar - riskju ġenerali tal - istituzzjonijiet. F’każijiet fejn l - awtoritajiet kompetenti jqisu li x - xenarju previst mill - istituzzjonijiet mhuwiex sever biżżejjed, huma jistgħu jirrikjedu li l - istituzzjonijiet, fejn xieraq, jagħmlu aġġustamenti, inkluża s - sottomissjoni mill - ġdid tal - pjan ta’ rkupru bħala riżultat tal - valutazzjoni tan - nuqqasijiet materjali f’konformità mal - Artikolu 6 tad - Direttiva 2014/59/UE. L - awtoritajiet kompetenti ma għandhomx iqisu l - “kapaċità ta’ rkupru speċifika għax - xenarju” tal - istituzzjonijiet ibbażata fuq xenarju bħal dan meta jivvalutaw l - ORC.

L- awtoritajiet kompetenti għandhom jivvalutaw il - kredibbiltà u l - fattibbiltà, inkluż il - perjodu ta’ żmien, l - impatti u kwalunkwe fattur restrittiv tal - għażliet ta’ rkupru magħżula mill - istituzzjonijiet u għandhom jisfidaw, fil - kuntest tal - istress makroekonomiku u finanzjarju sever, il- punt sa fejn l - istituzzjonijiet ikunu kapaċi jirrestawraw il - vijabbiltà u l - pożizzjoni finanzjarja tagħhom.

L- awtoritajiet kompetenti għandhom jirrieżaminaw, fejn xieraq u fattibbli, il - valutazzjoni u l - kalkolu mwettqa mill - istituzzjonijiet li jkopru b’mod partikolari l - oqsma li ġejjin:

• a. il- fattibbiltà/il - probabbiltà li opzjoni ta’ rkupru tiġi implimentata b’suċċess, inkluż billi tiġi rieżaminata l - fattibbiltà tal - għażliet ta’ rkupru fejn dawn ikunu preżunti li mhumiex realistiċi jew ma jkunux xprunati minn valutazzjoni xierqa f’konformità mal - paragrafi 16 sa 1 8;
• b. il- perjodu ta’ żmien għall - implimentazzjoni tal - għażliet ta’ rkupru, inkluż billi jittawwal il - perjodu ta’ żmien mistenni għall - implimentazzjoni tagħhom jekk il - valutazzjoni tal - istituzzjoni titqies mhux realistika. F’każijiet fejn il - perjodu ta’ żmien tal - għażliet ta’ rkupru jaqbeż il - perjodu ta’ żmien kif definit fil - paragrafu 2 4 , huma biss l - effetti osservati fil - perjodi ta’ żmien rilevanti li għandhom jiġu kkunsidrati għall - valutazzjoni tal - ORC mill - awtorità kompetenti;
• c. valutazzjoni tal - impatt kwantitattiv tal - għażliet ta’ rkupru, inkluż billi l - impatt jiġi aġġustat ’l isfel jew billi jiġu applikati haircuts għall - kwantifikazzjoni pprovduta mill - istituzzjonijiet fejn l - impatt probabbli tal - għażliet ta’ rkupru ma jkunx ibbażat fuq suppożizzjonijiet u kwantifikazzjonijiet realistiċi u plawżibbli;
• d. fatturi ta’ restrizzjoni addizzjonali relatati mal - implimentazzjoni simultanja jew sekwenzjali tal - għażliet ta’ rkupru, kif speċifikat fil - paragrafu 29, inkluż billi jitneħħa jew jiġi aġġustat l - impatt ta’ għażliet speċifiċi ’l isfel fejn tiġi identifikata interkonnessjoni bejn xi wħud minnhom, filwaqt li tingħata prijorità, fost l - oħrajn, lill - għażliet bl - ogħla livell ta’ fattibbiltà u/jew bl - aktar impatt materjali fil - perjodu ta’ implimentazzjoni partikolari.

L- awtoritajiet kompetenti għandhom iqisu, fejn xieraq u disponibbli, l - analiżi tal - grupp ta’ pari sabiex jiffaċilitaw fost affarijiet oħra:

• a. tqabbil transistituzzjonali tat - tip ta’ għażliet ta’ rkupru li għandhom jiġu implimentati taħt ix - xenarji differenti, u b’hekk jiġi identifikat jekk xi tipi speċifiċi ta’ għażliet ġewx maqbuża minn istituzzjoni;
• b. tqabbil tal - grupp ta’ pari tal - impatt finanzjarju mistenni minn kull tip ta’ għażla ta’ rkupru f’xenarji ta’ stress differenti;
• c. tqabbil transistituzzjonali taż - żmien mistenni meħtieġ biex tiġi implimentata għażla ta’ rkupru u biex jiġu rrealizzati l - benefiċċji tagħha;
• d. tqabbil transistituzzjonali tal - impedimenti mistennija u l - miżuri preparatorji għal kull tip ta’ għażla ta’ rkupru.