Artikolu 16 3

(a)

għad-detenturi tal-kont tal-klijent u kwalunkwe persuna li tidher li qed taġixxi f'isem kont tal-klijent: l-isem, ikkomplementat mid-data l-oħra ta' identifikazzjoni meħtieġa skont l-Artikolu 22(1) tar-Regolament (UE) 2024/1624 jew numru uniku ta' identifikazzjoni kif ukoll, fejn applikabbli, id-dati li fihom il-persuna li tidher li qed taġixxi f'isem il-klijent ikunu akkwistaw is-setgħa li taġixxi f'isem il-klijent u d-data li fiha ma kienx għad kellha din is-setgħa;

(b)

għas-sidien benefiċjarji tad-detenturi tal-kont tal-klijent: l-isem, ikkomplementat mid-data l-oħra ta' identifikazzjoni meħtieġa skont l-Artikolu 22(1) tar-Regolament (UE) 2024/1624 jew numru uniku ta' identifikazzjoni kif ukoll id-dati li fiha il-persuna fiżika tkun saret u, fejn applikabbli, ma kinitx għadha s-sid benefiċjarju tad-detentur tal-kont tal-klijent;

(c)

għall-kontijiet bankarji jew kontijiet ta' pagament: in-numru tal-IBAN, jew fejn il-kont ta' pagament ma jkunx identifikat minn numru tal-IBAN, l-identifikatur uniku tal-kont, u d-data meta jinfetaħ u, fejn applikabbli, id-data li fiha ngħalaq il-kont;

(d)

għal IBAN virtwali maħruġin minn istituzzjoni ta' kreditu jew istituzzjoni finanzjarja: in-numru tal-IBAN virtwali, l-identifikatur uniku tal-kont li fih il-pagamenti indirizzati lill-IBAN virtwali jiġu awtomatikament ridirezzjonati, u d-dati meta jinfetaħ u jingħalaq il-kont;

(e)

għal kontijiet ta' titoli: l-identifikatur uniku tal-kont, u d-dati meta jinfetaħ u jingħalaq il-kont;

(f)

għal kontijiet tal-kriptoassi: l-identifikatur uniku tal-kont, u d-dati meta jinfetaħ u jingħalaq il-kont;

(g)

għal kaxxi ta' depożitu sikur: l-isem tal-lokatarju kkomplementat jew mid-data l-oħra ta' identifikazzjoni meħtieġa skont l-Artikolu 22(1) tar-Regolament (UE) 2024/1624, jew numru uniku ta' identifikazzjoni u d-data li fiha bdiet il-lokazzjoni u, fejn applikabbli, id-data li fiha ntemmet.