Artikolu 13 Tempestività

1.   L-aġenti li jirrapportaw għandhom jirrapportaw dejta dwar il-kreditu kif irreġistrata fid-dati ta' referenza tar-rapportar li ġejjin:

2.   Il-BĊNi għandhom jiddeċiedu meta u kemm ta' spiss għandhom jirċievu d-dejta mingħand l-aġenti li jirrapportaw sabiex jissodisfaw l-iskadenza għar-rapportar tagħhom lill-BĊE, u għandhom jinformaw lill-aġenti li jirrapportaw kif meħtieġ.

3.   Il-BĊNi għandhom jinfurmaw lill-aġenti li jirrapportaw dwar l-obbligi li jirrapportaw mill-inqas 18-il xahar qabel l-ewwel data ta' referenza ta' rapportar li għalihom dawn l-aġenti għandhom jirrapportaw dejta bis-saħħa ta' dan ir-Regolament, bla ħsara għal kull rekwiżit ta' rapportar ieħor skont id-dritt nazzjonali jew oqfsa ta' rapportar oħrajn.

4.   Għal aġenti osservati li huma residenti fi Stat Membru li jirrapporta, il-BĊNi għandhom jibagħtu dejta dwar il-kreditu kull xahar lill-BĊE sa ħin għeluq tal-uffiċċju fit-30 jum tax-xogħol wara l-aħħar tax-xahar li miegħu hija relatata d-dejta.

5.   Għal aġenti osservati li huma residenti fi Stat Membru li jirrapporta, il-BĊNi għandhom jibagħtu dejta dwar il-kreditu kull tliet xhur lill-BĊE sa ħin għeluq tal-uffiċċju fil-15-il jum tax-xogħol wara d-dati ta' rimessa kif iddefiniti fl-Artikolu 3(1)(b) tar-Regolament ta' Implimentazzjoni tal-Kummissjoni (UE) Nru 680/2014 (11).

6.   Għal aġenti osservati li huma friegħi barranin mhux residenti fi Stat Membru li jirrapporta, il-BĊNi għandhom jibagħtu dejta dwar il-kreditu kull xahar lill-BĊE sa ħin għeluq tal-uffiċċju fil-35 jum tax-xogħol wara l-aħħar tax-xahar li miegħu hija relatata d-dejta.

7.   Għal aġenti osservati li huma friegħi barranin mhux residenti fi Stat Membru li jirrapporta, il-BĊNi għandhom jibagħtu dejta dwar il-kreditu kull tliet xhur lill-BĊE sa ħin għeluq tal-uffiċċju fil-20-il jum tax-xogħol wara d-dati ta' rimessa kif iddefiniti fl-Artikolu 3(1)(b) tar-Regolament ta' Implimentazzjoni (UE) Nru 680/2014.

8.   Il-BĊNi għandhom jibagħtu lill-BĊE dejta ta' referenza tal-kontroparti għall-kontropartijiet kollha skont it-taqsima 1 tal-Mudell 1 tal-Anness I flimkien mal-ewwel trażmissjoni tad-dejta tal-kreditu. Meta sseħħ bidla, il-BĊNi għandhom jaġġornaw id-dejta sa mhux aktar tard mit-trażmissjoni tad-dejta dwar il-kreditu li tkun relevanti għall-ewwel data ta' rapportar li fiha jew qabilha tkun daħlet fis-seħħ il-bidla. Sakemm il-BĊNi jinfurmaw lill-aġenti ta' rapportar li kisbu dejta ta' referenza tal-kontroparti aġġornata minn sorsi oħrajn, l-aġenti li jirrapportaw għandhom jaġġornaw dik id-dejta billi jinfurmaw lill-BĊNi dwar kull tibdil fil-ħin mitlub mill-BĊN rilevanti, imma mhux iktar tard mid-data meta d-dejta tal-kreditu hija rrapportata lill-BĊN rilevanti għall-ewwel data ta' referenza ta' rapportar wara d-data meta ġiet fis-seħħ il-bidla.