+Artikolu 325 Approċċi għall-kalkolu tar-rekwiżiti ta' fondi proprji għar-riskju tas-suq
---+Artikolu 325 1.
---+Artikolu 325 2.
---+Artikolu 325 3.
---+Artikolu 325 4.
---+Artikolu 325 5.
---+Artikolu 325 6.
---+Artikolu 325 7.
---+Artikolu 325 8.
---+Artikolu 325 9.

Artikolu 325 Approċċi għall-kalkolu tar-rekwiżiti ta' fondi proprji għar-riskju tas-suq

-

1. Ħarsa ġenerali

,
Artikolu 325 1.

Istituzzjoni għandha tikkalkula r-rekwiżiti ta' fondi proprji għar-riskji tas-suq ta' kull pożizzjoni fil-portafoll tan-negozjar u kull pożizzjoni fil-portafoll mhux tan-negozjar li huma soġġetti għal riskju tal-kambju jew riskju tal-komoditajiet f'konformità mal-approċċi li ġejjin:

(a) 

l-approċċ standardizzat alternattiv stabbilit fil-Kapitolu 1a;

(b) 

l-approċċ tal-mudell intern alternattiv stabbilit fil-Kapitolu 1b għal dawk il-pożizzjonijiet assenjati lill-postijiet tan-negozjar li għalihom l-istituzzjoni tkun ingħatat permess mill-awtorità kompetenti tagħha biex tuża dak l-approċċ alternattiv kif stabbilit fl-Artikolu 325az(1);

(c) 

l-approċċ standardizzat simplifikat imsemmi fil-paragrafu 2 ta' dan l-Artikolu, dment li l-istituzzjoni tissodisfa l-kundizzjonijiet stabbiliti fl-Artikolu 325a(1).

B'deroga mill-ewwel subparagrafu, istituzzjoni ma għandhiex tikkalkula rekwiżiti ta' fondi proprji għar-riskju tal-kambju għal pożizzjonijiet tal-portafoll tan-negozjar u għal pożizzjonijiet tal-portafoll mhux tan-negozjar li huma soġġetti għal riskju tal-kambju meta dawk il-pożizzjonijiet jitnaqqsu mill-fondi proprji tal-istituzzjoni. L-istituzzjoni għandha tiddokumenta l-użu tagħha tad-deroga stabbilita f'dan is-subparagrafu, inkluż l-impatt u l-materjalità tagħha, u tqiegħed l-informazzjoni disponibbli, fuq talba, għall-awtorità kompetenti tagħha.
Artikolu 325 2.

Ir-rekwiżiti ta' fondi proprji għar-riskju tas-suq ikkalkuolati f'konformità mal-approċċ standardizzat simplifikat għandhom ikunu s-somma tar-rekwiżiti ta' fondi proprji li ġejjin, kif ikun applikabbli:

(a) 

ir-rekwiżiti ta' fondi proprji għar-riskju fil-pożizzjonijiet imsemmija fil-Kapitolu 2, immoltiplikati bi:

(i) 

1,3 , għar-riskji ġenerali u speċifiċi tal-pożizzjonijiet fl-istrumenti ta' dejn, esklużi l-istrumenti ta' titolizzazzjoni kif imsemmija fl-Artikolu 337;

(ii) 

3,5 , għar-riskji ġenerali u speċifiċi ta' pożizzjonijiet fi strumenti azzjonarji;

(b) 

ir-rekwiżiti ta' fondi proprji għar-riskju tal-kambju msemmi fil-Kapitolu 3, immoltiplikati b'1,2 ;

(c) 

ir-rekwiżiti ta' fondi proprji għar-riskju tal-komoditajiet imsemmija fil-Kapitolu 4, immoltiplikati b'1,9 ;

(d) 

ir-rekwiżiti ta' fondi proprji għall-istrumenti ta' titolizzazzjoni kif imsemmija fl-Artikolu 337.
Artikolu 325 3.
Istituzzjoni li tuża l-approċċ tal-mudell intern alternattiv imsemmi fil-paragrafu 1, il-punt (b), ta' dan l-Artikolu sabiex tikkalkula r-rekwiżiti ta' fondi proprji għar-riskju tas-suq ta' pożizzjonijiet tal-portafoll tan-negozjar u ta' pożizzjonijiet tal-portafoll mhux tan-negozjar li huma soġġetti għal riskju tal-kambju jew għal riskju tal-komoditajiet għandha tirrapporta lill-awtorità kompetenti tagħha l-kalkolu ta' kull xahar tar-rekwiżiti ta' fondi proprji għar-riskju tas-suq bl-użu tal-approċċ standardizzat alternattiv imsemmi fil-paragrafu 1, il-punt (a), ta' dan l-Artikolu għal kull post tan-negozjar li lilu jkunu ġew assenjati dawk il-pożizzjonijiet f'konformità mal-Artikolu 104b.
Artikolu 325 4.
Istituzzjoni tista' tuża kombinazzjoni tal-approċċ standardizzat alternattiv imsemmi fil-paragrafu 1, il-punt (a), ta' dan l-Artikolu u l-approċċ tal-mudell intern alternattiv imsemmi fil-paragrafu 1, il-punt (b), ta' dan l-Artikolu fuq bażi permanenti, dment li r-rekwiżiti ta' fondi proprji totali għar-riskju tas-suq ikkalkulati bl-użu tal-approċċ tal-mudell intern alternattiv jirrappreżentaw mill-inqas 10 % tar-rekwiżiti ta' fondi proprji totali għar-riskju tas-suq. Fuq bażi individwali, istituzzjoni ma għandha tuża l-ebda wieħed minn dawk l-approċċi kkombinat mal-approċċ standardizzat simplifikat imsemmi fil-paragrafu 1, il-punt (c), ta' dan l-Artikolu. Fil-livell konsolidat, istituzzjoni tista' tuża kombinazzjoni ta' dawk it-tliet approċċi sabiex tikkalkula r-rekwiżiti ta' fondi proprji għar-riskju tas-suq f'konformità mal-Artikolu 325b(4), il-punt (b), dment li l-approċċ standardizzat simplifikat ma jintużax flimkien maż-żewġ approċċi l-oħra f'entità ġuridika waħda.
Artikolu 325 5.
Istituzzjoni ma għandhiex tuża l-approċċ tal-mudell intern alternattiv imsemmi fil-paragrafu 1, il-punt (b), għal strumenti fil-portafoll tan-negozjar tagħha li huma pożizzjonijiet ta' titolizzazzjoni jew pożizzjonijiet inklużi fil-portafoll tan-negozjar ta' korrelazzjoni alternattiv (ACTP) stabbilit fil-paragrafi 6, 7 u 8.
Artikolu 325 6.

