Artikolu 14 Valutazzjoni tar-riżolvibbiltà għall-gruppi

1.   L-Istati Membri għandhom jiżguraw li l-awtoritajiet ta' riżoluzzjoni fil-livell tal-grupp, flimkien mal-awtoritajiet ta' riżoluzzjoni tal-impriżi sussidjarji, wara li jkunu kkonsultaw lis-superviżur tal-gruppi u lill-awtoritajiet superviżorji ta' tali impriżi sussidjarji, jivvalutaw sa liema punt il-gruppi jkunu riżolvibbli mingħajr is-suppożizzjoni ta' kwalunkwe għajnuna finanzjarja pubblika straordinarja minbarra, fejn disponibbli u applikabbli, l-użu ta' skemi ta' garanzija tal-assigurazzjoni jew ta' kwalunkwe arranġament ta' finanzjament.

2.   Grupp għandu jitqies bħala riżolvibbli meta jkun fattibbli u kredibbli għall-awtoritajiet ta' riżoluzzjoni jew li jistralċaw l-entitajiet fil-grupp skont proċedimenti normali ta' insolvenza jew li jirriżolvu dak il-grupp billi japplikaw l-għodod ta' riżoluzzjoni u jeżerċitaw is-setgħat ta' riżoluzzjoni fir-rigward ta’ l-entitajiet fi grupp fejn ikunu jistgħu jiġu sseparati faċilment b'mod tempestiv, jew bi kwalunkwe mezz ieħor previst skont il-liġi nazzjonali.

Il-kulleġġi ta' riżoluzzjoni msemmijin fl-Artikolu 70 għandhom iqisu l-valutazzjoni tar-riżolvibbiltà ta' grupp meta jwettqu l-funzjonijiet tagħhom.

3.   Meta awtorità ta' riżoluzzjoni tikkonkludi li azzjoni ta' riżoluzzjoni tista' tkun meħtieġa fl-interess pubbliku minħabba li l-istralċ skont proċedimenti normali ta' insolvenza ma jilħaqx l-objettivi ta' riżoluzzjoni sal-istess punt, hija għandha tipproċedi għall-istadji konsekuttivi li ġejjin:

4.   L-awtoritajiet ta' riżoluzzjoni fil-livell tal-grupp għandhom jagħmlu l-valutazzjoni tar-riżolvibbiltà tal-gruppi fl-istess ħin bħat-tfassil u l-aġġornament tal-pjanijiet ta' riżoluzzjoni ta' gruppi f'konformità mal-Artikolu 10, u għall-finijiet tat-tali tfassil u aġġornament. Il-valutazzjoni għandha ssir skont il-proċedura tat-teħid ta' deċiżjonijiet stipulata fl-Artikolu 11. Meta jwettqu l-valutazzjoni msemmija fil-paragrafu 1, l-awtoritajiet ta' riżoluzzjoni fil-livell tal-grupp, bħala minimu, għandhom jeżaminaw id-dimensjonijiet tar-riżolvibbiltà speċifikati fl-Anness.

5.   Għall-finijiet tal-valutazzjoni tar-riżolvibbiltà, l-awtorità ta' riżoluzzjoni fil-livell tal-grupp tista' titlob lill-entitajiet fi grupp jipprovdu l-informazzjoni kollha meħtieġa.