Artikolu 2 Definizzjonijiet

“riżoluzzjoni” tfisser l-applikazzjoni ta' għodda ta' riżoluzzjoni jew ta' għodda msemmija fl-Artikolu 26(7) sabiex jinkiseb wieħed jew aktar mill-objettivi ta' riżoluzzjoni msemmijin fl-Artikolu 18(2);

“impriża tal-assigurazzjoni” tfisser impriża tal-assigurazzjoni kif iddefinita fl-Artikolu 13, il-punt (1), tad-Direttiva 2009/138/KE;

“impriża tar-riassigurazzjoni” tfisser impriża tar-riassigurazzjoni kif iddefinita fl-Artikolu 13, il-punt (4), tad-Direttiva 2009/138/KE;

“kumpanija holding tal-assigurazzjoni” tfisser kumpanija holding tal-assigurazzjoni kif iddefinita fl-Artikolu 212(1), il-punt (f), tad-Direttiva 2009/138/KE;

“kumpanija holding finanzjarja mħallta” tfisser kumpanija holding finanzjarja mħallta kif iddefinita fl-Artikolu 2, il-punt (15), tad-Direttiva 2002/87/KE;

“kumpanija holding prinċipali tal-assigurazzjoni fi Stat Membru” tfisser kumpanija holding tal-assigurazzjoni li hija stabbilita fi Stat Membru u li ma hijiex impriża sussidjarja ta' impriża tal-assigurazzjoni jew tar-riassigurazzjoni, ta' kumpanija holding tal-assigurazzjoni jew ta' kumpanija holding finanzjarja mħallta awtorizzata jew stabbilita fl-istess Stat Membru;

“kumpanija holding prinċipali tal-assigurazzjoni tal-Unjoni” tfisser kumpanija holding prinċipali tal-assigurazzjoni fi Stat Membru li ma hijiex impriża sussidjarja ta' impriża tal-assigurazzjoni jew tar-riassigurazzjoni, kumpanija holding tal-assigurazzjoni oħra jew kumpanija holding finanzjarja mħallta awtorizzata jew stabbilita fi kwalunkwe Stat Membru;

“kumpanija holding finanzjarja mħallta prinċipali fi Stat Membru” tfisser kumpanija holding finanzjarja mħallta li hija stabbilita fi Stat Membru, u li ma hijiex hija stess impriża sussidjarja ta' impriża tal-assigurazzjoni jew tar-riassigurazzjoni, kumpanija holding tal-assigurazzjoni jew kumpanija holding finanzjarja mħallta awtorizzata jew stabbilita f'dak l-istess Stat Membru;

“kumpanija holding finanzjarja mħallta prinċipali fl-Unjoni” tfisser kumpanija holding finanzjarja mħallta prinċipali fi Stat Membru li ma tkunx impriża sussidjarja ta' impriża awtorizzata fi kwalunkwe Stat Membru jew ta' kumpanija holding tal-assigurazzjoni oħra jew ta' kumpanija holding finanzjarja mħallta stabbilita fi kwalunkwe Stat Membru;

“grupp” tfisser grupp kif definit fl-Artikolu 212(1), il-punt (c) tad-Direttiva 2009/138/KE;

“objettivi ta' riżoluzzjoni” tfisser l-objettivi ta' riżoluzzjoni msemmijin fl-Artikolu 18(2);

“awtorità ta' riżoluzzjoni” tfisser awtorità maħtura minn Stat Membru f'konformità mal-Artikolu 3;

“awtorità superviżorja” tfisser awtorità superviżorja kif iddefinita fl-Artikolu 13, il-punt (10), tad-Direttiva 2009/138/KE;

“għodda ta' riżoluzzjoni” tfisser għodda ta' riżoluzzjoni msemmija fl-Artikolu 26(3);

“setgħa ta' riżoluzzjoni” tfisser setgħa imsemmija fl-Artikoli 42 sa 54;

“ministeri kompetenti” tfisser ministeri għall-finanzi jew ministeri oħrajn tal-Istati Membri li huma responsabbli għal deċiżjonijiet ekonomiċi, finanzjarji u baġitarji fil-livell nazzjonali f'konformità mal-kompetenzi nazzjonali u li ġew maħtura f'konformità mal-Artikolu 3(7);

