+Artikolu 24 Sitwazzjonijiet ta’ emerġenza
---+Artikolu 24 1.
---+Artikolu 24 2.
---+Artikolu 24 3.
---+Artikolu 24 4.
---+Artikolu 24 5.
---+Artikolu 24 6.
---+Artikolu 24 7.
---+Artikolu 24 8.
|
Artikolu 24 Sitwazzjonijiet ta’ emerġenza
1. Ħarsa ġenerali
| Titlu |
Regolamentazzjoni |
|
Artikolu 24 1.
|
L-awtorità kompetenti tas-CCP jew kwalunkwe awtorità rilevanti oħra għandha tinforma lill-AETS, lill-kulleġġ imsemmi fl-Artikolu 18, lill-membri rilevanti tas-SEBĊ, lill-Kummissjoni u lil awtoritajiet rilevanti oħrajn mingħajr dewmien żejjed dwar kwalunkwe sitwazzjoni ta’ emerġenza relatata ma’ CCP, inklużi:
(a)
sitwazzjonijiet jew avvenimenti li jkollhom impatt, jew li x’aktarx ikollhom impatt, fuq is-solidità prudenzjali jew finanzjarja jew ir-reżiljenza tas-CCPs awtorizzati f’konformità mal-Artikolu 14, tal-membri tal-ikklerjar tagħhom jew tal-klijenti tagħhom;
(b)
meta CCP tkun beħsiebha tattiva l-pjan ta’ rkupru tagħha skont l-Artikolu 9 tar-Regolament (UE) 2021/23, awtorità kompetenti tkun ħadet miżura ta’ intervent bikri skont l-Artikolu 18 ta’ dak ir-Regolament jew awtorità kompetenti tkun talbet tneħħija totali jew parzjali tal-maniġment superjuri jew tal-bord tas-CCP skont l-Artikolu 19 ta’ dak ir-Regolament;
(c)
meta jkun hemm żviluppi fis-swieq finanzjarji, jew swieq oħra meta s-CCP tipprovdi servizzi ta’ kklerjar, li jista’ jkollhom effett negattiv fuq il-likwidità tas-suq, it-trażmissjoni tal-politika monetarja, it-tħaddim bla xkiel tas-sistemi ta’ pagament jew l-istabbiltà tas-sistema finanzjarja fi kwalunkwe wieħed mill-Istati Membri fejn tkun stabbilita s-CCP jew wieħed mill-membri tal-ikklerjar tagħha.
|
|
Artikolu 24 2.
|
F’sitwazzjoni ta’ emerġenza, l-informazzjoni għandha tiġi pprovduta u aġġornata mingħajr dewmien żejjed biex il-membri tal-kulleġġ imsemmija fl-Artikolu 18 ikunu jistgħu janalizzaw l-impatt ta’ dik is-sitwazzjoni ta’ emerġenza b’mod partikolari fuq il-membri tal-ikklerjar tagħhom u l-klijenti tagħhom. Il-membri tal-kulleġġ imsemmija fl-Artikolu 18 jistgħu jgħaddu l-informazzjoni lill-korpi pubbliċi responsabbli għall-istabbiltà finanzjarja tas-swieq tagħhom, soġġett għall-obbligu tas-segretezza professjonali stabbilit fl-Artikolu 83. L-obbligu tas-segretezza professjonali f’konformità mal-Artikolu 83 għandu japplika għal dawk il-korpi li jirċievu dik l-informazzjoni.
|
|
Artikolu 24 3.
|
Fil-każ ta’ sitwazzjoni ta’ emerġenza f’CCP waħda jew aktar li jkollha effetti destabbilizzanti jew li x’aktarx ikollha effetti destabbilizzanti fuq is-swieq transfruntiera, l-AETS għandha tikkoordina l-awtoritajiet kompetenti, l-awtoritajiet ta’ riżoluzzjoni maħtura skont l-Artikolu 3(1) tar-Regolament (UE) 2021/23 u l-kulleġġi msemmija fl-Artikolu 18 ta’ dan ir-Regolament sabiex jibnu risposta koordinata għal sitwazzjonijiet ta’ emerġenza relatati ma’ CCP u jiżguraw kondiviżjoni effettiva tal-informazzjoni fost l-awtoritajiet kompetenti, il-kulleġġi msemmija fl-Artikolu 18 ta’ dan ir-Regolament u l-awtoritajiet ta’ riżoluzzjoni.
|
|
Artikolu 24 4.
|
F’sitwazzjoni ta’ emerġenza, ħlief meta awtorità ta’ riżoluzzjoni tkun qed tieħu jew tkun ħadet azzjoni ta’ riżoluzzjoni b’rabta ma’ CCP skont l-Artikolu 21 tar-Regolament (UE) 2021/23, laqgħat ad hoc tal-Kumitat Superviżorju tas-CCPs, sabiex jikkoordinaw ir-risposti tal-awtoritajiet kompetenti:
(a)
jistgħu jissejħu mill-President tal-Kumitat Superviżorju tas-CCPs;
(b)
għandhom jissejħu mill-President tal-Kumitat Superviżorju tas-CCPs, fuq it-talba ta’ żewġ membri tal-Kumitat Superviżorju tas-CCPs.
|
|
Artikolu 24 5.
