Artikolu 2 Data ta' rimnessa u frekwenza tal-iskambji tal-informazzjoni rigward l-istituzzjonijiet li joperaw permezz ta' fergħa

1.   Informazzjoni dwar kwalunkwe sitwazzjoni ta' nuqqas ta' konformità ma' rekwiżiti leġiżlattivi jew regolatorji, l-applikazzjoni ta' sorveljanza jew miżuri amministrattivi oħra jew l-impożizzjoni ta' pieni amministrattivi jew kriminali għandhom jiġu pprovduti mingħajr dewmien bla bżonn u mhux aktar tard minn 14-il jum kalendarju wara d-determinazzjoni mill-awtoritajiet kompetenti dwar is-sitwazzjoni tan-nuqqas ta' konformità, tal-applikazzjoni ta' sorveljanza jew miżura amministrattiva oħra, jew l-impożizzjoni ta' pieni amministrattivi jew kriminali.

2.   Meta fergħa hija kkunsidrata bħala sinifikanti skont l- Artikolu 51 tad- Direttiva 2013/36/UE, informazzjoni kwantitattiva dwar il-likwidità u informazzjoni fuq sejbiet mis-superviżjoni tal-likwidità għandhom jiġu pprovduti mill-awtoritajiet kompetenti tal-Istat Membru ta' oriġini lill-awtoritajiet kompetenti tal-Istat Membru ospitanti li jissorvelja din il-fergħa sinjifikanti fuq bażi biannwali u mhux aktar tard minn wara d-dati ta' rimessi:

3.   Informazzjoni oħra barra dik imsemmija fil-paragrafi 1 u 2 għandha tiġi pprovduta fuq bażi annwali u mhux aktar tard mit-30 ta' April ta' kull sena fuq il-bażi tal-pożizzjoni hekk kif kienet qabel l-31 ta' Diċembru, minbarra l-informazzjoni dwar il-maniġment u s-sjieda ta' istituzzjoni, li għandha tiġi provduta fuq il-bażi tal-informazzjoni l-aktar reċenti disponibbli.