Artikolu 11 Tħejjija tal-abbozz tad-deċiżjonijiet konġunti dwar il-likwidità

(a)

l-ismijiet tas-superviżur konsolidant u l-awtoritajiet kompetenti rilevanti involuti fil-proċess tad-deċiżjonijiet konġunti dwar il-likwidità;

(b)

l-isem tal-grupp tal-istituzzjonijiet u lista tal-istituzzjonijiet kollha fil-grupp li l-abbozz tad-deċiżjonijiet konġunti dwar il-likwidità huwa marbut magħhom u tapplika għalihom;

(c)

ir-referenzi għal-liġi tal-Unjoni u dik nazzjonali applikabbli relatati mat-tħejjija, il-finalizzazzjoni u l-applikazzjoni tad-deċiżjonijiet konġunti dwar il-likwidità;

(d)

id-data tal-abbozz tad-deċiżjonijiet konġunti dwar il-likwidità u kull aġġornament rilevanti għalih;

(e)

il-konklużjoni dwar l-adegwatezza tal-likwidità għall-grupp f'livell konsolidat;

(f)

il-konklużjoni dwar l-adegwatezza tal-likwidità għal kull istituzzjoni fil-grupp f'livell individwali;

(g)

il-konklużjoni dwar il-miżuri li ttieħdu biex jiġu indirizzati xi kwistjonijiet sinifikanti u s-sejbiet materjali dwar is-superviżjoni tal-likwidità inkluż dwar l-adegwatezza tal-organizzazzjoni u t-trattament tar-riskji kif meħtieġ skont l-Artikolu 86 tad-Direttiva 2013/36/UE u li jirrigwardaw il-ħtieġa għal rekwiżiti ta' likwidità speċifiċi skont l-Artikolu 105 ta' din id-Direttiva għal kull istituzzjoni fil-grupp f'livell individwali u għall-grupp f'livell konsolidat;

(h)

l-informazzjoni dwar xi rekwiżiti prudenzjali rilevanti jew makroprudenzjali oħra, linji gwida, rakkomandazzjonijiet u twissijiet;

(i)

id-data ta' referenza li l-konklużjonijiet imsemmija fil-punti (e) sa (g) huma relatati magħha;

(j)

l-iskeda ta' żmien għall-implimentazzjoni tal-konklużjoni msemmija fil-punt (g), fejn applikabbli.

(a)

il-valutazzjoni ta' jekk l-istituzzjonijiet tal-grupp implimentawx strateġiji, politiki, proċessi u sistemi msaħħa għall-identifikazzjoni, il-kejl, il-maniġment u l-monitoraġġ tar-riskju tal-likwidità fuq termini xierqa ta' żmien;

(b)

il-valutazzjoni dwar jekk il-likwidità miżmuma mill-istituzzjonijiet tal-grupp f'livell individwali u l-grupp f'livell konsolidat tipprovdix kopertura suffiċjenti tar-riskji tal-likwidità;

(c)

il-valutazzjoni dwar jekk l-istituzzjonijiet tal-grupp implimentawx arranġamenti, strateġiji, proċessi u mekkaniżmi xierqa li jikkonformaw mar-rekwiżiti tad-Direttiva 2013/36/UE u r-Regolament (UE) Nru 575/2013.