“maniġment superjuri” tfisser il-persuna jew il-persuni li effettivament imexxu l-impriża u li jkunu responsabbli, u jagħtu kont lill-korp amministrattiv, maniġerjali jew superviżorju għall-ġestjoni ta' kuljum tal-impriża;

“grupp transfruntier” tfisser grupp li għandu entitajiet fi grupp stabbiliti f'aktar minn Stat Membru wieħed;

“għajnuna finanzjarja pubblika straordinarja” tfisser għajnuna mill-Istat skont it-tifsira tal-Artikolu 107(1) TFUE, jew kwalunkwe appoġġ finanzjarju pubbliku ieħor fil-livell supranazzjonali, li jekk jiġi pprovdut fil-livell nazzjonal, ikun jikkostitwixxi għajnuna mill-Istat mogħtija biex tippreserva jew tirrestawra l-vijabbiltà, il-likwidità jew is-solvenza ta' entità msemmija fl-Artikolu 1(1), il-punti (a) sa (e), jew ta' grupp li tali entità tagħmel parti minnu;

“entità fi grupp” tfisser persuna ġuridika li hija parti minn grupp;

“superviżur tal-grupp” tfisser superviżur tal-grupp kif iddefiniti fl-Artikolu 212(1), il-punt (d), tad-Direttiva 2009/138/KE;

“pjan ta' rkupru preventiv” tfisser pjan ta' rkupru preventiv imfassal u sostnut f'konformità mal-Artikolu 5;

“pjan ta' rkupru preventiv ta' grupp” tfisser pjan ta' rkupru preventiv ta' grupp imfassal u sostnut f'konformità mal-Artikolu 7;

“attivitajiet transfruntiera sinifikanti” tfisser attivitajiet transfruntiera sinifikanti kif iddefiniti fl-Artikolu 152aa(1) tad-Direttiva 2009/138/KE;

“funzjonijiet kritiċi” tfisser attivitajiet, servizzi jew operazzjonijiet imwettqin minn impriża tal-assigurazzjoni jew tar-riassigurazzjoni għal partijiet terzi li ma jistgħux jiġu ssostitwiti fi żmien raġonevoli jew b'kost raġonevoli, u fejn l-inabbiltà tal-impriża tal-assigurazzjoni jew tar-riassigurazzjoni li twettaq l-attivitajiet, is-servizzi jew l-operazzjonijiet x'aktarx li jkollha impatt sinifikanti fuq is-sistema finanzjarja jew fuq l-ekonomija reali fi Stat Membru wieħed jew aktar, inkluż, b'mod partikolari, l-impatt li jirriżulta mill-effetti fuq il-benesseri soċjali ta' għadd kbir ta' detenturi ta' poloz, ta' benefiċjarji jew ta' partijiet li ġarrbu dannu jew minn tfixkil sistemiku jew telf ta' fiduċja ġenerali fil-forniment ta' servizzi tal-assigurazzjoni;

“linji ta' negozju ewlenin” tfisser linji operatorji u servizzi assoċjati li jirrappreżentaw sorsi materjali ta' dħul, ta' profitt jew ta' valur ta' franchise għal impriża tal-assigurazzjoni jew tar-riassigurazzjoni jew għal grupp li impriża tal-assigurazzjoni jew tar-riassigurazzjoni tifforma parti minnu;

“arranġament ta' finanzjament” tfisser arranġament stabbilit minn Stat Membru f'konformità mal-Artikolu 81 biex tiġi żgurata l-applikazzjoni effettiva mill-awtorità tar-riżoluzzjoni tal-għodod ta' riżoluzzjoni u l-eżerċizzju effettiv tas-setgħat ta' riżoluzzjoni;

“fondi proprji” tfisser fondi kif previst mill-Artikolu 87 tad-Direttiva 2009/138/KE;

