Il-linji gwida u r-rakkomandazzjonijiet maħruġa mill-Awtorità għandhom jissostitwixxu l-linji gwida u r-rakkomandazzjonijiet maħruġa preċedentement mill-EBA jew mis-superviżuri u mill-FIUs dwar l-istess suġġett. Dment li jkunu għadhom rilevanti, il-linji gwida u r-rakkomandazzjonijiet maħruġa mill-EBA, jew mis-superviżuri u mill-FIUs skont id-Direttiva (UE) 2015/849 tal-Parlament Eweopew u tal-Kunsill (
14
) u r-Regolament (UE) 2023/1113 għandhom jibqgħu applikabbli sakemm il-linji gwida u r-rakkomandazzjonijiet il-ġodda maħruġa mill-Awtorità dwar l-istess suġġett jibdew japplikaw. L-Awtorità għandha tipprevedi perjodu ta’ tranżizzjoni xieraq għall-applikazzjoni tal-linji gwida u r-rakkomandazzjonijiet il-ġodda.