Artikolu 10 2

(a)

jkun fih l-azzjonijiet ta' riżoluzzjoni li għandhom jittieħdu fir-rigward ta' kull entità fejn ser ikunu neċessarji miżuri sabiex tiġi żgurata l-kontinwità tal-funzjonijiet kritiċi;

(b)

jeżamina sa liema punt jistgħu jiġu applikati l-għodod ta' riżoluzzjoni u jiġu eżerċitati s-setgħat ta' riżoluzzjoni b'mod koordinat u jidentifika kwalunkwe impediment potenzjali għal riżoluzzjoni koordinata;

(c)

fejn grupp fih entitajiet inkorporati f'pajjiżi terzi, jidentifika arranġamenti adegwati għall-kooperazzjoni u għall-koordinazzjoni mal-awtoritajiet rilevanti ta' dawk il-pajjiżi terzi u l-implikazzjonijiet għar-riżoluzzjoni fl-Unjoni;

(d)

jidentifika miżuri, inkluż is-separazzjoni ġuridika u ekonomika ta' funzjonijiet jew ta' linji operatorji partikolari, li huma neċessarji sabiex tiġi ffaċilitata r-riżoluzzjoni ta' grupp, filwaqt li jitqiesu l-interdipendenzi fil-grupp;

(e)

jidentifika s-sorsi disponibbli ta' finanzjament għall-finanzjament tal-azzjonijiet ta' riżoluzzjoni ta' grupp u, fejn ikun meħtieġ l-użu ta' skemi ta' garanzija tal-assigurazzjoni jew ta' kwalunkwe arranġament ta' finanzjament, jistabbilixxi l-prinċipji għall-kondiviżjoni tar-responsabbiltà għal dak il-finanzjament bejn is-sorsi ta' finanzjament fi Stati Membri differenti, filwaqt li ma jassumi l-ebda għajnuna finanzjarja pubblika straordinarja;

(f)

fih l-elementi stabbiliti fl-Artikolu 9(6).