Artikolu 16 Reġistri tal-kontijiet bankarji u sistemi elettroniċi għall-irkupru tad-data

1.   L-Istati Membri għandhom jistabbilixxu mekkaniżmi awtomatizzati ċentralizzati, bħal reġistri ċentrali jew sistemi elettroniċi ċentrali għall-irkupru tad-data, li jippermettu l-identifikazzjoni f'waqtha ta' kwalunkwe persuna fiżika jew ġuridika li jkollha jew li tikkontrolla kontijiet ta' pagament, jew kontijiet bankarji identifikati mill-IBAN, inkluż IBANs virtwali, kontijiet ta' titoli, kontijiet tal-kriptoassi u kaxxi ta' depożitu sikur miżmuma minn istituzzjoni ta' kreditu jew istituzzjoni finanzjarja fit-territorju tagħhom.

L-Istati Membri għandhom jinnotifikaw lill-Kummissjoni bil-karatteristiċi ta' dawk il-mekkaniżmi nazzjonali kif ukoll bil-kriterji li skonthom l-informazzjoni ġiet inkluża f'dawk il-mekkaniżmi nazzjonali.

2.   L-Istati Membri għandhom jiżguraw li l-informazzjoni miżmuma fil-mekkaniżmi awtomatizzati ċentralizzati tkun direttament aċċessibbli b'mod immedjat u mhux iffiltrat għall-FIUs, kif ukoll għall-AMLA għall-finijiet ta' analiżijiet konġunti skont l-Artikolu 32 ta' din id-Direttiva u l-Artikolu 40 tar-Regolament (UE) 2024/1620. L-informazzjoni għandha tkun aċċessibbli wkoll f'waqtha għall-awtoritajiet superviżorji biex jissodisfaw l-obbligi tagħhom skont din id-Direttiva.

3.   L-informazzjoni li ġejja għandha tkun aċċessibbli u jista' jsir tiftix fiha permezz tal-mekkaniżmi awtomatizzati ċentralizzati:

Fil-każ ta’ IBAN virtwali, id-detentur ta’ kont tal-klijent kif imsemmi fil-punt (a) tal-ewwel subparagrafu għandu jkun id-detentur tal-kont li fih il-pagamenti indirizzati lill-IBAN virtwali jiġu ridirezzjonati awtomatikament.

Għall-finijiet tal-punti (a) u (b) tal-ewwel subparagrafu, l-isem għandu jinkludi għall-persuni fiżiċi, l-isem ġuridiku sħiħ, u għal persuni ġuridiċi, arranġamenti ġuridiċi jew organizzazzjonijiet oħra b'kapaċità ġuridika, l-isem li bih jiġu rreġistrati.

4.   Il-Kummissjoni tista’ tistabbilixxi, permezz ta' atti ta' implimentazzjoni, il-format għall-preżentazzjoni tal-informazzjoni lill-mekkaniżmi awtomatizzati ċentralizzati. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(2).

5.   L-Istati Membri jistgħu jeħtieġu li informazzjoni oħra li titqies bħala essenzjali għall-FIUs, għall-AMLA għall-finijiet ta' analiżijiet konġunti skont l-Artikolu 32 ta' din id-Direttiva u l-Artikolu 40 tar-Regolament (UE) 2024/1620 u għall-awtoritajiet superviżorji biex jissodisfaw l-obbligi tagħhom skont din id-Direttiva, tkun aċċessibbli u jista' jsir tiftix fiha permezz tal-mekkaniżmi awtomatizzati ċentrali.

6.   Il-mekkaniżmi awtomatizzati ċentralizzati għandhom ikunu interkonnessi permezz tas-sistema ta’ interkonnessjoni tar-reġistri tal-kontjiet bankarji (“BARIS”) li għandha tiġi żviluppata u mħaddma mill-Kummissjoni. Il-Kummissjoni għandha tiżgura tali interkonnessjoni b’kooperazzjoni mal-Istati Membri sal-10 ta’ Lulju 2029.

Il-Kummissjoni tista’ tistabbilixxi, permezz ta' atti ta' implimentazzjoni, l-ispeċifikazzjonijiet tekniċi u l-proċeduri għall-konnessjoni tal-mekkaniżmi awtomatizzati ċentralizzati tal-Istati Membri ma’ BARIS. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 72(2).

