+Artikolu 164 Telf fil-każ ta’ inadempjenza (LGD)
---+Artikolu 164 1.
---+Artikolu 164 2.
---+Artikolu 164 4.
---+Artikolu 164 4a.
---+Artikolu 164 5.
---+Artikolu 164 6.
---+Artikolu 164 7.
---+Artikolu 164 8.
---+Artikolu 164 9.
---+Artikolu 164 10.
|
Artikolu 164 Telf fil-każ ta’ inadempjenza (LGD)
-
1. Ħarsa ġenerali
| Titlu |
Regolamentazzjoni |
|
Artikolu 164 1.
|
L-istituzzjonijiet għandhom jipprovdu l-istimi proprji tal-LGD soġġett għar-rekwiżiti speċifikati fit-Taqsima 6 ta' dan il-Kapitolu u għall-permess tal-awtoritajiet kompetenti mogħti f'konformità mal-Artikolu 143. Għar-riskju ta' dilwizzjoni ta' riċevibbli mixtrija, għandu jintuża valur tal-LGD ta' 100 %. Meta istituzzjoni tkun tista' tiddekomponi l-istimi tat-telf mistenni tagħha għar-riskju ta' dilwizzjoni tar-riċevibbli mixtrija f'PDs u f'LGDs b'mod affidabbli, l-istituzzjoni tista' tuża l-istimi proprji tagħha tal-LGD.
|
|
Artikolu 164 2.
|
L-istituzzjonijiet li jużaw l-istimi proprji tal-LGD skont l-Artikolu 143 għal skoperturi diretti komparabbli għall-fornitur tal-protezzjoni jistgħu jirrikonoxxu l-protezzjoni ta' kreditu mhux iffinanzjata fl-LGD f'konformità mal-Artikolu 183.
|
|
Artikolu 164 4.
|
Għall-fini uniku tal-kalkolu tal-ammonti tal-iskopertura ponderati għar-riskju u tal-ammonti ta' telf mistenni għall-iskoperturi fil-livell tal-konsumatur, u b'mod partikolari skont l-Artikolu 154(1), il-punt (ii), l-Artikolu 157, u l-Artikolu 158(1), (5) u (10), il-valuri tal-LGD għal kull skopertura li tintuża bħala input tal-formuli tal-ammont tal-iskopertura ponderat għar-riskju u tat-telf mistenni ma għandhomx ikunu inqas mill-valuri minimi tal-input tal-LGD stabbiliti fit-Tabella 1, ikkalkulati f'konformità mal-paragrafu 4a ta' dan l-Artikolu:
Tabella 1
|
Minimi tal-input tal-LGD (LGDfloor) għall-iskoperturi fil-livell tal-konsumatur
|
|
Skopertura mingħajr FCP (LGDU-floor)
|
Skopertura ggarantita permezz ta' FCP (LGDS-floor)
|
|
Skopertura fil-livell tal-konsumatur iggarantita permezz ta' proprjetà residenzjali
|
M/A
|
Skopertura fil-livell tal-konsumatur iggarantita permezz ta' proprjetà residenzjali
|
5 %
|
|
QRRE
|
50 %
|
QRRE
|
M/A
|
|
Skopertura oħra fil-livell tal-konsumatur
|
30 %
|
Skopertura oħra fil-livell tal-konsumatur iggarantita permezz ta' kollateral finanzjarju
|
0 %
|
|
Skopertura oħra fil-livell tal-konsumatur iggarantita permezz ta' riċevibbli
|
10 %
|
|
Skopertura oħra fil-livell tal-konsumatur iggarantita permezz ta' proprjetà immobbli residenzjali jew kummerċjali
|
10 %
|
|
Skopertura oħra fil-livell tal-konsumatur iggarantita permezz ta' kollateral fiżiku ieħor
|
15 %
|
|
|
Artikolu 164 4a.
