Artikolu 10 1

(a)

l-ismijiet tas-superviżur konsolidant u l-awtoritajiet kompetenti rilevanti involuti fil-proċess tad-deċiżjonijiet konġunti dwar il-kapital;

(b)

l-isem tal-grupp ta' istituzzjonijiet u lista tal-istituzzjonijiet kollha fil-grupp li l-abbozz tad-deċiżjonijiet konġunti dwar il-kapital huwa marbuta magħhom u japplika għalihom;

(c)

ir-referenzi għall-liġi tal-Unjoni u dik nazzjonali applikabbli relatati mat-tħejjija, il-finalizzazzjoni u l-applikazzjoni tad-deċiżjonijiet konġunti dwar il-kapital;

(d)

id-data tal-abbozz tad-deċiżjonijiet konġunti dwar il-kapital u kull aġġornament rilevanti għalih;

(e)

il-konklużjoni dwar l-applikazzjoni tal-Artikoli 73 u 97 tad-Direttiva 2013/36/UE;

(f)

il-konklużjoni dwar l-adegwatezza tal-fondi proprji miżmuma mill-grupp ta' istituzzjonijiet f'livell konsolidat;

(g)

il-konklużjoni dwar l-adegwatezza tal-fondi proprji miżmuma minn kull istituzzjoni tal-grupp f'livell individwali;

(h)

il-konklużjoni dwar il-livell tal-fondi proprji li kull istituzzjoni tal-grupp jeħtieġ li jkollha fuq livell individwali skont il-punt (a) tal-Artikolu 104(1) tad-Direttiva 2013/36/UE;

(i)

il-konklużjoni dwar il-livell tal-fondi proprji li l-grupp ta' istituzzjonijiet jeħtieġ li jkollu f'livell konsolidat skont il-punt (a) tal-Artikolu 104(1) tad-Direttiva 2013/36/UE;

(j)

informazzjoni dwar ir-rekwiżiti prudenzjali minimi li japplikaw għal kull istituzzjoni skont l-Artikolu 92 tar-Regolament (UE) Nru 575/2013 u l-Artikoli 103, 129, 130, 131, 133 tad-Direttiva 2013/36/UE u dwar ir-rekwiżiti prudenzjali jew makroprudenzjali rilevanti oħra, linji gwida, rakkomandazzjonijiet u twissijiet;

(k)

id-data ta' referenza li l-konklużjonijiet imsemmija fil-punti (e) sa (i) huma relatati magħha;

(l)

l-iskeda ta' żmien għall-implimentazzjoni tal-konklużjonijiet imsemmija fil-punti (h) u (i), fejn applikabbli.