7.   L-Istati Membri għandhom jiżguraw li l-informazzjoni msemmija fil-paragrafu 3 tkun disponibbli permezz ta’ BARIS. L-Istati Membri għandhom jieħdu miżuri adegwati biex jiżguraw li tkun biss l-informazzjoni msemmija fil-paragrafu 3 li tkun aġġornata u tikkorrispondi għall-kont bankarju u l-kont ta' pagament reali, inkluż IBAN virtwali, kont ta' titoli, kont tal-kriptoassi u kaxxa ta' depożitu sikur, li tkun disponibbli permezz tal-mekkaniżmi awtomatizzati ċentralizzati nazzjonali tagħhom u permezz ta’ BARIS. L-aċċess għal dik l-informazzjoni għandu jingħata f'konformità mar-regoli dwar il-protezzjoni tad-data.

L-informazzjoni l-oħra li l-Istati Membri jqisu bħala essenzjali għall-FIUs u għall-awtoritajiet kompetenti l-oħra skont il-paragrafu 4 m'għandhiex tkun aċċessibbli permezz ta’ BARIS, u m'għandux ikun possibbli li jsir tiftix fiha.

8.   L-Istati Membri għandhom jiżguraw li l-informazzjoni dwar id-detenturi ta' kontijiet bankarji jew kontijiet ta' pagament, inkluż IBANs virtwali, kontijiet ta' titoli, kontijiet tal-kriptoassi u kaxxi ta' depożitu sikur, tkun disponibbli permezz tal-mekkaniżmi awtomatizzati ċentralizzati nazzjonali tagħhom u permezz ta’ BARIS matul perjodu ta' ħames snin wara li jingħalaq il-kont.

Mingħajr preġudizzju għad-dritt kriminali nazzjonali dwar l-evidenza applikabbli għall-investigazzjonijiet kriminali u l-proċedimenti legali li jkunu għaddejjin, l-Istati Membri jistgħu, f’każijiet ġustifikati, jippermettu li tali informazzjoni tinżamm, jew jeħtieġu li tali informazzjoni tinżamm għal perjodu addizzjonali ta’ massimu 5 snin, meta l-Istat Membri jkunu stabbilixxew li tali żamma tkun neċessarja u proporzjonata għall-prevenzjoni, id-detezzjoni, l-investigazzjoni jew il-prosekuzzjoni ta' ħasil tal-flus jew ta' finanzjament tat-terroriżmu suspettati.

9.   L-FIUs u, għall-finijiet tal-analiżijiet konġunti skont l-Artikolu 32 ta' din id-Direttiva u l-Artikolu 40 tar-Regolament (UE) 2024/1620, l-AMLA għandhom jingħataw aċċess immedjat u mhux iffiltrat għall-informazzjoni dwar il-kontijiet ta' pagament u l-kontijiet bankarji identifikati b’IBAN, inkluż IBAN virtwali,, kontijiet ta' titoli, kontijiet tal-kriptoassi u kaxxi ta' depożitu sikur fi Stati Membri oħra disponibbli permezz ta’ BARIS. L-awtoritajiet superviżorji għandhom jingħataw aċċess f'waqtu għall-informazzjoni disponibbli permezz ta’ BARIS. L-Istati Membri għandhom jikkooperaw bejniethom u mal-Kummissjoni sabiex jimplimentaw dan il-paragrafu.

L-Istati Membri għandhom jiżguraw li l-persunal tal-FIUs u tal-awtoritajiet superviżorji nazzjonali li jkollhom aċċess għal BARIS iżommu standards professjonali għoljin ta' kunfidenzjalità u ta' protezzjoni tad-data, li jkunu ta' integrità kbira u li jkollhom il-ħiliet xierqa.

Ir-rekwiżiti stabbiliti fit-tieni subparagrafu għandhom japplikaw ukoll għall- AMLA fil-kuntest ta' analiżijiet konġunti u meta taġixxi bħala superviżur.

10.   L-Istati Membri għandhom jiżguraw li jiġu stabbiliti miżuri tekniċi u organizzazzjonali biex tiġi żgurata s-sigurtà tad-data skont standards teknoloġiċi għoljin għall-finijiet tal-eżerċizzju min-naħa tal-FIUs u tal-awtoritajiet superviżorji tas-setgħa li jaċċessaw u jfittxu fl-informazzjoni disponibbli permezz ta’ BARIS f'konformità mal-paragrafi 5 u 6.

Ir-rekwiżiti stabbiliti fl-ewwel subparagrafu għandhom japplikaw ukoll għall-AMLA fil-kuntest ta' analiżijiet konġunti u meta taġixxi bħala superviżur.