“azzjoni ta' riżoluzzjoni” tfisser deċiżjoni għat-tqegħid ta' kwalunkwe entità msemmija fl-Artikolu 1(1), il-punti (a) sa (e), taħt riżoluzzjoni skont l-Artikolu 19 jew 20, għall-applikazzjoni ta' għodda ta' riżoluzzjoni jew għall-eżerċizzju ta' setgħa jew setgħat ta' riżoluzzjoni;

“pjan ta' riżoluzzjoni” tfisser pjan ta' riżoluzzjoni għal impriża tal-assigurazzjoni jew tar-riassigurazzjoni mfassal f'konformità mal-Artikolu 9;

“riżoluzzjoni ta' grupp” tfisser waħda minn dawn li ġejjin:

“pjan ta' riżoluzzjoni ta' grupp” tfisser pjan għal riżoluzzjoni ta' grupp imfassal f'konformità mal-Artikoli 10 u 11;

“awtorità ta' riżoluzzjoni fil-livell ta' grupp” tfisser l-awtorità ta' riżoluzzjoni fl-Istat Membru fejn ikun jinsab is-superviżur ta' grupp;

“skema ta' riżoluzzjoni ta' grupp” tfisser pjan imfassal għall-fini ta' riżoluzzjoni ta' grupp f'konformità mal-Artikolu 73;

“kulleġġ ta' riżoluzzjoni” tfisser kulleġġ stabbilit skont l-Artikolu 70;

“kulleġġ ta' riżoluzzjoni Ewropew” tfisser kulleġġ stabbilit f'konformità mal-Artikolu 71;

“kumpanija holding tal-assigurazzjoni b'attività mħallta” tfisser kumpanija holding tal-assigurazzjoni b'attività mħallta kif iddefinita fl-Artikolu 212(1), il-punt (g), tad-Direttiva 2009/138/KE;

“proċedimenti normali ta' insolvenza” tfisser il-proċedimenti ta' insolvenza kollettivi li jinvolvu l-iżvestiment parzjali jew totali ta' debitur u l-ħatra ta' likwidatur jew ta' amministratur normalment applikabbli għall-impriżi tal-assigurazzjoni u tar-riassigurazzjoni skont il-liġi nazzjonali u speċifiċi għal dawk l-impriżi jew inkella applikabbli b'mod ġenerali għal kwalunkwe persuna fiżika jew ġuridika;

“strumenti ta' dejn” tfisser bonds u forom oħrajn ta' dejn trasferibbli, strumenti li joħolqu jew jirrikonoxxu dejn, u strumenti li jagħtu drittijiet għall-akkwist ta' strumenti ta' dejn;

“klejm lill-assigurazzjoni” tfisser klejm lill-assigurazzjoni kif iddefinita fl-Artikolu 268(1), il-punt (g), tad-Direttiva 2009/138/KE;

“impriża prinċipali” tfisser impriża prinċipali, kif iddefinita fl-Artikolu 13, il-punt (15), tad-Direttiva 2009/138/KE;

“qafas tal-Unjoni dwar l-għajnuna mill-Istat” tfisser il-qafas stabbilit bl-Artikoli 107, 108 u 109 TFUE u regolamenti u l-atti kollha tal-Unjoni, inkluż il-linji gwida, il-komunikazzjonijiet u l-avviżi, magħmulin jew adottati skont l-Artikolu 108(4) jew l-Artikolu 109 TFUE;

“stralċ” tfisser ir-realizzazzjoni tal-assi ta' entità msemmija fl-Artikolu 1(1), il-punti (a) sa (e);

“għodda ta' separazzjoni tal-assi u tal-obbligazzjonijiet” tfisser il-mekkaniżmu li bih jitwettaq trasferiment minn awtorità ta' riżoluzzjoni ta' assi, ta' drittijiet jew ta' obbligazzjonijiet ta' impriża taħt riżoluzzjoni lil veikolu tal-immaniġġar tal-assi u tal-obbligazzjonijiet f'konformità mal-Artikolu 30;

“veikolu tal-immaniġġar tal-assi u tal-obbligazzjonijiet” tfisser persuna ġuridika li tissodisfa r-rekwiżiti stabbiliti fl-Artikolu 30(2);