|
Għall-finijiet tal-paragrafu 4, għandu japplika dan li ġej:
a)
il-minimi tal-input tal-LGD fil-paragrafu 4, it-Tabella 1 għandhom ikunu applikabbli għal skoperturi ggarantiti permezz ta' protezzjoni ta' kreditu ffinanzjata meta l-protezzjoni ta' kreditu ffinanzjata tkun eliġibbli skont dan il-Kapitolu;
(b)
ħlief għall-iskoperturi fil-livell tal-konsumatur iggarantiti permezz ta' proprjetà residenzjali, il-minimi tal-input tal-LGD fil-paragrafu 4, it-Tabella 1, ta' dan l-Artikolu għandhom ikunu applikabbli għal skoperturi ggarantiti bis-sħiħ permezz ta' protezzjoni ta' kreditu ffinanzjata meta l-valur tal-FCP, wara l-applikazzjoni tal-aġġustamenti għall-volatilità rilevanti f'konformità mal-Artikolu 230, ikun daqs jew akbar mill-valur tal-iskopertura tal-iskopertura sottostanti; għall-fini tal-applikazzjoni tal-aġġustamenti relatati rilevanti, Hc u Hfx, f'konformità mal-Artikolu 230, il-protezzjoni ta' kreditu ffinanzjata għandha tkun eliġibbli skont dan il-Kapitolu;
(c)
ħlief għall-iskoperturi fil-livell tal-konsumatur iggarantiti permezz ta' proprjetà residenzjali, il-minimu applikabbli tal-input tal-LGD għal skopertura parzjalment iggarantita permezz ta' protezzjoni ta' kreditu ffinanzjata jiġi kkalkulat f'konformità mal-formula stabbilita fl-Artikolu 161(6);
(d)
għal skoperturi fil-livell tal-konsumatur iggarantiti permezz ta' proprjetà residenzjali, il-minimu applikabbli tal-input tal-LGD għandu jiġi ffissat għal 5 % irrispettivament mil-livell ta' kollateral ipprovdut mill-proprjetà residenzjali.
|
|
Artikolu 164 5.
|
L-Istati Membri għandhom jiddeżinjaw awtorità li tkun responsabbli għall-applikazzjoni tal-paragrafu 6. Dik l-awtorità għandha tkun l-awtorità kompetenti jew l-awtorità deżinjata. Fejn l-awtorità deżinjata minn Stat Membru għall-applikazzjoni ta' dan l-Artikolu hija l-awtorità kompetenti, l-awtorità kompetenti għandha tiżgura li l-korpi u l-awtoritajiet nazzjonali rilevanti li jkollhom mandat makroprudenzjali jiġu infurmati kif dovut bl-intenzjoni tal-awtorità kompetenti li tagħmel użu minn dan l-Artikolu, u jiġu involuti kif jixraq fil-valutazzjoni ta' tħassib ta' stabbiltà finanzjarja fl-Istat Membru tagħha f'konformità mal-paragrafu 6. Fejn l-awtorità deżinjata mill-Istat Membru għall-applikazzjoni ta' dan l-Artikolu hija differenti mill-awtorità kompetenti, l-Istati Membru għandu jadottaw id-dispożizzjonijiet meħtieġa biex jiżguraw koordinazzjoni u skambju ta' informazzjoni xierqa bejn l-awtorità kompetenti u l-awtorità deżinjata għall-applikazzjoni xierqa ta' dan l-Artikolu. B'mod partikolari, l-awtoritajiet għandhom jintalbu jikkooperaw mill-qrib u li jikkondividu l-informazzjoni kollha li tista' tkun neċessarja għall-prestazzjoni xierqa tad-dmirijiet imposti fuq l-awtorità deżinjata skont dan l-Artikolu. Dik il-kooperazzjoni għandha timmira li tevita kwalunkwe forma ta' azzjoni duplikata jew inkonsistenti bejn l-awtorità kompetenti u l-awtorità deżinjata, kif ukoll li jkun żgurat li l-interazzjoni ma' miżuri oħra, b'mod partikolari miżuri meħuda skont l-Artikolu 458 ta' dan ir-Regolament u l-Artikolu 133 tad-Direttiva 2013/36/UE, titqies kif jixraq.
|
|
Artikolu 164 6.