|
Kwalunkwe waħda mill-awtoritajiet li ġejjin għandha tiġi mistiedna wkoll għal-laqgħa ad hoc imsemmija fil-paragrafu 4, meta rilevanti, meta jitqiesu l-kwistjonijiet li għandhom jiġu diskussi f’dik il-laqgħa:
(a)
il-banek ċentrali rilevanti tal-ħruġ;
(b)
l-awtoritajiet kompetenti rilevanti għas-superviżjoni tal-membri tal-ikklerjar, inkluż, meta rilevanti, il-BĊE fil-qafas tal-kompiti li jikkonċernaw is-superviżjoni prudenzjali tal-istituzzjonijiet ta’ kreditu fi ħdan il-mekkaniżmu superviżorju uniku mogħti lilu f’konformità mar-Regolament (UE) Nru 1024/2013;
(c)
l-awtoritajiet kompetenti rilevanti għas-superviżjoni taċ-ċentri tan-negozjar;
(d)
l-awtoritajiet kompetenti rilevanti għas-superviżjoni tal-klijenti, meta jkunu magħrufa;
(e)
l-awtoritajiet ta’ riżoluzzjoni rilevanti maħtura skont l-Artikolu 3(1) tar-Regolament (UE) 2021/23;
(f)
kwalunkwe membru tal-kulleġġ imsemmi fl-Artikolu 18, li mhuwiex diġà kopert mill-punti (a) sa (d) ta’ dan il-paragrafu.
|
|
Artikolu 24 6.
|
Meta ssir laqgħa ad hoc tal-Kumitat Superviżorju tas-CCPs skont il-paragrafu 4, il-President ta’ dak il-Kumitat għandu jinforma lill-ABE, lill-AEAPX, lill-BERS, lill-Bord Uniku ta’ Riżoluzzjoni stabbilit skont ir-Regolament (UE) Nru 806/2014 tal-Parlament Ewropew u tal-Kunsill (
19
) u lill-Kummissjoni b’dan, u għandhom ukoll jiġu mistiedna jipparteċipaw f’dik il-laqgħa fuq talba tagħhom. Meta ssir laqgħa wara sitwazzjoni ta’ emerġenza kif speċifikat fil-paragrafu 1, il-punt (c), il-President tal-Kumitat Superviżorju tas-CCPs għandu jistieden lill-banek ċentrali rilevanti tal-ħruġ biex jipparteċipaw f’dik il-laqgħa.
|
|
Artikolu 24 7.
|
L-AETS tista’ titlob lill-awtoritajiet kompetenti rilevanti kollha jipprovdulha l-informazzjoni meħtieġa biex twettaq il-funzjoni ta’ koordinazzjoni tagħha prevista f’dan l-Artikolu. Meta awtorità kompetenti rilevanti jkollha l-informazzjoni mitluba, hija għandha tgħaddiha lill-AETS mingħajr dewmien żejjed. Meta awtorità kompetenti rilevanti ma jkollhiex l-informazzjoni mitluba, hija għandha titlob lis-CCPs awtorizzati f’konformità mal-Artikolu 14, lill-membri tal-ikklerjar tagħhom jew lill-klijenti tagħhom, lill-infrastrutturi tas-suq finanzjarju konnessi jew lill-partijiet terzi relatati li dawk is-CCPs ikunu esternalizzawlhom funzjonijiet jew attivitajiet operazzjonali, kif rilevanti u applikabbli, biex jipprovdulha dik l-informazzjoni, u għandha tinforma lill-AETS b’dan. Ladarba l-awtorità kompetenti rilevanti tirċievi l-informazzjoni mitluba, hija għandha tgħaddiha lill-AETS mingħajr dewmien żejjed. Minflok ma titlob l-informazzjoni msemmija fit-tielet subparagrafu, l-awtorità kompetenti rilevanti tista’ tippermetti lill-AETS titlob dik l-informazzjoni direttament mill-entità rilevanti. L-AETS għandha tgħaddi l-informazzjoni kollha li tirċievi mingħand dik l-entità lill-awtorità kompetenti rilevanti mingħajr dewmien żejjed. Meta l-AETS ma tkunx irċeviet l-informazzjoni li kienet teħtieġ f’konformità mal-ewwel subparagrafu fi żmien 48 siegħa, hija tista’, b’talba sempliċi, titlob lis-CCP awtorizzati, lill-membri tal-ikklerjar tagħhom u lill-klijenti tagħhom, lill-infrastrutturi tas-suq finanzjarju konnessi u lill-partijiet terzi relatati li dawk is-CCPs ikunu esternalizzawlhom funzjonijiet jew attivitajiet operazzjonali biex jipprovdulha dik l-informazzjoni mingħajr dewmien żejjed. L-AETS għandha tgħaddi l-informazzjoni kollha li tirċievi mingħand tali entitajiet lill-awtorità kompetenti rilevanti mingħajr dewmien żejjed.
|
|
Artikolu 24 8.
|
L-AETS tista’, fuq il-proposta tal-Kumitat Superviżorju tas-CCPs, toħroġ rakkomandazzjonijiet skont l-Artikolu 16 tar-Regolament (UE) Nru 1095/2010 indirizzati lil awtorità kompetenti waħda jew aktar li jirrakkomandawlhom jadottaw deċiżjonijiet superviżorji temporanji jew permanenti skont ir-rekwiżiti stabbiliti fl-Artikolu 16 u fit-Titoli IV u V ta’ dan ir-Regolament sabiex jiġu evitati jew jittaffew l-effetti negattivi sinifikanti fuq l-istabbiltà finanzjarja tal-Unjoni. L-AETS tista’ toħroġ tali rakkomandazzjonijiet biss meta aktar minn CCP awtorizzata waħda f’konformità mal-Artikolu 14 tkun affettwata jew meta l-avvenimenti madwar l-Unjoni kollha jkunu qegħdin jiddestabbilizzaw is-swieq transfruntiera kklerjati.”
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.01.2027 00:00:00 -Doknr: CELEX:32012R0648
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|