“għodda ta' valwazzjoni negattiva jew ta' konverżjoni” tfisser il-mekkaniżmu li bih jitwettaq l-eżerċizzju minn awtorità tar-riżoluzzjoni tas-setgħat ta' valwazzjoni negattiva jew ta' konverżjoni fir-rigward ta' obbligazzjonijiet ta' impriża taħt riżoluzzjoni f'konformità mal-Artikolu 35;

“għodda ta' bejgħ ta' negozju” tfisser il-mekkaniżmu li bih jitwettaq trasferiment minn awtorità ta' riżoluzzjoni ta' ishma jew ta' strumenti oħrajn ta' sjieda maħruġin minn impriża taħt riżoluzzjoni, jew assi, drittijiet jew obbligazzjonijiet ta' impriża taħt riżoluzzjoni lil akkwirent li ma jkunx impriża tranżitorja, f'konformità mal-Artikolu 31;

“impriża tranżitorja” tfisser persuna ġuridika li tissodisfa r-rekwiżiti stipulati fl-Artikolu 32(2);

“għodda ta' impriża tranżitorja” tfisser il-mekkaniżmu għat-trasferiment ta' ishma jew ta' strumenti oħrajn ta' sjieda maħruġa minn impriża taħt riżoluzzjoni jew ta' assi, ta' drittijiet jew ta' obbligazzjonijiet ta' impriża taħt riżoluzzjoni lil impriża tranżitorja, f'konformità mal-Artikolu 32;

“għodda ta' run-off solventi” tfisser il-mekkaniżmu għall-projbizzjoni ta' impriża taħt riżoluzzjoni milli tikkonkludi kuntratti ġodda tal-assigurazzjoni jew tar-riassigurazzjoni u sabiex tiġi limitata l-attività tagħha għall-amministrazzjoni esklużiva tal-portafoll eżistenti tagħha sat-terminazzjoni tal-attivitajiet u l-istralċ tagħha skont proċedimenti normali ta' insolvenza f'konformità mal-Artikolu 27;

“strumenti ta' sjieda” tfisser ishma, strumenti oħrajn li jagħtu s-sjieda, strumenti li jistgħu jiġu kkonvertiti jew jagħtu d-dritt ta' akkwist ta' ishma jew ta' strumenti oħrajn ta' sjieda, u ta' strumenti li jirrappreżentaw interessi f'ishma jew fi strumenti oħrajn ta' sjieda;

“azzjonist” tfisser detentur ta' strumenti ta' sjieda;

“setgħat ta' trasferiment” tfisser is-setgħat speċifikati fl-Artikolu 42(1), il-punt (e) jew (f), ta' trasferiment ta' ishma, ta' strumenti oħrajn ta' sjieda, ta' strumenti ta' dejn, ta' assi, ta' drittijiet jew ta' obbligazzjonijiet, jew kwalunkwe taħlita ta' dawk l-elementi minn impriża taħt riżoluzzjoni għal għand benefiċjarju;

“kontroparti ċentrali” (CCP) tfisser CCP kif iddefinita fl-Artikolu 2, il-punt (1), tar-Regolament (UE) Nru 648/2012 tal-Parlament Ewropew u tal-Kunsill (14);

“derivat” tfisser derivat kif iddefinit fl-Artikolu 2, il-punt (5), tar-Regolament (UE) Nru 648/2012;

“setgħat ta' valwazzjoni negattiva jew ta' konverżjoni” tfisser is-setgħat imsemmijin fl-Artikolu 35(2) u fl-Artikolu 42(1), il-punti (g) sa (k);

“obbligazzjoni garantita” tfisser obbligazzjoni fejn id-dritt tal-kreditur għall-ħlas jew forma oħra ta' prestazzjoni huwa garantit b'imposta, bi pleġġ jew b'rahan, jew b'arranġamenti kollaterali li jinkludu obbligazzjonijiet li jirriżultaw minn tranżazzjonijiet ta' riakkwist u arranġamenti kollaterali oħrajn bi trasferiment ta' titlu;

