Artikolu 25 Valwazzjonijiet proviżorji u definittivi

1.   Il-valwazzjonijiet kif imsemmijin fl-Artikolu 23 li ma jissodisfawx ir-rekwiżiti stipulati fl-Artikolu 24(2) għandhom jitqiesu bħala valwazzjonijiet proviżorji.

Il-valwazzjonijiet proviżorji għandhom jinkludu buffer għat-telf addizzjonali u ġustifikazzjoni xierqa għal dak il-buffer.

2.   L-awtoritajiet ta' riżoluzzjoni li jieħdu azzjoni ta' riżoluzzjoni fuq il-bażi ta' valwazzjoni proviżorja għandhom jiżguraw li titwettaq valwazzjoni definittiva malli jkun possibbli.

Dawk l-awtoritajiet ta' riżoluzzjoni għandhom jiżguraw li l-valwazzjoni definittiva msemmija fl-ewwel subparagrafu:

3.   Meta l-istima tal-valwazzjoni definittiva tal-valur tal-assi nett tal-entità msemmija fl-Artikolu 1(1), il-punti (a) sa (e), tkun ogħla mill-istima tal-valwazzjoni proviżorja tal-valur tal-assi nett ta' dik l-entità, l-awtorità ta' riżoluzzjoni tista':

4.   L-EIOPA għandha tiżviluppa abbozzi ta' standards tekniċi regolatorji sabiex tispeċifika, għall-finijiet tal-paragrafu 1 ta' dan l-Artikolu, il-metodoloġija għall-kalkolu tal-buffer għal telf addizzjonali li għandu jiġi inkluż f'valutazzjonijiet proviżorji.

L-EIOPA għandha tippreżenta dawk l-abbozzi ta' standards tekniċi regolatorji lill-Kummissjoni sad-29 ta’ Lulju 2027.

Il-Kummissjoni qed tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmijin fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1094/2010.