Artikolu 4 Obbligi simplifikati għal ċerti impriżi

1.   Filwaqt li jitqies l-impatt li l-falliment ta' impriża tal-assigurazzjoni jew tar-riassigurazzjoni jista' jkollu, minħabba n-natura tan-negozju tagħha, l-istruttura tal-parteċipazzjoni azzjonarja tagħha, il-forma ġuridika tagħha, il-profil tar-riskju, id-daqs u l-istatus legali tagħha, l-interkonnettività tagħha ma' impriżi regolati oħrajn jew mas-sistema finanzjarja b'mod ġenerali, l-ambitu u l-kumplessità tal-attivitajiet tagħha, u jekk ikunx probabbli li l-falliment u l-istralċ sussegwenti tagħha skont proċedimenti normali ta' insolvenza jkollhom effett negattiv sinifikanti fuq is-swieq finanzjarji, fuq impriżi oħrajn, fuq id-detenturi ta' poloz, fuq il-kundizzjonijiet ta' finanzjament, jew fuq l-ekonomija usa', l-Istati Membri għandhom jiżguraw li l-awtoritajiet superviżorji u ta' riżoluzzjoni jiddeterminaw jekk jistgħux japplikaw obbligi simplifikati għal ċerti impriżi u gruppi tal-assigurazzjoni u tar-riassigurazzjoni fir-rigward ta':

2.   Sad-29 ta’ Lulju 2027, l-EIOPA għandha toħroġ linji gwida f'konformità mal-Artikolu 16 tar-Regolament (UE) Nru 1094/2010 biex tispeċifika aktar dettalji dwar il-kriterji msemmijin fil-paragrafu 1, il-parti introduttorja, ta’ dan l-Artikolu.

3.   L-Istati Membri għandhom jirrikjedu li l-awtoritajiet superviżorji jew l-awtoritajiet ta' riżoluzzjoni, kif applikabbli, jipprovdu lill-EIOPA, fuq bażi annwali u għal kull Stat Membru separatament, bl-informazzjoni kollha li ġejja:

4.   L-EIOPA għandha tiżvela pubblikament, fuq bażi annwali u għal kull Stat Membru separatament, l-informazzjoni msemmija fil-paragrafu 3, il-punti (a) sa (d), flimkien ma' valutazzjoni ta' kwalunkwe diverġenza rigward l-implimentazzjoni tal-paragrafu 1 fil-livell nazzjonali.