Artikolu 3 Pariri xjentifiċi dwar it-tibdil fil-klima

il-kunsiderazzjoni tal-aħħar sejbiet xjentifiċi tar-rapporti tal-IPCC u d-data xjentifika dwar il-klima, b’mod partikolari fir-rigward tal-informazzjoni rilevanti għall-Unjoni;

l-għoti ta’ pariri xjentifiċi u l-ħruġ ta’ rapporti dwar miżuri eżistenti u proposti tal-Unjoni, il-miri klimatiċi u l-baġits indikattivi għall-gassijiet b’effett ta’ serra, u l-koerenza tagħhom mal-objettivi ta’ dan ir-Regolament u l-impenji internazzjonali tal-Unjoni fl-ambitu tal-Ftehim ta’ Pariġi;

il-kontribut għall-iskambju ta’ għarfien xjentifiku indipendenti fil-qasam tal-immudellar, il-monitoraġġ, ir-riċerka promettenti u l-innovazzjoni li jikkontribwixxu għat-tnaqqis tal-emissjonijiet jew għaż-żieda fl-assorbimenti;

l-identifikazzjoni tal-azzjonijiet u l-opportunitajiet meħtieġa biex il-miri klimatiċi tal-Unjoni jintlaħqu b’suċċess;

is-sensibilizzazzjoni dwar it-tibdil fil-klima u l-impatti tiegħu, kif ukoll l-istimolu tad-djalogu u l-kooperazzjoni bejn il-korpi xjentifiċi fl-Unjoni, li jikkomplementaw il-ħidma u l-isforzi eżistenti.