|
Abbażi tad-data miġbura skont l-Artikolu 430a u ta' kwalunkwe indikatur rilevanti ieħor, u filwaqt li tqis l-iżviluppi prospettivi tas-suq tal-proprjetà immobbli, l-awtorità maħturaf'konformità mal-paragrafu 5 ta' dan l-Artikolu għandha perjodikament, u mill-inqas b'mod annwali, tivvaluta jekk il-valuri minimi tal-input tal-LGD imsemmija fil-paragrafu 4 ta' dan l-Artikolu humiex adatti għal skoperturi fil-livell tal-konsumatur iggarantiti permezz ta' proprjetà residenzjali jew skoperturi oħra fil-livell tal-konsumatur iggarantiti permezz ta' proprjetà residenzjali jew proprjetà immobbli kummerċjali li jinsabu f'parti waħda jew aktar mit-territorju tal-Istat Membru ta’ dik l-awtorità. Meta, abbażi tal-valutazzjoni msemmija fl-ewwel subparagrafu ta' dan il-paragrafu, l-awtorità maħtura f'konformità mal-paragrafu 5 tikkonkludi li l-valuri minimi tal-input tal-LGD imsemmija fil-paragrafu 4 mhumiex adegwati, u jekk tqis li l-inadegwatezza tal-valuri minimi tal-input tal-LGD tista' taffettwa b'mod negattiv l-istabbiltà finanzjarja attwali jew futura fl-Istat Membru tagħha, din tista' tiffissa valuri minimi tal-input tal-LGD ogħla għal dawk l-iskoperturi li jkunu jinsabu f'parti waħda jew aktar mit-territorju tal-Istat Membru ta’ dik l-awtorità. Dawk il-valuri minimi tal-input tal-LGD ogħla jistgħu jiġu applikati wkoll fil-livell ta' segment wieħed jew aktar ta' proprjetà ta' tali skoperturi. L-awtorità maħtura f'konformità mal-paragrafu 5 għandha tinnotifika lill-EBA u lill-BERS qabel tieħu d-deċiżjoni msemmija fit-tieni subparagrafu ta' dan il-paragrafu. Fi żmien xahar minn meta jirċievu dik in-notifika, l-EBA u l-BERS għandhom jagħtu l-opinjoni tagħhom lill-Istat Membru kkonċernat. L-EBA u l-BERS għandhom jippubblikaw l-ogħla valuri minimi tal-input tal-LGD imsemmija fit-tieni subparagrafu ta' dan il-paragrafu.
|
|
Artikolu 164 7.
|
Meta l-awtorità maħtura f'konformità mal-paragrafu 5 tistabbilixxi valuri minimi tal-input tal-LGD ogħla skont il-paragrafu 6, l-istituzzjonijiet għandu jkollhom perjodu tranżitorju ta' sitt xhur biex japplikawhom.
|
|
Artikolu 164 8.
|
L-ABE, f'kooperazzjoni mill-qrib mal-BERS, għandha tiżviluppa abbozz ta' standards tekniċi regolatorji biex tispeċifika l-kondizzjonijiet li l-awtorità deżinjata skont il-paragrafu 5 għandha tqis meta ssir il-valutazzjoni tal-adegwatezza tal-valuri tal-LGD bħala parti mill-valutazzjoni msemmija fil-paragrafu 6. L-ABE għandha tippreżenta dak l-abbozz ta' standards tekniċi regolatorji lill-Kummissjoni sal-31 ta' Diċembru 2019. Is-setgħa hija delegata lill-Kummissjoni biex tissupplimenta lil dan ir-Regolament billi tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1093/2010.
|
|
Artikolu 164 9.
|
Il-BERS jista', permezz ta' rakkomandazzjonijiet skont l-Artikolu 16 tar-Regolament (UE) Nru 1092/2010, u f'kooperazzjoni mill-qrib mal-ABE, jagħti gwida lill-awtoritajiet deżinjati skont il-paragrafu 5 ta' dan l-Artikolu dwar dan li ġej:
(a)
liema fatturi jista' jkollhom “effett negattiv fuq l-istabbiltà finanzjarja attwali jew futura” msemmija fil-paragrafu 6; u
(b)
punti ta' riferiment indikattivi li l-awtorità deżinjata skont il-paragrafu 5 għandha tqis meta tiddetermina valuri minimi tal-LGD ogħla.
|
|
Artikolu 164 10.
|
L-istituzzjonijiet ta' Stat Membru wieħed għandhom japplikaw il-valuri minimi tal-LGD ogħla li jkunu ġew determinati mill-awtoritajiet ta' Stat Membru ieħor skont il-paragrafu 6 għall-iskoperturi korrispondenti kollha tagħhom garantiti permezz ta' ipoteki fuq proprjetà residenzjali jew proprjetà immobbli kummerċjali li jinsabu f'parti jew aktar ta' dak l-Istat Membru.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 01.01.2027 00:00:00 -Doknr: CELEX:32013R0575
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|