Għall-fini tal-applikazzjoni tal-punt (a) tal-paragrafu 1, għad-ditti tal-investiment li mhumiex persuni ġuridiċi jew kumpaniji b’ishma konġunti jew li jissodisfaw il-kondizzjonijiet ta' kwalifika bħala ditti tal-investiment żgħar jew mhux interkonnessi stabbiliti fl-Artikolu 12(1) ta’ dan ir-Regolament, l-awtoritajiet kompetenti jistgħu, wara li jikkonsultaw l-ABE, jippermettu li strumenti jew fondi oħra jikkwalifikaw bħala fondi proprji għal dawn id-ditti tal-investiment, dment li dawk l-istrumenti jew fondi jikkwalifikaw ukoll għal trattament skont l-Artikolu 22 tad-Direttiva tal-Kunsill 86/635/KEE (
8
). Abbażi ta' informazzjoni riċevuta minn kull awtorità kompetenti, flimkien mal-ESMA, l-ABE għandha tistabbilixxi, iżżomm u tippubblika lista tal-forom kollha ta’ strumenti jew fondi f'kull Stat Membru li jikkwalifikaw bħala fondi proprji ta’ dan it-tip. Il-lista għandha tiġi ppubblikata għall-ewwel darba sas-26 ta’ Diċembru 2020.