|
+Artikolu 7a 8. |
Artikolu 7a 8.L-AETS għandha, b’kooperazzjoni mal-ABE, mal-AEAPX u mal-BERS u wara li tikkonsulta mas-SEBĊ, tiżviluppa abbozzi ta’ standards tekniċi regolatorji biex tispeċifika aktar ir-rekwiżiti skont il-paragrafu 3, il-punti (a), (b) u (c) ta’ dan l-Artikolu, il-kundizzjonijiet tal-ittestjar tal-istress tagħhom u d-dettalji tar-rapportar f’konformità mal-Artikolu 7b. Fl-iżvilupp ta’ dawk l-istandards tekniċi regolatorji, l-AETS għandha tqis id-daqs tal-portafolli ta’ kontropartijiet differenti skont it-tielet subparagrafu ta’ dan il-paragrafu, sabiex il-kontropartijiet b’aktar tranżazzjonijiet fil-portafolli tagħhom ikunu soġġetti għal kundizzjonijiet operazzjonali u rekwiżiti ta’ rapportar aktar stretti minn kontropartijiet b’inqas tranżazzjonijiet. Fir-rigward tal-obbligu ta’ rappreżentanza msemmi fil-paragrafu 3, il-punt (d), l-AETS għandha tispeċifika l-klassijiet differenti ta’ kuntratti tad-derivati, soġġetti għal limitu ta’ tliet klassijiet, il-firxiet ta’ maturità differenti, soġġetti għal limitu ta’ erba’ firxiet ta’ maturità, u l-firxiet differenti tad-daqs tat-tranżazzjonijiet, soġġetti għal limitu ta’ tliet firxiet ta’ daqsijiet tat-tranżazzjonijiet, biex tiġi żgurata r-rappreżentattività tal-kuntratti tad-derivati li għandhom jiġu kklerjati permezz tal-kontijiet attivi. L-AETS għandha tistabbilixxi l-għadd, li ma għandux ikun ogħla minn ħamsa, tal-aktar sottokategoriji rilevanti għal kull klassi ta’ kuntratti tad-derivati li għandhom jiġu rappreżentati fil-kont attiv. Is-sottokategoriji l-aktar rilevanti għandhom ikunu dawk li fihom l-ogħla għadd ta’ tranżazzjonijiet matul il-perjodu ta’ referenza. L-AETS għandha tistabbilixxi wkoll id-durata tal-perjodu ta’ referenza, li ma għandux ikun inqas minn sitt xhur għal kontropartijiet b’volum tal-ikklerjar nozzjonali pendenti ta’ inqas minn EUR 100 biljun fil-kuntratti tad-derivati msemmija fil-paragrafu 6 u mhux inqas minn xahar għall-kontropartijiet b’volum tal-ikklerjar nozzjonali pendenti ta’ aktar minn EUR 100 biljun fil-kuntratti tad-derivati msemmija fil-paragrafu 6. L-AETS għandha tippreżenta l-abbozzi ta’ standards tekniċi regolatorji msemmija fl-ewwel subparagrafu lill-Kummissjoni sal-25 ta’ Ġunju 2025. Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu skont l-Artikoli 10 sa 14 tar-Regolament (UE) Nru 1095/2010. 1. Ħarsa ġenerali
1.1 Referenzi1.2 Rekwiżiti identifikati1.3 Standards relatati2. Rekwiżiti identifikati
3. Standards relatati
|