“strumenti tal-Grad 1” tfisser entrati ta' fondi proprji bażiċi li jissodisfaw il-kundizzjonijiet stabbiliti fl-Artikolu 94(1) tad-Direttiva 2009/138/KE;

“strumenti tal-Grad 2” tfisser entrati ta' fondi proprji bażiċi u anċillari li jissodisfaw il-kundizzjonijiet stabbiliti fl-Artikolu 94(2) tad-Direttiva 2009/138/KE;

“strumenti tal-Grad 3” tfisser entrati ta’ fondi proprji bażiċi u anċillari li jissodisfaw il-kundizzjonijiet stabbiliti fl-Artikolu 94(3) tad-Direttiva 2009/138/KE;

“obbligazzjonijiet eliġibbli” tfisser l-obbligazzjonijiet u l-istrumenti kapitali li ma jikkwalifikawx bħala strumenti tal-Grad 1, tal-Grad 2 jew tal-Grad 3 ta' entità msemmija fl-Artikolu 1(1), il-punti (a) sa (e), u li ma humiex esklużi mill-kamp ta' applikazzjoni tal-għodda ta' valwazzjoni negattiva jew ta' konverżjoni skont l-Artikolu 35(5) sa (8);

“skema ta' garanzija tal-assigurazzjoni” tfisser skema rikonoxxuta uffiċjalment minn Stat Membru u ffinanzjata permezz ta' kontribuzzjonijiet minn impriżi tal-assigurazzjoni jew tar-riassigurazzjoni jew detenturi ta' poloz li tiggarantixxi l-ħlas ta' klejms eliġibbli lill-assigurazzjoni, parzjalment jew kompletament, lil detenturi ta' poloz eliġibbli, lil partijiet assigurati u lil benefiċjarji eliġibbli, jew li tiżgura l-kontinwazzjoni ta' poloz tal-assigurazzjoni meta impriża tal-assigurazzjoni ma tkunx tista' jew x'aktarx ma tkunx tista' tissodisfa l-obbligi u l-impenji tagħha li jirriżultaw mill-kuntratti tal-assigurazzjoni tagħha;

“strumenti kapitali rilevanti” tfisser strumenti tal-Grad 1, tal-Grad 2 jew tal-Grad 3;

“rata ta' konverżjoni” tfisser il-fattur li jiddetermina l-għadd ta' ishma jew ta' strumenti oħrajn ta' sjieda li fihom ser tiġi kkonvertita obbligazzjoni ta' klassi speċifika, b'referenza jew għal strument uniku tal-klassi inkwistjoni jew għal unità speċifika tal-valur tal-pretensjoni ta' debitu;

“kreditur affettwat” tfisser kreditur li l-klejm tiegħu tirrelata ma' obbligazzjoni li tnaqqset jew li ġiet ikkonvertita f'ishma jew fi strumenti oħrajn ta' sjieda permezz tal-eżerċizzju tas-setgħa ta' valwazzjoni negattiva jew ta' konverżjoni skont l-użu tal-għodda ta' valwazzjoni negattiva jew ta' konverżjoni;

“benefiċjarju” tfisser l-entità li lilha jiġu ttrasferiti ishma, strumenti oħrajn ta' sjieda, strumenti ta' dejn, assi, drittijiet jew obbligazzjonijiet, jew kwalunkwe taħlita ta' dawk l-elementi minn impriża taħt riżoluzzjoni;

“jum ta' negozju” tfisser jum għajr is-Sibt, il-Ħadd jew vaganza pubblika fl-Istat Membru kkonċernat;

“dritt tat-terminazzjoni” tfisser dritt li jiġi tterminat kuntratt, dritt ta' aċċellerazzjoni, ta' saldu, ta' tpaċija jew ta' netting ta' obbligazzjonijiet jew ta' kwalunkwe dispożizzjoni simili li tissospendi, timmodifika jew ittemm obbligu ta' parti għall-kuntratt jew dispożizzjoni li tipprevjeni obbligu taħt il-kuntratt li kien jirriżulta f'sitwazzjonijiet oħrajn;

