3. Il-pubblikazzjoni għandha tinkludi tal-inqas informazzjoni dwar it-tip u n-natura tal-ksur u l-identità tal-persuni responsabbli, kif ukoll l-ammonti għas-sanzjonijiet pekunarji u l-pagamenti perjodiċi ta' penali. L-Istati Membri ma għandhomx ikunu obbligati japplikaw dan is-subparagrafu għal deċiżjonijiet li japplikaw miżuri amministrattivi li huma ta' natura investigattiva, jew li ttieħdu f'konformità mal-Artikolu 56(2), il-punti (a) u (c).
Meta s-superviżuri jqisu li l-pubblikazzjoni tal-identità tal-persuni responsabbli kif imsemmi fl-ewwel subparagrafu jew tad-data personali ta' tali persuni hija sproporzjonata wara valutazzjoni skont il-każ, jew meta l-pubblikazzjoni tipperikola l-istabbiltà tas-swieq finanzjarji jew xi investigazzjoni li tkun għaddejja, is-superviżuri għandhom:
|
(a)
|
jipposponu l-pubblikazzjoni tad-deċiżjoni sal-mument li fih ir-raġunijiet biex ma tiġix ippubblikata ma jibqgħux jeżistu;
|
|
(b)
|
jippubblikaw id-deċiżjoni fuq bażi anonima u skont id-dritt nazzjonali, jekk tali pubblikazzjoni anonima tiżgura l-protezzjoni effettiva tad-data personali kkonċernata; f'dak il-każ, il-pubblikazzjoni tad-data rilevanti tista' tiġi posposta għal perjodu raġonevoli jekk ikun previst li f'dak il-perjodu r-raġunijiet għall-pubblikazzjoni anonima ma jibqgħux jeżistu;
|
|
(c)
|
ma jippubblikawx id-deċiżjoni fil-każ li l-opzjonijiet stipulati fil-punti (a) u (b) jitqiesu li ma humiex biżżejjed biex tiġi żgurata waħda minn dawn li ġejjin:
|
(i)
|
l-istabbiltà tas-swieq finanzjarji ma tkunx ser tiġi pperikolata;
|
|
(ii)
|
il-proporzjonalità tal-pubblikazzjoni tad-deċiżjoni fir-rigward ta' sanzjonijiet pekunarji u miżuri amministrattivi għal ksur meqjus ta' natura minuri.
|
|