Artikolu 3 L-ippjanar tal-istadji tal-proċess tad-deċiżjonijiet konġunti

(a)

ftehim dwar l-involviment ta' awtoritajiet kompetenti oħra u awtoritajiet kompetenti ta' pajjiżi terzi skont l-Artikolu 4;

(b)

sottomissjoni tar-rapporti SREP u r-rapporti tal-valutazzjoni tar-riskju tal-likwidità mill-awtoritajiet kompetenti rilevanti skont l-Artikolu 5 u kontribuzzjonijiet mill-awtoritajiet kompetenti l-oħra u l-awtoritajiet kompetenti ta' pajjiżi terzi skont l-Artikolu 4(2);

(c)

sottomissjoni tal-abbozz tar-rapport ta' valutazzjoni tar-riskju tal-grupp u l-abbozz tar-rapport ta' valutazzjoni tar-riskju tal-likwidità tal-grupp mis-superviżur konsolidant lill-awtoritajiet kompetenti rilevanti skont l-Artikolu 6(6) u lil awtoritajiet kompetenti oħra u awtoritajiet kompetenti ta' pajjiżi terzi skont l-Artikolu 4(3), u l-Artikolu 6(7);

(d)

djalogu bejn is-superviżur konsolidant u l-awtoritajiet kompetenti rilevanti, dwar l-abbozz tar-rapport ta' valutazzjoni tar-riskju tal-grupp u l-abbozz tar-rapport ta' valutazzjoni tar-riskju tal-likwidità tal-grupp skont l-Artikolu 7;

(e)

sottomissjoni tal-abbozz tar-rapport ta' valutazzjoni tar-riskju tal-grupp u l-abbozz tar-rapport ta' valutazzjoni tar-riskju tal-likwidità tal-grupp mis-superviżur konsolidant lill-awtoritajiet kompetenti rilevanti skont l-Artikolu 8(2) u awtoritajiet kompetenti oħra u awtoritajiet kompetenti ta' pajjiżi terzi skont l-Artikolu 4(3), u l-Artikolu 8(5);

(f)

sottomissjoni ta' kontribuzzjonijiet għall-abbozz tad-deċiżjonijiet konġunti dwar il-kapital u l-abbozz tad-deċiżjonijiet konġunti dwar il-likwidità mill-awtoritajiet kompetenti rilevanti lis-superviżur konsolidant skont l-Artikolu 9(1);

(g)

sottomissjoni tal-abbozz tad-deċiżjonijiet konġunti dwar il-kapital u dokument tal-abbozz tad-deċiżjonijiet konġunti dwar il-likwidità mis-superviżur konsolidanti lill-awtoritajiet kompetenti rilevanti skont l-Artikolu 10(6) u l-Artikolu 11(5);

(h)

konsultazzjoni dwar l-abbozz tad-deċiżjonijiet konġunti dwar il-kapital u d-dokumenti tal-abbozz tad-deċiżjonijiet konġunti dwar il-likwidità mal-istituzzjoni prinċipali tal-UE u l-istituzzjonijiet tal-grupp, fejn tkun meħtieġa mil-leġiżlazzjoni ta' Stat Membru;

(i)

djalogu bejn is-superviżur konsolidant u l-awtoritajiet kompetenti rilevanti dwar l-abbozz tad-deċiżjonijiet konġunti dwar il-kapital u l-abbozz tad-deċiżjonijiet konġunti dwar il-likwidità;

(j)

teħid tad-deċiżjonijiet konġunti dwar il-kapital u d-deċiżjonijiet konġunti dwar il-likwidità skont l-Artikolu 12;

(k)

komunikazzjoni tad-deċiżjonijiet konġunti dwar il-kapital u d-deċiżjonijiet konġunti dwar il-likwidità mis-superviżur konsolidant u l-awtoritajiet kompetenti rilevanti lill-istituzzjoni prinċipali tal-UE u l-istituzzjonijiet tal-grupp skont l-Artikolu 13;

(l)

ftehim dwar l-iskeda ta' żmien tas-sena ta' wara għall-ippjanar tal-proċess tad-deċiżjonijiet konġunti.

(a)

tirrifletti l-ambitu u l-kumplessità ta' kull kompitu, b'kunsiderazzjoni għad-daqs, l-importanza sistemika, in-natura, l-iskala u l-kumplessità tal-attivitajiet tal-grupp kif ukoll il-profil tar-riskju tiegħu;

(b)

tqis, sa fejn ikun possibbli, l-impenji tas-superviżur konsolidant u l-awtoritajiet kompetenti rilevanti skont il-programm ta' eżami superviżorju msemmi fil-punt (c) tat-tielet subparagrafu tal-Artikolu 116(1) tad-Direttiva 2013/36/UE.