Artikolu 13 Kontribut sostanzjali għat-transizzjoni lejn ekonomija ċirkolari

(a)

tuża riżorsi naturali, inklużi materja prima b’bażi bijoloġika u materja prima oħra miksuba b’mod sostenibbli, fil-produzzjoni b’mod aktar effiċjenti, inkluż permezz ta’:

(b)

iżżid id-durabbiltà, ir-riparabbiltà, il-kapaċità ta’ titjib fil-kwalità jew il-kapaċità ta’ użu mill-ġdid tal-prodotti, b’mod partikolari f’attivitajiet ta’ tfassil u ta’ manifattura;

(c)

iżżid il-kapaċità ta’ riċiklaġġ tal-prodotti, inkluża r-riċiklabbiltà ta’ materjali individwali inklużi f’dawk il-prodotti, fost l-oħrajn permezz ta’ sostituzzjoni jew tnaqqis fl-użu ta’ prodotti u materjali li mhumiex riċiklabbli b’mod partikolari f’attivitajiet ta’ tfassil u ta’ manifattura;

(d)

b’mod sostanzjali tnaqqas il-kontenut ta’ sustanzi perikolużi u tissostitwixxi sustanzi ta’ tħassib serju ħafna f’materjali u prodotti matul iċ-ċiklu tal-ħajja tagħhom, f’konformità mal-objettivi stabbiliti fil-liġi tal-Unjoni, inkluż billi tali sustanzi jiġu sostitwiti b’alternattivi aktar sikuri u billi tiġi żgurata t-traċċabbiltà;

(e)

testendi l-użu ta’ prodotti, inkluż permezz tal-użu mill-ġdid, disinn għal-lonġevità, skop ġdid, żarmar, manifatturar mill-ġdid, titjib u tiswija, u l-kondiviżjoni ta’ prodotti;

(f)

iżżid l-użu ta’ materji primi sekondarji u l-kwalità tagħhom, inkluż permezz ta’ riċiklaġġ ta’ kwalità għolja tal-iskart;

(g)

tipprevjeni jew tnaqqas il-ġenerazzjoni tal-iskart, inkluża l-ġenerazzjoni tal-iskart mill-estrazzjoni ta’ minerali u tal-iskart mill-kostruzzjoni u t-twaqqigħ tal-bini;

(h)

iżżid it-tħejjija għall-użu mill-ġdid u r-riċiklaġġ tal-iskart;

(i)

iżżid l-iżvilupp tal-infrastruttura tal-ġestjoni tal-iskart meħtieġa għall-prevenzjoni, għat-tħejjija għall-użu mill-ġdid u għar-riċiklaġġ, filwaqt li jiġi żgurat li l-materjali rkuprati jiġu riċiklati bħala input ta’ materja prima sekondarja ta’ kwalità għolja fil-produzzjoni, biex b’hekk jiġi evitat id-downcycling;

(j)

tnaqqas għall-minimu l-inċinerazzjoni tal-iskart u tevita r-rimi tal-iskart, inkluż il-landfilling, f’konformità mal-prinċipji tal-ġerarkija tal-iskart;

(k)

tevita u tnaqqas iż-żibel; jew

(l)

tiffaċilita kwalunkwe waħda mill-attivitajiet elenkati fil-punti (a) sa (k) ta’ dan il-paragrafu f’konformità mal-Artikolu 16.

(a)

tissupplimenta l-paragrafu 1 ta’ dan l-Artikolu billi tistabbilixxi kriterji tekniċi ta’ skrinjar biex jiġi determinat taħt liema kundizzjonijiet attività ekonomika speċifika tikkwalifika bħala li tikkontribwixxi b’mod sostanzjali għat-transizzjoni lejn ekonomija ċirkolari; u

(b)

tissupplimenta l-Artikolu 17 billi tistabbilixxi, għal kull objettiv ambjentali rilevanti, kriterji tekniċi ta’ skrinjar biex jiġi determinat jekk attività ekonomika, li fir-rigward tagħha jkunu ġew stabbiliti kriterji ta’ skrinjar taħt il-punt (a) ta’ dan il-paragrafu, tikkawżax ħsara sinifikanti lil wieħed jew aktar minn dawk l-objettivi.