Artikolu 49 1i.

il-bidla twassal għal tnaqqis jew żieda sinifikanti tar-riżorsi finanzjarji totali tas-CCP iffinanzjati minn qabel, inklużi r-rekwiżiti tal-marġni, il-fond tal-inadempjenza u r-riżorsi proprji ddedikati kif imsemmija fl-Artikolu 45(4);

l-istruttura jew l-elementi strutturali tal-mudell tal-marġni jinbidlu;

komponent tal-mudell tal-marġni, inkluż parametru tal-marġni jew suppliment, jiġi introdott, jitneħħa, jew jiġi emendat b’mod li jwassal għal tnaqqis jew żieda tal-output tal-mudell tal-marġni fil-livell tas-CCP;

il-metodoloġija użata sabiex jiġu kkalkolati l-kumpensi tal-portafoll tinbidel b’mod li twassal għal tnaqqis jew żieda sinifikanti tar-rekwiżiti tal-marġni totali għall-istrumenti finanzjarji fi ħdan il-portafoll;

il-metodoloġija għad-definizzjoni u l-kalibrazzjoni tax-xenarji tat-testijiet tal-istress għall-fini tad-determinazzjoni tad-daqs tal-fondi tal-inadempjenza tas-CCP u d-daqs tal-kontribuzzjonijiet tal-membri tal-ikklerjar individwali għal dawk il-fondi tal-inadempjenza tinbidel, li jwassal għal tnaqqis jew żieda sinifikanti fid-daqs ta’ kwalunkwe mill-fondi tal-inadempjenza jew ta’ kwalunkwe kontribuzzjoni ta’ fond tal-inadempjenza individwali;

il-metodoloġija applikata għall-valutazzjoni tar-riskju ta’ likwidità tinbidel, li jwassal għal tnaqqis jew żieda sinifikanti tal-ħtiġijiet ta’ likwidità stmati fi kwalunkwe munita jew tal-ħtiġijiet ta’ likwidità totali;

il-metodoloġija applikata biex jiġi ddeterminat ir-riskju ta’ konċentrazzjoni li CCP ikollha fil-konfront ta’ kontroparti individwali tinbidel, b’tali mod li l-iskopertura ġenerali tas-CCP għal dik il-kontroparti tonqos jew tiżdied b’mod sinifikanti;

il-metodoloġija applikata sabiex jingħata valur lill-kollateral, jew jiġi kkalibrat it-telf impost tal-kollateral tinbidel, b’tali mod li l-valur totali ta’ kollateral jonqos jew jiżdied b’mod sinifikanti;

il-bidla jista’ jkollha effett materjali fuq ir-riskju ġenerali tas-CCP.