“impriża taħt riżoluzzjoni” tfisser kwalunkwe waħda mill-entitajiet imsemmijin fl-Artikolu 1(1), il-punti (a) sa (e), li fir-rigward tagħhom tittieħed azzjoni ta' riżoluzzjoni;

“impriża omm apikali” tfisser impriża prinċipali fi Stat Membru, ta' grupp li huwa soġġett għal superviżjoni ta' grupp f'konformità mal-Artikolu 213(2), il-punt (a) jew (b), tad-Direttiva 2009/138/KE, li ma hijiex impriża sussidjarja ta' impriża oħra tal-assigurazzjoni jew tar-riassigurazzjoni, kumpanija holding jew kumpanija holding finanzjarja mħallta li hija awtorizzata u stabbilita fi kwalunkwe Stat Membru;

“impriża tal-assigurazzjoni jew tar-riassigurazzjoni ta' pajjiż terz” tfisser impriża tal-assigurazzjoni ta' pajjiż terz jew impriża tar-riassigurazzjoni li tinsab f'pajjiż terz kif iddefiniti fl-Artikolu 13, il-punti (3) u (6), tad-Direttiva 2009/138/KE;

“proċedimenti ta' riżoluzzjoni ta' pajjiż terz” tfisser azzjoni skont il-liġi ta' pajjiż terz sabiex jiġi mmaniġġat il-falliment ta' impriża tal-assigurazzjoni jew tar-riassigurazzjoni ta' pajjiż terz jew ta' impriża prinċipali ta' pajjiż terz li tkun komparabbli, f'termini ta' objettivi u ta' riżultati antiċipati, għal azzjonijiet ta' riżoluzzjoni skont din id-Direttiva;

“fergħa fl-Unjoni ta' impriża ta' pajjiż terz” tfisser fergħa ta' impriża tal-assigurazzjoni jew tar-riassigurazzjoni ta' pajjiż terz li tkun tinsab fi Stat Membru;

“awtorità ta' pajjiż terz rilevanti” tfisser awtorità ta' pajjiż terz responsabbli sabiex twettaq funzjonijiet komparabbli ma' dawk tal-awtoritajiet ta' riżoluzzjoni jew tal-awtoritajiet superviżorji skont din id-Direttiva;

“arranġament kollaterali finanzjarju dwar trasferiment ta' titlu” tfisser arranġament kollaterali finanzjarju dwar trasferiment ta' titlu kif iddefinit fl-Artikolu 2(1), il-punt (b), tad-Direttiva 2002/47/KE tal-Parlament Ewropew u tal-Kunsill (15);

“arranġament ta' netting” tfisser arranġament li bis-saħħa tiegħu għadd ta' klejms jew ta' obbligi jistgħu jiġu kkonvertiti fi klejm unika netta, inkluż arranġamenti ta' close-out netting li bis-saħħa tagħhom, meta jseħħ avveniment ta' infurzar (irrispettivament minn kif jew fejn jiġi ddefinit) l-obbligi tal-partijiet jiġu aċċellerati b'mod li jsiru dovuti jew jiġu tterminati immedjatament, u fiż-żewġ każijiet jiġu kkonvertiti fi, jew jiġu ssostitwiti bi, klejm unika netta, inkluż id-“dispożizzjonijiet dwar il-close-out netting” kif iddefiniti fl-Artikolu 2(1), il-punt (n)(i), tad-Direttiva 2002/47/KE u t-“totalizzar” (netting) kif iddefinit fl-Artikolu 2, il-punt (k), tad-Direttiva 98/26/KE;

“arranġament ta' tpaċija” tfisser arranġament li fih żewġ klejms jew żewġ obbligazzjonijiet, jew aktar, dovuti bejn l-impriża taħt riżoluzzjoni u kontroparti jistgħu jiġu paċuti b'xulxin;

“kuntratti finanzjarji” tfisser kuntratti finanzjarji kif iddefiniti fl-Artikolu 2(1), il-punt (100), tad-Direttiva 2014/59/UE;

