+Artikolu 45f Rekwiżiti għall-attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku.
---+Artikolu 45f 1.
---+Artikolu 45f 2.
---+Artikolu 45f 3.
---+Artikolu 45f 4.
---+Artikolu 45f 5.
---+Artikolu 45f 6.
---+Artikolu 45f 7.
---+Artikolu 45f 8.
|
Artikolu 45f Rekwiżiti għall-attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku.
1. Ħarsa ġenerali
| Titlu |
Regolamentazzjoni |
|
Artikolu 45f 1.
|
Attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku għandha tissodisfa r-rekwiżiti li ġejjin:
(a)
dawk stabbiliti fl-Anness VII;
(b)
iċ-ċertifikat kwalifikat li jappoġġa l-firma elettronika kwalifikata jew is-siġill elettroniku kwalifikat tal-korp tas-settur pubbliku msemmi fl-Artikolu 3, il-punt (46), identifikat bħala l-emittent imsemmi fil-punt (b), tal-Anness VII, ikun fih sett speċifiku ta’ attributi ċċertifikati f’forma xierqa għall-ipproċessar awtomatizzat u:
(i)
li jindika li l-korp emittenti huwa stabbilit f’konformità mad-dritt tal-Unjoni jew il-liġi nazzjonali bħala r-responsabbli għas-sors awtentiku li abbażi tiegħu tinħareġ l-attestazzjoni elettronika tal-attributi jew bħala l-korp maħtur biex jaġixxi f’ismu;
(ii)
li jipprovdi sett ta’ data li jirrappreżenta mingħajr ambigwità s-sors awtentiku msemmi fil-punt (i); u
(iii)
li jidentifika d-dritt tal-Unjoni jew nazzjonali msemmija fil-punt (i).
|
|
Artikolu 45f 2.
|
L-Istat Membru fejn huma stabbiliti l-korpi tas-settur pubbliku msemmija fl-Artikolu 3, il-punt (46), għandu jiżgura li l-korpi tas-settur pubbliku li joħorġu attestazzjonijiet elettroniċi tal-attributi jissodisfaw il-livell ekwivalenti ta’ dipendibbiltà u affidabbiltà ekwivalenti għal fornituri kwalifikati ta’ servizzi fiduċjarji f’konformità mal-Artikolu 24.
|
|
Artikolu 45f 3.
|
L-Istati Membri għandhom jinnotifikaw il-korpi tas-settur pubbliku msemmija fl-Artikolu 3, il-punt (46), lill-Kummissjoni. Dik in-notifika għandha tinkludi rapport ta’ valutazzjoni tal-konformità maħruġ minn korp ta’ valutazzjoni tal-konformità li jikkonferma li r-rekwiżiti stabbiliti fil-paragrafi 1, 2 u 6 ta’ dan l-Artikolu huma ssodisfati. Il-Kummissjoni għandha tagħmel disponibbli għall-pubbliku, b’mezz sigur, il-lista ta’ korpi tas-settur pubbliku msemmija fl-Artikolu 3, il-punt (46), f’forma ffirmata jew issiġillata b’mod elettroniku xierqa għall-ipproċessar awtomatizzat.
|
|
Artikolu 45f 4.
|
Meta attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku tkun ġiet revokata wara l-ħruġ inizjali, din għandha titlef il-validità tagħha mill-mument tar-revoka tagħha u l-istatus tagħha ma għandux jitreġġa’ lura.
|
|
Artikolu 45f 5.
|
Attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku għandha titqies li tkun konformi mar-rekwiżiti stabbiliti fil-paragrafu 1, meta tikkonforma mal-istandards, l-ispeċifikazzjonijiet u l-proċeduri msemmija fil-paragrafu 6.
|
|
Artikolu 45f 6.
|
Sal-21 ta’ Novembru 2024, permezz ta’ atti ta’ implimentazzjoni, il-Kummissjoni għandha tistabbilixxi lista ta’ standards ta’ referenza u, fejn neċessarju, tistabbilixxi speċifikazzjonijiet u proċeduri għall-attestazzjoni elettronika tal-attributi maħruġa minn jew f’isem korp tas-settur pubbliku responsabbli għal sors awtentiku. Dawk l-atti ta’ implimentazzjoni għandhom ikunu konsistenti mal-atti ta’ implimentazzjoni msemmija fl-Artikolu 5a(23) dwar l-implimentazzjoni tal-Kartiera Ewropea tal-Identità Diġitali. Għandhom jiġu adottati f’konformità mal-proċedura ta’ eżami msemmija fl-Artikolu 48(2).
|
|
Artikolu 45f 7.
|
Sal-21 ta’ Novembru 2024, permezz ta’ atti ta’ implimentazzjoni, il-Kummissjoni għandha tistabbilixxi lista ta’ standards ta’ referenza u, fejn neċessarju, tistabbilixxi speċifikazzjonijiet u proċeduri għall-finijiet tal-paragrafu 3 ta’ dan l-Artikolu. Dawk l-atti ta’ implimentazzjoni għandhom ikunu konsistenti mal-atti ta’ implimentazzjoni msemmija fl-Artikolu 5a(23) dwar l-implimentazzjoni tal-Kartiera Ewropea tal-Identità Diġitali. Għandhom jiġu adottati f’konformità mal-proċedura ta’ eżami msemmija fl-Artikolu 48(2).
|
|
Artikolu 45f 8.
|
Il-korpi tas-settur pubbliku msemmija fl-Artikolu 3, il-punt (46), li joħorġu attestazzjoni elettronika tal-attributi għandhom jipprovdu interfaċċa mal-Kartieri Ewropej tal-Identità Diġitali li huma previsti f’konformità mal-Artikolu 5a.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 18.10.2024 00:00:00 -Doknr: CELEX:32014R0910
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|