Artikolu 10 Pjanijiet ta' riżoluzzjoni ta' grupp

1.   L-Istati Membri għandhom jiżguraw li l-awtoritajiet ta' riżoluzzjoni fil-livell tal-grupp ikollhom is-setgħa li jfasslu pjanijiet ta' riżoluzzjoni ta' grupp għal gruppi li huma soġġetti għall-ippjanar ta' riżoluzzjoni abbażi tal-kundizzjonijiet stabbiliti fl-Artikolu 9(2).

2.   Il-pjan ta' riżoluzzjoni ta' grupp għandu:

3.   L-awtorità ta' riżoluzzjoni fil-livell tal-grupp għandha tittrażmetti l-pjanijiet ta' riżoluzzjoni ta' grupp u kwalunkwe bidla fihom lill-awtoritajiet superviżorji kkonċernati u, meta l-grupp ikun konglomerat finanzjarju, jew ikun parti minnu, lill-awtorità ta' riżoluzzjoni rilevanti maħtura f'konformità mal-Artikolu 3 tad-Direttiva 2014/59/UE u lill-awtorità kompetenti kif definita fl-Artikolu 4(1), il-punt (40), tar-Regolament (UE) Nru 575/2013.

4.   L-awtoritajiet ta' riżoluzzjoni jistgħu jfasslu pjanijiet ta' riżoluzzjoni għall-impriżi sussidjarji tal-assigurazzjoni jew tar-riassigurazzjoni jew għall-entitajiet imsemmija fl-Artikolu 1(1), il-punti (c) u (d), fejn ma jkun jeżisti l-ebda pjan ta' riżoluzzjoni ta' grupp.

5.   Meta jfasslu l-pjanijiet ta' riżoluzzjoni, l-awtoritajiet ta' riżoluzzjoni tal-impriżi sussidjarji tal-Unjoni jistgħu jqisu l-istrateġija ta' riżoluzzjoni segwita mill-awtoritajiet ta' pajjiżi terzi kkonċernati għall-gruppi li għalihom huma responsabbli dawk l-awtoritajiet ta' riżoluzzjoni.

Jekk l-awtorità ta' riżoluzzjoni tqis li tali strateġija ta' riżoluzzjoni tkun kredibbli u fattibbli, hija tista' tirrifletti b'mod xieraq dik l-istrateġija ta' riżoluzzjoni u l-konsegwenzi possibbli tagħha għall-impriża sussidjarja tal-Unjoni kkonċernata fil-pjan ta' riżoluzzjoni tagħha. Dan ma għandux iqiegħed f'riskju l-kisba tal-objettivi ta' riżoluzzjoni msemmija fl-Artikolu 18.

6.   L-EIOPA għandha tiżviluppa abbozz ta' standards tekniċi regolatorji li jispeċifikaw il-kontenut tal-pjanijiet ta' riżoluzzjoni ta' grupp, billi tqis id-diversità tal-mudelli ta' negozju tal-gruppi fis-suq intern.

L-EIOPA għandha tippreżenta dawk l-abbozzi ta' standards tekniċi regolatorji lill-Kummissjoni sad-29 ta’ Lulju 2026.

Il-Kummissjoni qed tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmijin fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1094/2010.