Artikolu 17 1

(a)

l-ispeċifikazzjoni teknika li tiddefinixxi s-sett ta' data teknika meħtieġ biex il-pjattaforma tkun tista' taqdi l-funzjonijiet tagħha kif ukoll il-metodu ta' ħżin, ta' użu u ta' protezzjoni ta' dik id-data;

(b)

il-kriterji komuni li jirregolaw liema informazzjoni dwar is-sjieda benefiċjarja tkun disponibbli permezz tas-sistema ta' interkonnessjoni tar-reġistri ċentrali, skont il-livell ta' aċċess mogħti mill-Istati Membri;

(c)

id-dettalji tekniċi dwar kif l-informazzjoni dwar is-sidien benefiċjarji għandha ssir disponibbli;

(d)

il-kundizzjonijiet tekniċi tad-disponibbiltà tas-servizzi pprovduti bis-sistema ta' interkonnessjoni tar-reġistri ċentrali;

(e)

l-arranġamenti tekniċi għall-implimentazzjoni tat-tipi differenti ta' aċċess għall-informazzjoni dwar is-sjieda benefiċjarja f'konformità mal-Artikoli 11 u 12 ta' din id-Direttiva, inkluża l-awtentikazzjoni tal-utenti permezz ta' mezzi ta' identifikazzjoni elettronika u servizzi fiduċjarji rilevanti kif stipulat fir-Regolament (UE) Nru 910/2014;

(f)

l-arranġamenti ta' ħlas meta l-aċċess għall-informazzjoni dwar is-sjieda benefiċjarja jkun soġġett għall-ħlas ta' tariffa skont l-Artikoli 11(4) u 13(12) b'kont meħud tal-faċilitajiet ta' ħlas disponibbli bħal tranżazzjonijiet ta' pagamenti remoti.