+Artikolu 7d Informazzjoni dwar l-attività tal-ikklerjar f’CCPs rikonoxxuti skont l-Artikolu 25
---+Artikolu 7d 1.
---+Artikolu 7d 2.
---+Artikolu 7d 3.
|
Artikolu 7d Informazzjoni dwar l-attività tal-ikklerjar f’CCPs rikonoxxuti skont l-Artikolu 25
1. Ħarsa ġenerali
| Titlu |
Regolamentazzjoni |
|
Artikolu 7d 1.
|
Il-membri tal-ikklerjar u l-klijenti li jikklerjaw il-kuntratti permezz ta’ CCP rikonoxxuta skont l-Artikolu 25 għandhom jirrapportaw tali attività tal-ikklerjar kif ġej:
(a)
meta jkunu stabbiliti fl-Unjoni iżda ma jkunux parti minn grupp soġġett għal superviżjoni konsolidata fl-Unjoni, huma għandhom jirrapportaw lill-awtoritajiet kompetenti tagħhom;
(b)
meta jkunu parti minn grupp soġġett għal superviżjoni konsolidata fl-Unjoni, l-impriża prinċipali fl-Unjoni ta’ dak il-grupp għandha tirrapporta tali attività tal-ikklerjar fuq bażi konsolidata lill-awtorità kompetenti tagħha.
Ir-rapporti msemmija fl-ewwel subparagrafu għandu jkun fihom informazzjoni dwar l-ambitu tal-attività tal-ikklerjar fis-CCP rikonoxxuta fuq bażi annwali li tispeċifika:
(a)
it-tip ta’ strumenti finanzjarji jew mhux finanzjarji kklerjati;
(b)
il-valuri medji kklerjati fuq perjodu ta’ sena għal kull munita tal-Unjoni u għal kull klassi ta’ assi;
(c)
l-ammont ta’ marġnijiet miġbura;
(d)
il-kontribuzzjonijiet għal fond ta’ inadempjenza; u
(e)
l-akbar obbligazzjoni ta’ pagament.
L-awtorità kompetenti għandha tibgħat minnufih dik l-informazzjoni msemmija fit-tieni subparagrafu lill-AETS u lill-Mekkaniżmu Konġunt ta’ Monitoraġġ.
|
|
Artikolu 7d 2.
|
L-AETS għandha, b’kooperazzjoni mal-ABE, mal-AEAPX u mal-BERS u wara li tikkonsulta mal-membri tas-SEBĊ, tiżviluppa abbozzi ta’ standards tekniċi regolatorji biex tispeċifika aktar il-kontenut tal-informazzjoni li għandha tiġi rrapportata u l-livell ta’ dettall tal-informazzjoni li għandha tiġi pprovduta f’konformità mal-paragrafu 1 ta’ dan l-Artikolu, filwaqt li tqis il-kanali ta’ rappurtar eżistenti u l-informazzjoni diġà disponibbli għall-AETS taħt il-qafas ta’ rapportar eżistenti, inkluż l-obbligu ta’ rappurtar skont l-Artikolu 9. L-AETS għandha tippreżenta l-abbozzi ta’ standards tekniċi regolatorji msemmija fl-ewwel subparagrafu lill-Kummissjoni sal-25 ta’ Diċembru 2025. Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu skont l-Artikoli 10 sa 14 tar-Regolament (UE) Nru 1095/2010.
|
|
Artikolu 7d 3.
|
L-AETS għandha tiżviluppa abbozzi ta’ standards tekniċi ta’ implimentazzjoni biex tispeċifika l-format tal-informazzjoni li għandha tiġi sottomessa lill-awtorità kompetenti msemmija fil-paragrafu 1, b’kont meħud tal-kanali ta’ rappurtar eżistenti. L-AETS għandha tippreżenta l-abbozzi ta’ standards tekniċi ta’ implimentazzjoni msemmija fl-ewwel subparagrafu lill-Kummissjoni sal-25 ta’ Diċembru 2025. Il-Kummissjoni tingħata s-setgħa li tadotta l-istandards tekniċi ta’ implimentazzjoni msemmija fl-ewwel subparagrafu ta’ dan il-paragrafu f’konformità mal-Artikolu 15 tar-Regolament (UE) Nru 1095/2010.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.01.2027 00:00:00 -Doknr: CELEX:32012R0648
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|