Il-pożizzjonijiet ta' titolizzazzjoni u d-derivattivi ta' kreditu n-eżmu inadempjenti li jissodisfaw il-kriterji kollha li ġejjin għandhom jiġu inklużi fl-ACTP:

(a) 

il-pożizzjonijiet la jkunu pożizzjonijiet ta' rititolizzazzjoni, la opzjonijiet fuq segment ta' titolizzazzjoni, u lanqas xi derivati oħra ta' skoperturi ta' titolizzazzjoni li ma jipprovdux sehem pro rata fir-rikavat ta' segment ta' titolizzazzjoni;

(b) 

l-istrumenti sottostanti kollha tagħhom huma:

(i) 

strumenti b'isem wieħed, inklużi derivattivi ta' kreditu b'isem wieħed, li għalihom ikun jeżisti suq likwidu bidirezzjonali;

(ii) 

indiċijiet negozjati spiss ibbażati fuq l-istrumenti msemmija fil-punt (i).

Suq bidirezzjonali jitqies li jeżisti meta jkun hemm offerti bona fide indipendenti għax-xiri u l-bejgħ b'tali mod li prezz relatat li hu raġonevolment relatat mal-aħħar prezz ta' bejgħ jew offerta kompetittiva bona fide kurrenti u kwotazzjonijiet tal-offerti jkunu jistgħu jiġu determinati fi żmien ġurnata u saldati b'dak il-prezz fi żmien relattivament qasir b'konformità mal-prattika tan-negozjar.
Artikolu 325 7.

Il-pożizzjonijiet bi kwalunkwe wieħed mill-istrumenti li ġejjin ma għandhomx jiġu inklużi fl-ACTP:

(a) 

l-istrumenti sottostanti li huma assenjati lill-klassijiet ta' skopertura msemmija fil-punt (h) jew (i) tal-Artikolu 112;

(b) 

pretensjoni fuq entità bi skop speċjali, ikkollateralizzata direttament jew indirettament, b'pożizzjoni, f'konformità mal-paragrafu 6, li hija nnifisha ma tkunx eliġibbli għal inklużjoni fl-ACTP.
Artikolu 325 8.
Fil-pożizzjonijiet tal-ACTP, l-istituzzjonijiet jistgħu jinkludu pożizzjonijiet li la huma pożizzjonijiet ta' titolizzazzjoni u lanqas derivattivi ta' kreditu n-eżmu inadempjenti iżda li jiħħeġġjaw pożizzjonijiet oħra f'dak il-portafoll, sakemm jeżisti suq bidirezzjonali likwidu kif deskritt fit-tieni subparagrafu tal-paragrafu 6 għall-istrument jew l-istrumenti sottostanti tiegħu.
Artikolu 325 9.
L-EBA għandha tiżviluppa abbozzi ta' standards tekniċi regolatorji sabiex tispeċifika kif l-istituzzjonijiet għandhom jikkalkulaw ir-rekwiżiti ta' fondi proprji għar-riskju tas-suq għal pożizzjonijiet tal-portafoll mhux tan-negozjar li huma soġġetti għal riskju tal-kambju jew għal riskju tal-komoditajiet f'konformità mal-approċċi stabbiliti fil-paragrafu 1, il-punti (a) u (b) ta' dan l-Artikolu, b'kunsiderazzjoni tar-rekwiżiti stabbiliti fl-Artikolu 104b(5) u (6), fejn applikabbli.

L-EBA għandha tippreżenta dawk l-abbozzi ta' standards tekniċi regolatorji lill-Kummissjoni sal-10 ta’ Lulju 2025.

Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta' dan il-paragrafu f'konformità mal-Artikoli 10 sa 14 tar-Regolament (UE) Nru 1093/2010.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 01.01.2027 00:00:00 -Doknr: CELEX:32013R0575
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.