3. Áireofar san fhoilsiú sin, ar a laghad, faisnéis faoi chineál agus nádúr an tsáraithe agus faoi chéannacht na ndaoine atá freagrach agus, i gcás smachtbhannaí airgid agus íocaíochtaí pionósacha tréimhsiúla, a méideanna. Ní bheidh sé d’oibleagáid ar na Ballstáit an fhomhír seo a chur i bhfeidhm maidir le cinntí lena gcuirtear i bhfeidhm bearta riaracháin atá de chineál imscrúdaitheach, nó a dhéantar de bhun Airteagal 56(2), pointí (a) agus (c).
I gcás ina measfaidh na maoirseoirí, tar éis measúnú cás ar chás, go mbeadh sé míréireach céannacht nó sonraí pearsanta na ndaoine atá freagrach dá dtagraítear sa chéad fhomhír a fhoilsiú, nó i gcás ina gcuirfí cobhsaíocht na margaí airgeadais nó imscrúdú atá idir lámha i mbaol leis an bhfoilsiú, déanfaidh na maoirseoirí an méid seo a leanas:
|
(a)
|
moill a chur ar fhoilsiú an chinnidh go dtí an tráth a scoireann na cúiseanna gan é a fhoilsiú de bheith ann;
|
|
(b)
|
an cinneadh a fhoilsiú ar bhonn anaithnid ar mhodh atá i gcomhréir leis an dlí náisiúnta, má áirithítear leis an bhfoilsiú anaithnid sin go ndéanfar na sonraí pearsanta lena mbaineann a chosaint ar bhealach éifeachtach; sa chás sin, féadfar foilsiú na sonraí ábhartha a chur siar ar feadh tréimhse réasúnta má mheastar go scoirfidh na cúiseanna le foilsiú anaithnid de bheith ann laistigh den tréimhse sin;
|
|
(c)
|
gan an cinneadh a fhoilsiú ar chor ar bith i gcás ina meastar nach leor na roghanna a leagtar amach i bpointí (a) agus (b) chun ceann amháin díobh seo a leanas a áirithiú:
|
(i)
|
nach gcuirfí cobhsaíocht na margaí airgeadais i mbaol;
|
|
(ii)
|
go mbeadh foilsiú an chinnidh maidir le smachtbhannaí airgid agus bearta riaracháin comhréireach i gcás sáruithe a mheastar a bheith gan mórán tábhachta.
|
|