Artikolu 10 2

(a)

il-valutazzjoni dwar jekk l-istituzzjonijiet tal-grupp għandhomx fis-seħħ strateġiji u proċessi validi, effikaċi u kompleti biex jivvaluw, iżommu u jqassmu l-kapital intern u jekk dawn l-istrateġiji u l-proċessi humiex aġġornati;

(b)

il-valutazzjoni ta' jekk l-ammonti, it-tipi u d-distribuzzjoni ta' tali kapital intern humiex adegwati biex ikopru n-natura u l-livell tar-riskji li l-istituzzjonijiet tal-grupp huma jew jistgħu jkunu esposti għalihom;

(c)

il-valutazzjoni dwar jekk l-istituzzjonijiet tal-grupp implimentawx l-arranġamenti, l-istrateġiji, il-proċessi u l-mekkaniżmi xierqa li jikkonformaw mar-rekwiżiti kollha tad-Direttiva 2013/36/UE u r-Regolament (UE) Nru 575/2013;

(d)

il-valutazzjoni dwar jekk l-arranġamenti, l-istrateġiji, il-proċessi u l-mekkaniżmi implimentati mill-istituzzjonijiet tal-grupp jiżgurawx maniġment xieraq u kopertura tar-riskji tagħhom;

(e)

informazzjoni dwar l-applikazzjoni tal-miżuri u s-setgħat superviżorji skont l-Artikolu 102, u l-punti (b) sa (l) tal-Artikolu 104(1) tad-Direttiva 2013/36/UE biex jiġu indirizzati n-nuqqasijiet identifikati taħt il-punti (a) sa (d).