“miżura ta' prevenzjoni ta' kriżijiet” tfisser l-eżerċizzju tas-setgħat sabiex impriża tiġi diretta biex tindirizza n-nuqqasijiet jew l-impedimenti għall-irkuprabbiltà skont l-Artikolu 6(5) ta' din id-Direttiva, l-eżerċizzju tas-setgħat sabiex jiġu indirizzati jew jitneħħew l-impedimenti għar-riżolvibbiltà skont l-Artikolu 15 jew 16 ta' din id-Direttiva, l-applikazzjoni ta' kwalunkwe miżura skont l-Artikolu 137, l-Artikolu 138(3) u (5), l-Artikolu 139(3) u l-Artikolu 140 tad-Direttiva 2009/138/KE u l-applikazzjoni ta' miżura preventiva skont l-Artikolu 141 tad-Direttiva 2009/138/KE;

“miżura għall-ġestjoni ta' kriżijiet” tfisser azzjoni ta' riżoluzzjoni, il-ħatra ta' maniġer speċjali skont l-Artikolu 44 jew il-ħatra ta' persuna skont l-Artikolu 54(1);

“awtorità makroprudenzjali nazzjonali maħtura” tfisser l-awtorità inkarigata bit-tmexxija tal-politika makroprudenzjali msemmija fir-Rakkomandazzjoni B1 tal-Bord Ewropew dwar ir-Riskju Sistemiku tat-22 ta' Diċembru 2011 dwar il-mandat makroprudenzjali tal-awtoritajiet nazzjonali (BERS/2011/3);

“suq regolat” tfisser suq regolat kif iddefinit fl-Artikolu 4(1), il-punt (21) tad-Direttiva 2014/65/UE tal-Parlament Ewropew u tal-Kunsill (16).

“istituzzjoni ta' kreditu” tfisser istituzzjoni ta' kreditu kif iddefinita fl-Artikolu 4(1), il-punt (1), tar-Regolament (UE) Nru 575/2013 tal-Parlament Ewropew u tal-Kunsill (17);

“ditta ta' investiment” tfisser ditta ta' investiment kif iddefinita fl-Artikolu 4(1), il-punt (2), tar-Regolament (UE) Nru 575/2013;

“impriża żgħira u mhux kumplessa” tfisser impriża żgħira u mhux kumplessa kif iddefinita fl-Artikolu 13, il-punt (10a), tad-Direttiva 2009/138/KE;

“fornitur ta' servizzi essenzjali” tfisser entità li tipprovdi oġġetti jew servizzi, bħal servizzi tal-IT, utilitajiet u l-kiri, il-manutenzjoni u ż-żamma tal-bini, li huma meħtieġa biex jinżamm il-funzjonament kontinwu tal-operazzjonijiet ta' impriża tal-assigurazzjoni jew tar-riassigurazzjoni, jew li huma meħtieġa biex tiġi żgurata l-kontinwità tal-kopertura tal-assigurazzjoni, u li hija parti mill-istess grupp bħal dik l-impriża;

“impriża sussidjarja” tfisser impriża sussidjarja kif iddefinita fl-Artikolu 13, il-punt (16), tad-Direttiva 2009/138/KE;

“impriża sussidjarja tal-Unjoni” tfisser impriża tal-assigurazzjoni jew tar-riassigurazzjoni li jkollha l-uffiċċju prinċipali tagħha fi Stat Membru u li tkun impriża sussidjarja ta' impriża tal-assigurazzjoni jew tar-riassigurazzjoni ta' pajjiż terz jew impriża prinċipali ta' pajjiż terz;

“fergħa” tfisser fergħa kif iddefinita fl-Artikolu 13, il-punt (11), tad-Direttiva 2009/138/KE;

“korp amministrattiv, maniġerjali jew superviżorju” tfisser korp amministrattiv, maniġerjali jew superviżorju kif iddefinit fl-Artikolu 1, il-punt (43), tar-Regolament ta' Delega tal-Kummissjoni (UE) 2015/35 (18);

“konglomerat finanzjarju” tfisser konglomerat finanzjarju kif iddefinit fl-Artikolu 2, il-punt (14), tad-Direttiva 2002/87/KE.