Meta partijiet dipendenti privati li jipprovdu s-servizzi, bl-eċċezzjoni ta’ intrapriżi mikro u żgħar kif definiti fl-Artikolu 2 tal-Anness tar-Rakkomandazzjoni tal-Kummissjoni 2003/361/KE (
5
), ikunu meħtieġa bil-liġi nazzjonali jew bid-dritt tal-Unjoni li jużaw awtentikazzjoni b’saħħitha tal-utenti għal identifikazzjoni online, jew meta tkun meħtieġa awtentikazzjoni b’saħħitha tal-utenti permezz ta’ obbligu kuntrattwali, inkluż fl-oqsma tat-trasport, tal-enerġija, tas-servizzi bankarji, tas-servizzi finanzjarji, tas-sigurtà soċjali, tas-saħħa, tal-ilma tax-xorb, tas-servizzi postali, tal-infrastruttura diġitali, tal-edukazzjoni jew tat-telekomunikazzjoni, dawk il-partijiet dipendenti privati, sa mhux aktar tard minn 36 xahar wara d-data ta’ dħul fis-seħħ tal-atti ta’ implimentazzjoni msemmija fl-Artikolu 5a(23) u l-Artikolu 5c(6) u biss fuq talba volontarja tal-utent, għandhom jaċċettaw ukoll il-Kartieri Ewropej tal-Identità Diġitali li huma pprovduti f’konformità ma’ dan ir-Regolament.