Artikolu 12 Informazzjoni għall-fini tal-pjanijiet ta' riżoluzzjoni u għall-kooperazzjoni tal-impriża tal-assigurazzjoni jew tar-riassigurazzjoni

1.   L-Istati Membri għandhom jiżguraw li l-awtoritajiet ta' riżoluzzjoni jkollhom is-setgħa li jitolbu lill-impriżi tal-assigurazzjoni u tar-riassigurazzjoni jew lill-impriża omm apikali, kif applikabbli, sabiex:

2.   L-awtoritajiet superviżorji fl-Istati Membri kkonċernati għandhom jikkooperaw mal-awtoritajiet ta' riżoluzzjoni sabiex jivverifikaw jekk xi informazzjoni jew l-informazzjoni kollha msemmija fil-paragrafu 1 hijiex diġà disponibbli u għandhom jipprovdu dik l-informazzjoni lil dawk l-awtoritajiet ta' riżoluzzjoni. L-awtoritajiet ta' riżoluzzjoni għandhom jiksbu din l-informazzjoni kollha rilevanti kollha mingħand l-awtoritajiet superviżorji qabel ma jitolbu informazzjoni mingħand l-impriżi tal-assigurazzjoni u tar-riassigurazzjoni.

3.   L-EIOPA għandha tiżviluppa abbozzi ta' standards tekniċi ta' implimentazzjoni sabiex tispeċifika l-proċeduri u sett minimu ta' formoli u ta' mudelli standard għall-għoti tal-informazzjoni skont dan l-Artikolu, u sabiex tispeċifika l-kontenut ta' tali informazzjoni.

L-EIOPA għandha tippreżenta dawk l-abbozzi ta' standards tekniċi ta' implimentazzjoni lill-Kummissjoni sad-29 ta’ Lulju 2026.

Il-Kummissjoni tingħata s-setgħa li tadotta l-istandards tekniċi ta' implimentazzjoni msemmijin fl-ewwel subparagrafu f'konformità mal-Artikolu 15 tar-Regolament (UE) Nru 1094/2010.