Artikolu 4 Formoli u mudelli li għandhom jintużaw għall-iskambji tal-informazzjoni rigward istituzzjonijiet li joperaw permezz ta' fergħa

1.   Informazzjoni kwantitattiva msemmija fl-Artikolu 2(2) għandhom jiġu skambjati bl-użu tal-mudell speċifikati fil-Parti 1 tal-Anness I u għandha tingħata fil-forma speċifikata f'dak il-mudell.

2.   Informazzjoni kwantitattiva rigward il-likwidità u s-solvenza ta' istituzzjoni mibarra l-informazzjoni msemmija fil-paragrafu 1 għandhom jiġu skambjati bl-użu tal-mudell speċifikati fil-Parti 2 tal-Anness I u għandha tingħata fil-forma speċifikata f'dak il-mudell.

3.   Informazzjoni kwantitattiva dwar il-volumi ta' servizzi offruti permezz tal-eżerċizzju tal-libertà li jiġu pprovduti servizzi għandha tiġi skambjata bl-użu tal-mudelli speċifikati fil-Parti 3 ta' Anness I għandha tiġi pprovduta fil-formola meqjus addattata mill-awtorità kompetenti li tipprovdi l-informazzjoni.

4.   Informazzjoni kwantitattiva dwar l-ishma mis = suq ta' fergħa stabbilita fi Stat Membru ospitanti għandha tiġi skambjata bl-użu tal-mudell speċifikat fil-Parti 4 ta' Anness I u għandha tiġi pprovduta fil-formola meqjusa addattata mill-awtorità kompetenti li tipprovdi l-informazzjoni.

5.   Informazzjoni mhux kwantitattiva minbarra l-informazzjoni msemmija fil-paragrafi 6, 7 u 8 għandha tiġi skambjata bl-użu tal-mudelli rispettivi u għandha tiġi pprovduta fil-formola meqjusa xierqa mill-awtorità kompetenti li tipprovdu l-informazzjoni, kif ġej:

6.   Informazzjoni mhux kwantitattiva speċifikata fil-Parti 6 tal-Anness I rigward il-ġestjoni u sjieda ta' istituzzjoni, il-politiki tagħha dwar likwidità u ffinanzjar, il-pjanijiet u preparazzjonijiet ta' kontinġenza għal sitwazzjonijiet ta' emerġenza dwar il-likwidità u l-finanzjament għandhom ikunu pprovduti f'formola meqjusa xierqa mill-awtorità kompetenti li tipprovdi l-informazzjoni. L-informazzjoni għandha tiġi pprovduta bħala appendiċi mal-informazzjoni l-oħra skambjata billi jintużaw l-mudelli speċifikati fil-Partijiet 1 sa 5 tal-Anness I.

7.   Informazzjoni dwar kwalunkwe sitwazzjoni ta' nuqqas ta' konformità ma' rekwiżiti leġiżlattivi jew regolatorji, l-applikazzjoni ta' sorveljanza jew miżuri amministrattivi oħra jew l-impożizzjoni ta' pieni amministrattivi jew kriminali kif imsemmija fl- Artikolu 2(1) għandhom jiġu pprovduti fil-formola meqjusa xierqa mill-awtorità kompetenti li tipprovdi l-informazzjoni.

8.   Informazzjoni dwar l-identifikazzjoni ta' istituzzjoni bħala istituzzjoni sistemikament importanti globali jew bħala istituzzjoni oħra sistemikament importanti skont it-tifsira tal- Artikolu 131(1) tad- Direttiva 2013/36/UE għandha tiġi pprovduta fil-formola meqjusa xierqa mill-awtorità kompetenti li tipprovdi l-informazzjoni.